عواض ابوشراره....البشوت....

[علي الساهري]

بسم الله الرحمن الرحيم

سعدت بالتواصل مع الشاعر المبدع عواض بن صالح بو شراره شاعر قبيلة ال عامر شمران حاليا والذي تربطني به صلة الرحم

والذي تمكنت من الحصول على بعض قصائده

وبإذن الله سنرى الكثير من ابداعاته في هالمنتدى بإذن الله

وهذه قصيده سبق ان طرحتها للشاعر في منتدانا وهي على الرابط التالي http://www.shmran.net/vb/t9160.html

اليوم اتركم مع قصيده قالها الشاعر عواض وهو يدرس في المرحله الثانويه وهي بعنوان البشوت

البـــــشــــوت




ابن صالح قال ما لذ لي شرب وقوت
ومن مثيلي من مخاليق ربي .. يا شقاه



اكتم العلة.. واداري عليها بالسكوت
ويحسب اللي مادرى اني سعيد في الحياه


والسعيد.. اللي قعد عن كلام الناس فوت
ما ابتلش مثلي براعي النميمه.. والوشاه


والشقي.. من مثل حالي تعديه البخوت
مرة يمشي .. وعشرٍ ينقّش ما وطاه


والزمان اللي حداني ..طريده ما يفوت
واهني اللي سلم من سهومه ما رماه


احسب انه حالي.. يوم لونه لون توت
واثر عين ابليس فيّه ..وعيني في حماه


ان بكيت ابكي وعندي على الدمعه ثبوت
وان ضحكت اضحك وانا قلبي تقطّر دماه


غير ياقلبي تصبّر.. ترى تاليك موت
وارض بالمقسوم والله يعوّضك بجزاه


رزقك المكتوب لك لو يكون في بطن حوت
ماخذه غيرك من الناس ..لو طوّل مداه


واترك الدنيا ترى الناس في عصر البشوت
وطيوا النعمه ..ونسيوا مقادير الزكاه


الضعيف اليوم ..ماعاد تسمع منه صوت
وان تعدى مرة سوّد الطارف نباه


والقوي لو كان يلعب في المسجد بلوت
ما ابصروا عيبه.. وقالوا مقيم للصلاه


العقال مميل ..فوق مشلح.. فوق كوت
لاويٍ خشمه ..ولا يهرج الا من قفاه


نسيوا انه كان قدام ..في عهد الفروت
ان مشى حافي ..وثوبه مرقّع من وراه


ياالله انك تذكربخير.. هذيك الوقوت
يعرفون الناس بو زيد .. سيفه من عصاه


قالها اللي ..ماتعدى على وساع البيوت
ظامي ذاق العذابين ..وتقطّع رشاه







عواض ابو شرارة






.

[محمـد ع الرشيـدي]

شاعر مبدع
والأخ عواض تمت معرفتي به في حفل تكريم أبو سامي
وهو مبدع واعتقد ان الأخ الاصغر له أيضا شاعر
ماشاء الله عائله شعريه نتمنى ان نرى المزيد
كل الشكر يابو سعد

[عبدالله حوفان]

شاعر مبدع

ونتمنى ان نرى المزيد

مشكوور ياعلي

[ابونايف الشمراني]

قالها اللي ..ماتعدى على وساع البيوت
ظامي ذاق العذابين ..وتقطّع رشاه
_________________________________

كفو يالشاعر/عواض ابو شراره
انت شاعر مبدع اتمنى ان اراك بيننا في منتدى قبيلتك شمران و انت تستحق ان تكون في المقدمه
شكراً لاخي علي الساهري على اهتمامه
تحياتي و تقديري للجميع

[أحمد الشمراني]

رزقك المكتوب لك لو يكون في بطن حوت
ماخذه غيرك من الناس ..لو طوّل مداه

اقف احترام للشاعر على هذا البيت

وعواض ابوشرارة شاعر متمكن لكن الاعلام لايخدمه ابداا

تقبل فائق الود ياعلي

[ولد صعيدا]

شـاعر مميز و كلمات لا تصدر الا من شاعر كفوو

سلمت يمناك اخي علي و ننتظر الجديد من ابداعات هذا الشاعر المميز

لك كل التقدير

ولد صعيدا

[ابن شبيلي]

بيض الله وجهك ياعلي
وبيض الله وجه شاعرنا عواض
وهذه البيتين تحكي واقع اكثر الناس اليوم ( الا من رحم الله )
الضعيف اليوم ..ماعاد تسمع منه صوت
وان تعدى مرة سوّد الطارف نباه

والقوي لو كان يلعب في المسجد بلوت
ما ابصروا عيبه.. وقالوا مقيم للصلاه

[عبدالله الساهري]

غير ياقلبي تصبّر.. ترى تاليك موت
وارض بالمقسوم والله يعوّضك بجزاه

صـــــح لسآن الشاعر الكبير عواض بو شرارة الشمراني
وشكــــــراً لكـ علي .. على نقل هذه القصيدة من الشاعر

[عبدالله حوفان]

صح لسان الشاعر

وبيض الله وجهك ياعلي

[علي بن صالح]

صح لسان ابوصالح

شاعر قدير ولم يأخذ حقه الوافي

[حكيم البادية]

صح لسانك يالخال ومن جد الاعلام ماخدمه وعلى فكره يقال ان اخوه محمد شارك في شاعر المليون السنه الي راحة ونال إعجاب لجنة التحكيم ولكن طلعوه عشان سأل سؤال لاحد لجنة التحكيم وألي يسال أو حتى يتكلم في شاعر المليون يطلعوه وبصراحة سبب تطليعه تااااااااااااااااافه الله حسبنا عليهم

[الحر الأشقر]

عواض أبو شرارة شاعر متميز وله تاريخ حافل جدا

ولكنه لم يأخذ حقه إعلاميا


الشكر لأخي علي الساهري

ونتمنى إذا كان لديك المزيد من قصائد الشاعر أن تنشرها ولك الشكر

[سعيد بن منجية]

لاهنت ياعلي الساهري

وصح لسان شاعرنا ابو شراره

شاعر مبدع وفذ

ونتمنى تواجده بإسمه وبصماته في منتدى العصاه لينهل منه وننهل منه

تحياتي القلبية والقبلية