مقتطفات من شعر الشاعر /طلال الرشيد

[بحرالعلوم]

المشكله ماهـي كـذا !! المشكلـه أكبـر كثيـر
المشكلـه عـدّت نطـاق ( الدلعنـه ) وحدودهـا
المشكله من يوم وافـق ناظـري هـاك النظيـر
سهـمٍ رمانـي وألحقـت بعـده علـي جنودهـا
الـراس شـلالٍ تناثـر وإنتثـر مـيٍ غـزيـر
والعين مهمـا يبلـغ التوصيـف تطلـب زودهـا
والخشم سيفٍ أرهـب العـدوان باليـوم العسيـر
وكـل البـلا فـي شامتيـنٍ علّمـن بخـدودهـا
صدق أعجبتني , واسحرتني , وأبهرتني للأخيـر
في مزحها فـي جدهـا فـي طيشهـا وركودهـا
لا جيتها ثم حضنتنـي بشـوووق ياكنـي بطيـر
تطـري علـي( أمٍ )حنونـه تنتظـر مولـودهـا
ولا هاتفتني وأهمسـت صـوتٍ يشابـه للصفيـر
(عصفـورةٍ) تنشـد وأنـا تايـه ورا منشودهـا
وإليا ضحكت (شمسٍ) تلاشت وإنكشف (بدرٍ) منير
وإليا زعلـت (طفلـه بريئـه) حايـره برقودهـا
وإليا وقفت وقفة شجاعٍ وإن مشـت هيبـة أميـر
وإليا جلست بنـتٍ عفيفـه تستعـد لسجودهـا !!
ماقول حلـوه ؟ لا وربـي هالحـلا منهـا يغيـر
نور المسا / وملـح النسـا متمركـزن بورودهـا
ست الحسن , ست الدلع , منطوقها عذب الغديـر
وفيها (طناخة) أجودي والجـود مـن موجودهـا
من يومها وأستغفر الله بـس أهوجـس وأستديـر
لا بـارك الله بنظـرةٍ مــادام هــذا فـودهـا
قمـت أتوجّـد ياوجـودي وجـد محتـاجٍ فقيـر
فجأه وقع فـي نعمـةٍ وأزرى علـى محصودهـا
مهما وصفت أبقى مقصّـر ولـو أبوفيهـا أحيـر
الوصـف فيهـا مزنـةٍ لا مـاتـزل رعـودهـا
(هالفاتنه) مـن شافهـا يدعـي إلهـي يـا قديـر
ترحـم أبوهـا وأمهـا ولا يهـون جـدودهـا ؟؟

[بحرالعلوم]

يا واثق الخطوه ترى منـت بملـك
ولا تظن شـرواك يالخايـن مليـك
أنـت منهـو مـا يعرفـك يجهلـك
ومن سمع هرجك نطق (لا فضّ فيك)
اهتويتـك صـادقٍِِِ مـن منهـلـك
واتضح لي عكس ما كنت أهتويـك
كـل أوصـاف الخيانـه والكـلـك
نابعـه منّـك وهـي منّـك وفيـك
يـا خسـاره خنـت منهـو دلّلـك
ياخسـاره بعـت قلـبٍ مشتـريـك
كنـت حتـى فـي منامـي أتخيّلـك
وأرسمـك صـوره وورده تعتليـك
كنت أسابق مـن يحـاول ياصلـك
وأخسر الغالـي عشانـك وأفتديـك
كم لـي أتحمّـل وكـم لـي أمهلـك
وكم لي أدعي ياعسى ربي يهديـك
من عرف مصـدر نجاتـه ماهلـك
وراحتي فرقـاك يرحـم لـي أبيـك
وكـان قصـدك تنتظرنـي مخبلـك
لأقطـع رجولـي ولا أفكـر أجيـك
وان نويـت أجيـك جيتـك بسألـك
كـم قلـبٍ خنـت قبلـي مرتجيـك
وبعدها برضيـك وأرجـع وأزعلـك
وأتركـك مابيـن ذي وبيـن ذيـك
الله أكبـر يـا مــدارات الفـلـك
من بعد مرضيك صرت أقسى عليـك
انتبـه للـفـرق واذكــر أولــك
عافك الخاطـر بعـد ماهـو يبيـك
يـا نهايـة هالبـدايـه مسهـلـك
ابتديتك صعـب وبالسهـل أنتهيـك
رح نسيتـك وان لفيتـك بسـألـك
بس ما وااالله تفـرح بـي واجيـك

[بحرالعلوم]

