ماذا تفعلين لو طلب منك زوجك ذالك ليلة الدخلة [الأرشيف]

مشاهدة النسخة كاملة : ماذا تفعلين لو طلب منك زوجك ذالك ليلة الدخلة

ابويزن

10-26-2009, 07:13 PM

بسم الله الرحمن الرحيم

الســـلامـ عليكــمـ و رحمـــة الله و بركـــاتــــــه

شفت موضوع و أعجبني كثيرا

قصة ولا أعلم هل هي واقعية أم خيالية حصلت في ليلة الدخلة ,,,

المهم
أول شيء أنا وضعت هالقصة ,, عشـان أعرف ردودكم على الموقف

هذا .. لو كنتــــوا مكـان البنــت هذه ,, كيف تكون ردة فعلكم ؟؟

اليــــــــكـــــمـ القصــــــــــــــــــــة :

شاب راح يخطب وحده وتمت الموافقة على الخطبة ومن ثم الزواج المهم

إيش اللي صار ليلة الدخلة بعد مادخل صاحبنا شقته مع زوجته

وإلا جواله يدق ويقوم خوينا يرد على الجوال ويدور الحوار التالي :

الزوج : الووووو

ا لمتصل : السلام عليك، كيف حالك يا (فلان) و ألف ألف مبروك

الزوج : وعليكم السلام وينكم يا أنذال ماحضرتوا الحفل يا تعبانين

المتصل : والله تعطلت علينا السيارة في الخط واحنا جايين عندكم ووصلنا وسألنا عنك قالوا إنك رحت مع المدام والان احنا راجعين ..

((طبعاً البلدة تبعد حوالي 300 كم))

الزوج : المهم تعشيتوا ؟؟

المتصل : لا والله

الزوج : كم عددكم ؟

المتصل : عشرة

الزوج : اقولك (عشاكم الليلة عندي) قل تم .. http://www.rooad.com/vb/images/smilies/eek.gif

المتصل : يا ابن الحلال مايصير أنت عريس جديد و .. و.. http://www.rooad.com/vb/images/smilies/confused.gif

(( المهم مافي فايدة الزوج مصر الا يتعشوا عنده ))

الزوج : يالله انا انتظركم مع السلامة ..

وقفل الخط ,,,,

الزوجه المسكينة ما هي مصدقة اللي سواه زوجها ليلة الدخلة !! http://www.rooad.com/vb/images/smilies/confused.gif

ثم قال يافلانه أنا رايح السوق وراجع ,,

(( على بالها يبي يجيب عشاء جاهز ))

بعد ربع ساعة رجع الزوج و معاه أغراض العشاء

قالت الزوجة : أيش هذا ؟؟ http://www.rooad.com/vb/images/smilies/mad.gif

قال: الله يسلمك قومي سوي العشاء لزملائي في العمل جايين من بعيد

ولا تعشوا ,, >>

،،، وفي أثناء الحوار ،،، وإلا الباب يدق ..

قال : هم هذولا وصلوا يالله همه يا مره وراح عند ربعه يقهويهم ..

المهم المسكينة في المطبخ تقطع البصل والطماطم بفستان الزفاف وعيونها تدمع وتقول في نفسها ( بكرة بأرجع عند أهلي من الفجر وأطلب الطلاق) المسكينة سوت العشاء وتعشوا وراحوا لديرتهم المسكينة متضايقة ..http://www.rooad.com/vb/images/smilies/frown.gif http://www.rooad.com/vb/images/smilies/frown.gif

http://www.rooad.com/vb/images/smilies/eek.gif والمفاجأة الكبــــــــــــــــرى !! http://www.rooad.com/vb/images/smilies/eek.gif

7

7

7

7

7

7

7

يدخل زوجها عليها ويرمي لها (50000 ) خمسين ألف ريال http://www.rooad.com/vb/images/smilies/eek.gif

قال : هذا حقك ,,

قالت : حقت أيش

قال : الرهان اللي بيني و بين زملائي العشرة على كل

واحد (5000) بأنك تطبخين ليلة الدخلة وأيش يكون ردة فعلك موافقة

وإلا .. لا وأنتِ من كسب الرهان وتمت ليلتهم على خير

وصاروا أسعد زوجين http://www.rooad.com/vb/images/smilies/biggrin.gif

هل تفعلينها لوطلبها منك زوجك ليلة الدخلة ؟؟؟!!

