خاطرة انتهينا وازمن يضحك علينا

[ابويزن]

وإنتهينا ,
والزمن يضحك علينا ..
لا بكينا !

والوداع { اللي دريت إنه نصيبي ..
يا حبيبي ..
مو بيدينا !

ما علينا ..
أدري ظروفك قويّة يا حبيبي ..
يا حبيبي ..
يا حبيبي ..
يا حبيبي ..

وأكثر اللي بأفقده كلمة " حبيبي " .كانت شفاهك ..
تهاجاها علي .. كنّها قصيدة !
مب جديدة ..
بس ما مرت علينا !

كل أمانينا ..
وأحلام الحبايب !
طيرتها الريح ..
طالبك .. ما تصيح !!

دامنا ..
صدق إنتهينا ,
والزمن يركض وهو يضحك علينا ..
لا بكينا !!


صرت قاسي ..
صرت أصب أحلامي الحلوة بكاسي .
وأكسره !
صرت أخاف أتذكره ..

وقبل ميلاد الظروف اللي احصلت لك ..
بعت ناسي !!

ماأحس ..
برقة القمرى وهي تضوي جبينك ..
أو احس ..
برقة القمرى .. ولا أدري إنت وينك !!

يا { حبيبي ..ظنك الدنيا تنسينا بعضنا ؟!
لك معي بأكثر تفاصيلي .. [ ملامح ] ..
إمسح أبياتي من الدنيا ..
وأنا والله [ مسامح ] !!

من زمان اتخيل إحساسي وانا أودعك .. \ راحل ..
للحنين !
لآخر حدود المدينة والسواحل ..
{ للسنين !
اللي مثل جسمي وأنا .. \ ناحل ..
يا حبيبي ..
يا حبيبي ..
يا حبيبي ..

يا أعز إنسان يطعني وأنا راضي عليه ..
يا أحن أحضان ضمتني وأنا غارق بعيبي .. قول: ليه !

ليه أحس إنك تحاول من زمان ..
وآخر أيامك قدرت !
لين بان ..
نظرة الواقع بعينك ..
صورتي وآنا أدور عنك وينك ..
قلي بس .. وش صار فينا !
وين كل وعودنا ؟
وين آثار البكى بخدودنا ؟
وين حلفك لي :
إذا طاري على الهجران طاري ..
ما تصد !!

تشرح أعذارك ..
وأنا والله مسامح !!

ما علينا ..
يمكن العشق القديم يظل فينا !
أو يموت إليا بكينا ؟!


المهم ..

إنّا إنتهينا ..
والزمن يضحك على باقي حكينا ..
والوداع اللي دريت انه نصيبي !
يا حبيبي ..
يا حبيبي ..
يا حبيبي ..
مو بيدينا !

[عبدالله بن غصاب]

ابو يزن انت مبدع واشكرك على هذا الابداع

وتقبل مروري واعجابي

[ابويزن]

ابو عصاب انت الي ذوقك رفيع
اشكرك عهلي المرور

[حسن بن عبدالله]

شكرا لك ابو يزن على روعة ماطرحت
فسلمت يمناك

[ابويزن]

ويمناك ابو حوفان شهادة
اعتز فيها

[محمـد ع الرشيـدي]

ذوق رفيع منك أبا يزن
تقديري لك

[ابويزن]

انت الي من زمان ما لك حس ابو زميم عسي المانع خير

[حكيم البادية]

موضوع مميز

[بنت رجال]

اي والله انتهيــنا,,
نقل اكثر من رائع ..
راق لي الكلمات كثيراً
تسلم يمناك ابو يزن على روعة الانتقاء..

[ابويزن]

شكرا علي مروورك عذرا

[أمل الشرق]

رائئئئئئئئئئئئئئئئئئئع ابويزن اشكرك على ابداعك وطرحك الجميل

[ابويزن]

وانا ايضا اشكرك علي ذوقك الرفيع

[أبو الرشد]

دعيني اهنئك بقلمك الرائع
الذي يجوبه الابداع
والاحساس الراقي
مشكوره ودمت بود
تحياتي

(http://forum.te3p.com/newreply.php?do=newreply&p=5867536)

[ابويزن]

الاروع والا جمل مرورك ابو الرشد
تحياتي لك