يالقصايد ثـوّري نـار النشـب
يسّري المعسور والعاسر يسيـر
حقي اللي شوف عيني و إنسلب
كيف راع الملك يسلبه الأجيـر ؟
ناري اللي براسها سـن اللّهـب
تحرقك لو كنت في وسط الغديـر
بالشعر معنـاي لاجـادل كسـب
وعاقبة من جادله بئس المصيـر
جاني ..ماجيته ولاهي بالغصـب
دق بابي , دق بابي , قلت خيـر
ياهـلا باللـي إذا جـاد الطلـب
يفـزع وكنّـه خـويٍ بالمسيـر
مايخلينـي ولا يخـون و(وهـب
عمره) وأصبـح فدائـيٍ خطيـر
مايشكّلنـي تشكّلـتـه سـبـب
لين أصبح في حياتي لي خشيـر
ماكتبتـه ليـن أضنانـي التعـب
ولا أذكر إنّه ردني قافٍ عسيـر
أكتبـه بالمـدح للـي إكتـسـب
طيبـه بيمنـاه بالفعـل الغزيـر
والعتب للي يجـود إبـه العتـب
للعشير اللي نسى واجب عشيـر
وإن توازى بشوف مكحول الهدب
إستعنته في هوى الزول النظيـر
وإن نخيته لإختلط فكري غضـب
إنتصب ثم إنشهر سيفٍ شطيـر
إيه (شاعر) والمشاعر من ذهب
إيه (شاعر) دون إستاذ وشويـر
كل حرفٍ أكتبـه سـوّا العجـب
صار قصه وإختلف فيهـا كثيـر
يصدق إحساسي إذا قالـوا كـذب
منهو يسترجي خياله بكل بير !!
ولي معاني تزدحم وقـت المهـب
يوم مثلـك فـي معانيّـه فقيـر
شف حروفي من جزالتها تشـب
تشعل النيران في جوف الحقيـر
إنتبه ! ثم إنتبه ! ثم إحتسـب !
(يالحطيئه) إحذر مقابل ( جرير )
قـال منهـو مايطولـك يالعنـب
حامضٍ لنّه عـن القمّـه قصيـر
بالختام أهديك بيـتٍ مـن لهـب
إقتبسته من سما نظم (( الأمير ))
ياصغـيـر مايكـبّـر باللـقـب
غير منهو كان من دونه صغيـر

[بحرالعلوم]

فمـان الله يـا لولـو بحـر ماجـابـه الغـطّـاس
فمـان الله يـا أصـدق وأبيـض قـلـب حبيـتـه
فمـان الله مـا قلتـه وأنـا صامـد رفيـع الـراس
فمـان الله (مهـزوزه) عشانـك يومـي أطريـتـه
فمـان الله فـي دنيـاً سعـيـده كلّـهـا أونــاس
هـذاك الـدرب ينتظـرك وأنـا دربـي تنصّيـتـه
نهايـة دربنـا بـاب(ن) تكاثـر عنـده الـحـرّاس
نهايـة دربنـا لغـز(ن) رمعتـه لـكـن أخطيـتـه
نهاية طيب/ في صفحـة وفـا/ وختامهـا نومـاس
وأدوّن قـصـه تجمعـنـا بكتاب(الصدق)سميـتـه
صحيح (أستأذنك) صعبـه ولكـن تتبعـه (لابـاس)
حروفـك داخـل أعماقـي بـدم القـلـب خطّيـتـه
وأنا 00إخترت الفراق المر ورضيت معانق الهوجاس
وخاويـت السهـر والنـوم هاجـرتـه وجافيـتـه
عشانك يابعـد عمـري / عشانـك يابعـد هالنـاس
عشانـك يابعـد حـي الوجـود ويابـعـد ميـتـه
فديتك00 (زهرةٍ) فاحت وفا/ وإستنعـش النسنـاس
فديتك (مهرةٍ) شوفـه شفـا/ وشلـون لـو جيتـه
فديت (الشفتيـن) اللـي يحرسـن لمعـة الألمـاس
فديت (الوجنتين) اللـي يغـار الصبـح مـن ليتـه
فديت الطـول مـع خصـرٍ تمايـل ضامـرٍ ميّـاس
فديت الزول لو بوصف تعبـت أوصـف ولا أوفيتـه
فديـت الشامـه ورمـشٍ طويـل وناظـرٍ نـعـاس
وشعر(ن) ضاعـت إيدينـي بسـواده يـوم فلّيتـه
فديتـك كلّـك ولجلـك حروفـي تتعـب القرطـاس
فديتـك كلّـك وكلّـي مشـاعـر لـكـن أزريـتـه
أجل وشلون أترجم لك مشاعـر مـا لهـا مقيـاس
وشاعـر جامـعٍ مـر الليـالـي فــي تناهيـتـه
وأنا لامن عشقت أعشق على وضح النقـا نبـراس
بـدويً لاسمـع طـاري الخيانـه ينتخـي صيتـه
ياليتك طيـف فيبالـي تلاشـي بحضـرة الجـلاس
وقلبـك ماعـرف قلـبـي ياقلـبـي آآآآه ياليـتـه
زمن قاسي00بشر أقسى00قلـوبٍ مابهـا إحسـاس
زمـن حلّـل قتـل طفلـه وطفـلٍ لاهـي ف/بيتـه
زمـن فيـه الوفـا كلمـه تخـط بأبيـض الكـرّاس
زمـن لـو نـزّل دموعـي يسمعـنـي زغاريـتـه
حياتي00دامهـا شـادت بجوفـي مملكـه للـيـأس
أبـي تقـري نهايـة درب علـى شانـك تمطّيتـه
خلاص (أستسمحك) برحل كما حـرٍ كفـخ قرنـاس
نصيـت الـدار يـوم الــدار نادتـنـي ولبّيـتـه
بقالك كلمتيـنٍ تحتهـن خـط ومـا بيـن أقـواس
(فمان الحـب) يـا أطهـر وأبيـض قلـب حبيتـه

