قلاااااااااده

[محمد بن عامر]

السلام عليكم ورحمة الله وبركاته


الله اكبر ما كوى عيني ولا عنّاها = غير من له في الضماير جمرة وقّاده
جمرة(ن) في وسط عيني كن من يصلاها = صرت متعوّد عليها واصبحت لي عاده
خاشرتني في لهبها دقّها واجلاها = والسهر حارب عيوني يابشر ياساده
والسبب خلن طعونه في الحشا مرساها = والبلا حبه ملكني وانثنت له راده
صرت اشوف الجور واسكت والجروح امحاها = لين ملّ الصبر مني وارتكا بزناده
والفضا ضاق ابعيوني والجحيد اعماها = وطاح جسر الشوق يمّه واستباح اعماده
قمت اقلبها بجوفي والجروح ابلاها = لين طفت الكون كله والخفا وابلاده
عندها فزّت عروقي واستثارت ماها = وابتدت نفسي تجاهد خنجره واجهاده
وابتديت اجمع عزومي وانتقيت اسماها = وقلت يا كرب الليالي هات شوقك ناده
وقلّه اذلف عن عيوني والرجوم اعلاها = لا يكون اتمر قلبي زاد فيه اعناده
رح لغيري ما بتلقى غيرها وسواها = طردة العين السهيره في نحرك اقلاده

[حسن بن عبدالله]

وعليكم السلام ورحمة الله وبركاته

عشت يابن عامر على هذه القصيده الجميله
فشكرا لك وصح لسانك

[الزعيم2]

الله يعطيك العافيه على الموضوع

الزعيم2

[علي الساهري]

صح لسانك عالقصيده الجميله

[سيف الشعر]

صحت لسانك يابن عامر
وين هذا الابداع من زمان لاتحرمنا منه الله يخليك
وننتظر المزيد
تقبل مروري

[ابونايف الشمراني]

وعليكم السلام ورحمة الله وبركاته

حيي الله الاخ الكريم والشاعر / محمد بن عامر
صحت لسانك ولاهنت على هذه القصيده الجميله

لا تحرمنا من جديدك
لك منا كل محبه وتقدير

[عايض حامد الشمراني]

محمد بن عامر

صح الله لسانك والله يحييك ويحيي رجعتك
قصيده رائعه مليئه بالحكمه وجميل المعاني.

تقبل مروري وتقديري

[عايض الشمراني]

وقلّه اذلف عن عيوني والرجوم اعلاها = لا يكون اتمر قلبي زاد فيه اعناده
رح لغيري ما بتلقى غيرها وسواها = طردة العين السهيره في نحرك اقلاده

صح الله لسانك يابن عامر
اسجل اعجابي

[وليد]

صح الله لسانك ولاهنت يابن عامر

[بلقاسم الشمراني]

صح لسانكـ يالشاعر محمد بن عامر

بيض الله وجهكـ يالغالي على القصيدة الرائعة

لاهنت

[ابو راشد]

صحت لسانك يابن عامر
مبدع دائماً يا ابو شموخ
تقبل تحياتي

[مي م.ط]

صح لسانكـ
على القصيدة الرائعة

[بن حمدان]

اخي الشاعر محمد بن عامر قصيده جميله

كلمات ومعنى رائع احييك على هذا الأبداع

الجميل

اخوك بن حمدان