مارايكم فيها

أبو الرشد

10-26-2009, 08:20 PM

اتوقع اذا كان فيها درااهمو انهم بيوافقون

حكيم البادية

10-26-2009, 09:18 PM

هذا مما لاشك فيه أخي أبو الرشد

إنسان

10-26-2009, 09:29 PM

::::
:::
::
:

لا يفعلها إلاّ جاهلٌ أحمق

ابويزن

10-26-2009, 09:31 PM

اخي ابو الرشد
اخي صعب المنال
اشكر مروركما
وانتظر المزيد من المشاركات

محمـد ع الرشيـدي

10-26-2009, 10:07 PM

أولا:مستحيل ناس يحطون رهان خمسين ألف ولافيه أمل يعطونه
ولكل حادث حديث ياأبويزن
أخوي:انسان ليش أحمق تراهي زوجته

ابويزن

10-26-2009, 11:51 PM

شرفت ابو زميم

ابو راما

10-27-2009, 12:00 AM

الرجل تحدى زملاءه وحاب يعرف ردة فعل زوجته هي تبيض الوجه والا لا المهم كسب زوجته والدراهم.

ابويزن

10-27-2009, 12:25 AM

ياعيني عليك وعلي عقلك ابو راما
تحياتي لك ولمرورك

فيصل الساهري

10-27-2009, 01:53 AM

حرام بالله انها بنت رجاااااال

وهو ماكان المفروض يسوي هالحركه لانه ممكن انه يصدر منها حركه ماهي طيبه

عموما مشكور ياابويزن على الموضوع

(جنة القلوب)

10-27-2009, 03:34 AM

فعلا الناس مو مناظر مخابر جد هالمراة تنحط على الراس انا لو منها بسوي اللي سوته عادي وش فيها يعني اسوي عشاء يعني بتنهد<<بتخرب لو سويت عشاء. هاليله اذا ما اثبتت وجودها وحبها له بهاليوم وش بيكون بالايام الجايه حتى لو كان مافيه رهان والرهن حرام وعالعموم تشكر اخوي عالموضوع دمت بود

ابويزن

10-27-2009, 09:40 AM

الاخت سومة
اشكرك جزيل الشكر فعلا تستاهلي التقدير
تحياتي لك

ابويزن

10-27-2009, 09:42 AM

حرام بالله انها بنت رجاااااال

وهو ماكان المفروض يسوي هالحركه لانه ممكن انه يصدر منها حركه ماهي طيبه

عموما مشكور ياابويزن على الموضوع
اخوي فيصل
اسعدني مرورك دمت بود

المستشار1

10-27-2009, 09:59 AM

طيب البنت من طيب أهلها وهذ يدل على انها بنت رجال وتستحق كل تقدير ومثل هذه يندفع فيها المليارات الدولارات

ابويزن

10-27-2009, 12:51 PM

طيب البنت من طيب أهلها وهذ يدل على انها بنت رجال وتستحق كل تقدير ومثل هذه يندفع فيها المليارات الدولارات
احي المستشار اشكرك علي مرورك
وهذا ان دل علي شي فنة يدل علي رجولتك انت
تحياتي لك ودمت بود

حيرتهم بطبعي

10-27-2009, 06:00 PM

لكــــــــــــــــــــل حدث حديث لاهنت ياخوي عالموضوع تقبلوا مروووووري

ابويزن

10-27-2009, 07:23 PM

شكرا على مرورك

طيف شمران

10-27-2009, 08:40 PM

[align=center]
[align=center]
لو انا مكانها عاااااااااااااااااااادي شي طبيعي لأنه بعدين راح يعرف قيمتي اكثر
ويكون كذا كسبت الفلوس ورضي زوجي وحتي لو مافية فلوس خلاص الوحدة تطلع من بيت ابوها تتحمل اي شي يصير من اول خطوة وهي مفارقة بيت ابوها حتي تموت
والحياة يبيلها صبر وتحمل .......................

ابويزن

10-27-2009, 10:36 PM

اللة اللة علي رجاحة عقلك
تحياتي لك
ودمتي بود

اميرة شمران

10-27-2009, 10:52 PM

صدقني لو بدلها لأسوي لهم اندومي هههههههه..
وبصراحه زوجها متخلف جدا.

ابويزن

10-28-2009, 09:14 AM

اشكر مرورك
تحياتي لك

بنت رجال

10-29-2009, 08:41 AM

تبغى الصراحه والا بنت عمها هع
انا بطبعي صريحه جداً
لو حصل هالشي وبليله حساسه زي هذي راح ارفض اسوي شي وبقعد اصيح طول الوقت يعني كاشخه له بفستان وميك اب وادخل بالكشخه كلها مطبخ واجلس اطبخ وانفخ قويه شوي بحقي ..
غير هاليله يبشر ببنت الاجواد اللي ترفع له راسه
البنت لما تتزووج صحيح لازم تكون قد المسئوليه وماتطلع من بيت ابوها الا عارفه وش لها وش عليها بس هالطريقه ماارضى فيها ..
الزوج على العين والراس وماله الا تشريف بس رهان نو نو مش مقبول ..
>> طولتها وهي قصيره مووو؟
يعطيك العافيه ابو يزن

