اطرح رايك مشكورا لتعم الفائدة

[ابويزن]

السلام عليكم ورحمة الله وبركاته
اخواني الاعزاء
احببت من خلال هذا المنتدى الرائع ان نناقش معا موضوعا تعم به الفائدة ويحصل به الاجرباذن الله الا وهو
كيفية استغلال الوقت بما يعود علينا وعلى ابناءنا وذوينا بالفائده
فارجو من الجميع طرح بعض النصائح والافكار ليستفاد منها خاصة بحلول الاجازة الصيفية

شاكرا ومقدرا لكم
والسلام عليكم
اخوكم\ ابو يزن

[علي الساهري]

والله انا بنظري الي مابيخرج من المدينه

فيضع ابناءه في اي معهد من العصر الى العشاء<< 3 ساعات

اما الي بيسافر الديره ....فيخلي عياله ينبسطون يارجال والعزايم واجد والرحلات واجد ^_*

[محمـد ع الرشيـدي]

موضوع رائع كما عودتنا في مواضيعك دائما
بالنسبه للإجازه هناك مراكز صيفيه هناك حلقات تحفيظ
ندوات مخيمات دعويه
والشخص منا يستطيع تنضيم وقته في بيته لو جعل يوميا نصف ساعه لكتاب الله وتنضيم وقته على حسب رغبته
والامر سهل جدا
اكرر شكري لك
واصل تألقك

[حكيم البادية]

أكيد في الاشياء المفيده ( القراءة بأنواعها - السباحة - التعلم-الاستماع للمحاضرات - وظائف وغيرها كثير... )

تقبل مروري ... الرسمي

[عبدالله الساهري]

اكثر اللي اعتقد انها تسلـي وتشغل الوقت
الجمعات تكون بكثرة
والسباحة
والكتب اللي تكون مسلية وثقافية في نفس الوقت
على حسب مايحب الشخص
يعني كتب عن التاريخ مثلاً..
والمعاهد .. يعني مثلاً معهد تعليم لغة انجليزية .. منها يتعلم ومنها يشغل وقته ..
سلمــــــت يداااااك يابويزن على هذا الجهد ..

[بنت رجال]

التسجيل في معاهد لاكتساب الخبره
او الدخول للنوادي لتعليم السباحه والكراتيه عشان اذا جاء احد يطق عيالك يلف عليه بحركه ويطرحه على الارض ههه..
شكراً لك اخوي

[ابويزن]

اشكر الا خوان والا خوات علي المرور

[أحمد الشمراني]

انا ماعجبني الا الي يقول معاهد وحلقات تحفيظ وهو لو تسحبه على وجهه ماراح

انا اعتقد انا فالاجازات نظامنا كذا

نوم الى بعد العصر

يقوم من النوم وياكل شي ويتكي عالنت للمغرب ويطلع ومايرجع الا عالساعه 2 وحدة وعالنت لبعد الفجر ونوووووومة وكذا

وانا اشوف انه فله اما راعي المخيمات الصيفية نص طلاب المدارس ماحتسب بالاجازة يقوم يدخل مدرسة مرة ثانية مايجي ياخوي

[همس الغلا]

وعليكم السلام ورحمة الله وبركاتهـ

اولاً:
أوافق أخي( أحمد الشمراني) .. أن الناس تبغى تبعد عن جو الدراسه ويهتم بالمتعه فقط والتماشي والجمعات لنظرة شخصه هو ..
وأخالفه .. أن لكل شخص حرية قضاء الوقت بطريقتهـ ومايعجبهـ ويمكن من اللي سبقوني بذكر المعاهد والمخيمات والنوادي .. ترجع لهم ولحبهم في قضاء فترة الصيف

.. لكن فيه نوادي للتسليه والفائدهـ بعيد عن جو المدرسهـ وتذكيرهم فيها .. كالمسابقات والالعآب

فيه البعض يكون ضعيف في مادهـ .. فرصهـ يقوي نفسهـ فيهآ بالاجازهـ (كالأكاديميآت الأنجليزيهـ) إذا مآسافر

في البيت انا اللي أشغل نفسي فيهـ القراءه روووووووووووعهـ << تنقذني من الطفش
كتب تستفيد منهآ وتثقف نفسك حتى عالنت مولازم كتب وتغير جووو بالطلعات وترا التسجيل بالمعهد ماياخذ إلا القليل من وقتكـ ولا تبخل على نفسكـ بالفائدهـ ... المهم انــه في طرق كثييييييرهـ تقدر تشغل وقتكـ فيها مو كل الناس مثل بعض .. كلن يستفيد بهواهـ واللي يعجبهـ

لكن المسكين اللي يمر الصيف وما أستفاد ولو بكلمهـ .. إن شاء الله الكل يجمع بين الأفآدهـ والمتعهـ

........................

أخيراً أشكركـ أخــــي (أبو يزن) عالطرح المميز .. وفتح باب النقاش لنا في ماينفعنا

لاتحرمنا من جديدكـ ..

*تحيتي للجميع*

[عبدالعزيز الساهري]

موضوع كبير ومفيد لكن فين اللي بيطبقه انا اولهم نوم نت طلعت رجعات حتى كتاب ما اقرأ

انا اشوف اللي زيي يستغل وقته بـ نادي رياضي كوره سباحه اي شئ على الاقل ساعتين يومين

الفـ شكر لك يابو يزن وسلمت يمناك