قالو جماله

[علي الساهري]

بسم الله الرحمن الرحيم


قالوا جماله كامل الحسن وافي
شوفه عسى تكتب قصيده جديده

شفته وقلت الله يعين القوافي
وشلون ابكتب في القصيده قصيده

كل الكلام الزين ماهو بكافي
والشعر وان مانقصه مايزيده

هذا يخلي برد الاشواق دافي
والعمر لوهو راح شوفه يعيده

لعيونه امشي الدرب لوكنت حافي
تحت امر عينه بس يشر بيده

كب الشتى فوقي وشقق لحافي
علمني انه تاج عصره وسيده

الشعر ضاع وقال رمشه عوافي
كنه يقول اسكت وفرصه سعيده



مساعد الشمراني

[محمـد ع الرشيـدي]

الله الله على الشاعر الكبير :مساعد الشمراني
قمة الروعه والجمال اشكرك اخي علي على هذا النقل الرائع
بارك الله فيك

[همس الغلا]

صح لسان الشاعر .. وسلمت يداكـ علىآ الطرح

مشكور أخي (علي الساهري) مآقصرت ..