ابويزن

10-29-2009, 04:20 PM

وجهة نظر وتحترم
تحياتي لمرورك

سعيد بن هتاش

10-30-2009, 12:39 AM

حي الله الي تكرم الظيف وتلين *** والي اذا ضاقت تشيل الثقالي

اشهد انها بنت رجال وان زوجها مطنووووووووووووخ

سعد666

10-30-2009, 04:34 AM

والله انها بنت رجال

وتشرف نسابة مثل أهلها لأن البنت من تربية أهلها

مطنوخ تزوج شيخه وربي

أحمد الشمراني

10-30-2009, 09:11 AM

ابويزن

10-30-2009, 12:38 PM

وجهات نظر تحترم
تحياتي للجميع

ابويزن

10-30-2009, 12:40 PM

اشكر الجميع علي المرور
دمتم بود

ابويزن

10-30-2009, 12:41 PM

كل الشكر للجميع علي المرور
بود

طيف شمران

10-31-2009, 09:47 PM

اميرة شمران // لية زوجها متخلف تبين اجل يجيب لك كل يوم من المطعم بالعكس تصرفها خلي حياتها من البدابة صبر وتحمل وكبرت في عين زوجها وخلت زوجها قدام اصحابة انة فعلاً اختار بنت نااااااااااااااس
وهذا يرجع للرجاحة العقل ...................................

اميرة شمران

11-01-2009, 12:33 PM

طيف شمران// اولا: اقري كلامي زين يالفاهمه لاني ماقلت كل يوم يجيب من المطعم
فيه فرق بين(اول ليله وكل يوم)
ثانيا: اقري رد الاخ احمد الشمراني قال كلام كله ذوق وعقل خاصة(تاخذ فوس على حساب مشاعر شخص ثاني) باين انه انسان فاهم ماهو مثل الي يقول مطنوخ الحمدلله والشكر مطنوخ على ايش
ثالثا: الي متعوده على الجلافه ماعندها مشكله ولافرقت عندها ليله خاصه والاعامه
رابعا:اول كلمه عندك خطأ..المفروض تكتبين(ليه) ماهو(لية)

<< وردة غرام >>

11-03-2009, 11:42 AM

طبعا السالفة معروفة وولكل واحد راية الخاص

بس الي يقول الزوج مطنوخ ...

لية مطنوخ؟

لانه دخل الشباب في حياته من اول ليلة

او لانه جمع فلوس مقابل مشاعر شخص اخر

شوفوا انا معكم المبلغ ضخم ياشباب

بس تخيل شكلك فالفندق او الشقة تاكي فالغرفة وزوجتك مع صاحباتها او اخواتها يسمرون

انا مابرضاها ولو كان فيها فلوس لي

لان هذه ليلة خاصة جدااااااااااااا وفيها ذكريات للزوجين فقط ما اتمنى اي احد يشاركني فيها

اما الغالي

ليلة الدخلة ويدق بلوت مع الشباب ليته بلوت اخوياه شيبان ذا ادوه من خمسة الاف شكلهم يلعبون ضومنه

ويعطي المسكينه تطبخ

ياخي اسمه شهر عسل يعني شهر البنت ماتعرف طريق المطبخ وانواع المطاعم

وللعرسان فالرياض

في مطعم في الجرادية يسوي روووووووس مندي كلاااااااام

وعرسان جدة

مطعم بدر للماكولات الباكستانية فالمكرونه ممتاز

وعرسان الشرقية

مافيه الا شواية الخليج

والله احسن رد وكلام منطقي وواقعي درجه اولى

لان هذي اول ليله لهم سوى وانسان منحرجه منه وخايفه ومتلخبطه وحيااااااااه جديده وكاشخه له

ولابسه وفي النهايه واقفه بالمطبخ اذا يبغى يختبرها مو اول ليله واكيد بعدين ما بتقصر معاه لكن

للاسف هالايام الشباب يتحدون بعض على اشياء تافهه ويمكن يكون فيها اهانه لزوجته لكن اهم

شئ يكسب التحدي مالت عليه بس والبنات صراااااااااحه قاعدين يجاملون والله ماتوقفين اول

ليله في زواجك بالمطبخ

تحياتي << وردة غرام >>

المطاعي

11-03-2009, 03:18 PM

اعتقد الرجل ممكن يقبل التحدي
لكن المشكلة في الحرمة أخاف توهقه ويمكن في الألف يطلع واحده تكسب الرهان 0
مشكور أبو يزن على القصة 0