زيادة مكافأة الطلاب

[M j a F e y]

http://abohelal.com.googlepages.com/FloosNew.JPG

التعليم العالي تنفي زيادة مكافأة الطلاب 150% بالمئة


نفى مصدر مسؤول بوزارة التعليم العالي الأنباء التي تواترت مؤخرا حول زيادة مكافأة طلاب وطالبات الجامعات بنسبة 150% مع مطلع العام الهجري الجديد. واضاف المصدر ل "الرياض" الى انه لم يتم مناقشة الزيادة نهائيا ولم تكن من ضمن المقترحات مؤكدا ان المكافآت ستستمر على ما هي عليه وليس كما أشيع عن أن الأقسام العلمية ستصل ل 2500 ريال بدلا من 1000 ريال والأقسام الأدبية 1800 ريال بدلا من 850 ريالا.

يا فرحة ما تمت

كانت دراسة فتحولت لحديث تبعها أمر ملكي ثم نفي :cry:

[لاتحاول]

الله يعطيك العافيه

على الخبر

[صالح عسكر]

تسلم أخوي علي على الخبر

لكن اللي يشوفهم يقول أنهم خلوا المكافأة 20 ألف

ترا كلها 2500 والله لا بتنفعهم ولا بتضرهم

وأنت تعرف أنه في ناس كثير تحتاج هذه الزيادة ..

يعني ألحين أكثر الطلاب ومن معايشة معهم ما يجي يوم 15 الا ما في جيبه ريال

لأن وراه مصاريف اكل وشرب وبنزين سيارة وتسديد فواتير ومقاضي لنفسه وكتب للجامعة

بالله وش بتسوي به 840 والا 990 هل تتوقع راح تسوي له كل ذا

والله أعرف ناس من يوم يستلم المكافاة ما يبقى معه الا 200 ريال

والباقي كلها ديون على ظهرهـ

بالله وش بتسوي به 200 ريال في شهر كامل !!

وأزيدك من الشعر بيت كثير من الشباب بدأو يتوجهون للاعمال في الشركات

دوام مسائي على شان يقدر يوفر له مصروفه خلال الشهر

يعني لو حسبناها من 7 الصبح الى 2 الظهر في الجامعة وبعدها من 4 العصر الى 2 الليل يدوام

على بال ما يرجع للبيت وينام يكون نام من الساعة 3 الى الساعة 7 صباحا

بالله 4 ساعات كافية ينام فيها الواحد في خلال 24 ساعة دراسة وعمل !!

يعني أقترح أنهم يعيدون النظر في الموضوع ويتركون الطلاب تعيش مثل غيرها من المواطنين

قسم بالله فيه ناس ما تستاهل ورواتبها فوق 20 ألف

لكن مثل ما يقولون ][ حكم القوي على الضعيف ][

والله يصبر جميع الطلاب والطالبات على وزارة التدمير http://www.7elweeen.net/vb/images/smilies/smile.gif

والسلام خير ختام ,,

[علي الساهري]

يالربع الحكومه ما عندها دراهم:Emo_48:

وهالمكافأه تعتبر استحقار للطالب

ولا ننسى ان في طلاب يدرسون خارج مدنهم وبعيد عن عوايلهم

وعليه ايجارات وقرف

[همسة احساس]

الزيادة لطلاب الابتعاث في الخارج واللي في الداخل مالهم شيء

والله يعطيكم العافية

[المحروم]

مشكوور على الخبر

[بلقاسم الشمراني]

خيرها في غيرها

والظاهر أن الزيادهـ للطلاب المبتعثين في الخارج والله أعلم

يعطيكـ العافيهـ أخي الكريم

احترامي وتقديري

[Hâkâ®ôk yâ GâlBê]

يارجال والله لا تشوفنا في الكلية ننطط مثل الدلوخ من الفرحه شوي الا مافيه قمنا نتضارب في

الكلية ههههههههههههههههههههههههههههههه

والزياده للي في الخارج واللي في الداخل على ماهم زي المكافأه الاولى

اقول بس يـــابــلادي كم على شانــــش:gif_6:

تقبل مروري واحترامي

&*شمراني والوفاء عنواني*&

[بن صهبان]

لا تـــعلـــيـــق

[عبدالله الساهري]

ياناس وشبكم ؟؟
انتوا تحسبون انه عندهم فلوس زايدة عشان يرفعون المكافأات ؟؟
ضعووووف..اذا وصلت ل2500 بيسير أزمة اقتصاد في البلد..

وأقول يا صالح عسكر...والله كلنا نصييييح مثلك ونناااااااادي...لكن للأسف...ماعندك أحد !!

[Hâkâ®ôk yâ GâlBê]

انا وش قلتلكم

يابـــلادي كم علــى شانـــــش

ههههههههههههههههههههههههههه

[المطاعي]

أقول 00 الله يكون في عون الشباب ، اظن ال 800 ريال او 1000 ريال ما تكفي الواحد أسبوع
ولو صار وتعطلت سيارته عاد حلها 0
وش يسوي بحاله ؟ يسررررررررق ؟
الله يصلح الحال 0
بس على فكره ترى الطالب الي يدرس بالداخل ما ياكل ولا يشرب وساكن ببلاش - بالشارع - ولا يصرف شي
عشان كذا ما يحتاج للزيادة ؟؟؟؟؟

[M j a F e y]

ياناس وشبكم ؟؟
انتوا تحسبون انه عندهم فلوس زايدة عشان يرفعون المكافأات ؟؟
ضعووووف..اذا وصلت ل2500 بيسير أزمة اقتصاد في البلد..




ياحبيبي وش الي ماعندهآآ

الدوله تصرف عليكـ وع آهلك وعلينا كلنا وع معظم الدول اذا ماتدري

تدري انت كم الفائض السنه الي راحت

حوالي اربعه ميه ومادري كم مليآآآآآآآآآآآآر

وتقول ماعندهآآآ

اقتصاد الدوله واسع وكبير وهذا من غير الي تروح في الجيوب ومايخفى كان آعظمـ



آغنا دوله وآفقر شعب هي السعوديه للاسف


وانا آسف ع التآخير في الرد لكن الكلمه هذي آكلت معي

شاكر لكم ع المرور

[ولد صقران]

يا اخوان قولوا الحمد لله

غيرنا يدفع فلووووس عشان يتعلم

تحيتي

ولد صقراااااااااااااااااااااااان