المساعد الشخصي الرقمي

مشاهدة النسخة كاملة : يا صاحبي الله يردك على خير


رائد الشمراني
11-22-2008, 07:54 AM
ياصاحبي الله يردك على خير
قلب ٍ يحبك لا تزود عذابه

أرجع ترى لك كل حب ٍ وتقدير
ومن لا يعيش الحب يرجي سرابه

وين أنت ..؟ عني ماخذتك المقادير
شف حال من بعدك عنا الوقت صابه

وين أنت ..؟ لو طوّل غيابك وش يصير
الله يعين المنتظر من صوابه

وين أنت ..؟ عني ما تفيد المعاذير
مل الصبر والوقت كشر بنابه

تعال طمني ولو بعذر ٍ صغير
دام الغلا والشوق شرعت بابه

تعال شوف الناس من حولي كثير
عذال ووجيه العواذل تشابه

كل من سألني قلت حبه ترى غير
حبه ملكني .. "لا " حبه نهابه

هذاك لو يخطي يجيب التباشير
خطاه عندي فيه ملح وذرابه

هذاك ما يوم ٍ حصل منه تقصير
لو طال صده ما يطول غيابه

شف وش كثر في غيبتك من تعابير
وهم ٍ يجيب القلب وهم ٍ غدابه

وين أنت ..؟ ما للهجر والبعد تفسير
غربة وقلبي مل كثر أغترابه

وماهمني جرح الزمن دامك " بخير"
ياللي بغلاه القلب نوخ أركابه

سعيد العامري
11-23-2008, 01:14 PM
مشكور يارائد الشمراني
كلمات جميله يعطيك العافيه وتسلم يمناك