[بحرالعلوم]

تستميـت قلـوب خلـق الله وأنـا
صامـدٍ قلبـي ولا يمكـن يمـوت
الجروح تطيـب لـو هـي مزمنـه
والقلوب تعيـب بعيـون النحـوت
ياحبيبـي ليـه يومـك لـي سنـه
وليه فرصات الملاقا لي تفـوت ؟؟
من عرفـت الحـب ماذقـت الهنـا
ناحلٍ مهمـوم طاوينـي السكـوت
وش يفيـد الزيـن ويّـا الدلعنـه؟؟
دام قلبك ماعـرف معنـى القنـوت
تستبيـح طعـون وتـبـث العـنـا
تستلذ الهم فـي مسـرى اليخـوت
شيطنه !! يخرب حريش الشيطنـه
كنت أموّل لك وأزيد الصوت صوت
ميْجنه .. عالميْجنـه .. عالميْجنـه
يارشيق الطـول تنطـرك البيـوت
من فراقك صرت أعرف الأزمنـه
عشعش بصدري فْ.. بعدك عنكبوت
كنت أكـذب فيـك ذيـك الألسنـه
ولجل عينك كم طاحن من كـروت
إكتشفتـك وإنثنـا غصـن ودنــا
وأصبح التوت الطري ماهوب توت
شف خداعك في غرامك وش جنا ؟
قلب متعـوّد علـى مثلـك يشـوت
فـارق وأشيـاء كثيـره ممكـنـه
وخذ زهابك دمعـةٍ والهـم قـوت
إيه قاسي من هنـاااااك إليـا هنـا
لا وأزيدك في ختام أقسى البيـوت
بألعنه .. ثم ألعنـه .. ثـم ألعنـه!!
لو يضمّك قلـب صامـد مايمـوت

[بحرالعلوم]

(( أخر قصائده قبل وفاته رحمه الله))


أسلحتنا في المصاحف

يا زمان الذل

.. زل..


ما بقى في الناس شيمه

وما بقى للعدل خِل

ومن كثر ما حنا صغرنا

صرنا حتى بدون ظِل

صرنا ما نملا المحِل

صرنا أمه تحتقرنا

كل أرذال الأمم

لاتصدق ياعزيزي

بالعروبه والقيم

يا زمان الشيخ بوش

يكفي هزأت المبادىء

يكفي أحرجت العروش

الكرامه يا طويل العمر ما تكفي النعوش

يا زمان البيت الابيض

إنت مالك أمر يرفض

تبغى هذا الدين أطول

تبغى هذا الشرع أعرض

إنت إكتب وإحنا نحفظ

مو غريب

لو نَحَسْب الخبث طيب

ومو غريب

نصرخ ولا من مجيب

ومو غريب

لو يكثر أعداد الأرامل

فبلاد ما ترضى الهوان

وحكومة ما تعرف تجامل

ومو غريب

لو تعتبر حتى عصا الكهل العجوز

أسلحة دمار شامل


يا زمن نهب المتاحف


جانا جيش الحقد زاحف


جتنا لعلوج الزواحف


فتشوا حتى العقول


وأسلحتنا في المصاحف!!

يا زمن أمريكا شكراً

أنتزعت الأقنعه

إنت ازلت الأقنعه


وانكشف وجه النوايا

واتجاه الاشرعه

ما نصدقهم خلاص

وما بقى من نسمعه

كل ذولا إمعه

بس خلك مستريح


الصحيح


يوم هب الحقد من واشنطن ولندن

كذب باسم المسيح

الكل فضل ينحني

وبغداد اختارت تطيح


يا زمان الازمنه خليك شاهد

إحنا مو ناقصنا واحد

هو صلاح الدين


احنا ألف مليون واحد


هم صلاح الدين

حنا بس بعيب واحد

هو.. فساد الدين

يا زمان الذِل


حِــل


قلت لك مالك حِل

[بحرالعلوم]

قالت نصيب وقلت يومك تبيني


غصب على الدنيا ... يدك في يديني


لا تظلمين الوقت وش ذنب الايام


لو اقبل اعذارك يعيي حنيني


غديت ما بين الرجا .. فيك والياس


هذا .. يبي مني وهذا .. يبيني


ان قلت شنت وخاطري طاب كذاب


وان قلت ابيك ارخصت نفسي بعيني


خيرني امري بين اصعب خيارين


موتي انا او موت الاحساس فيني

[بحرالعلوم]

صديق الطفولة وش جـرى لـك مـع الأيـام
هـي أنصفـت دنيـاك والا أنـت بـك مثلـي
فقدنـا ملامحـنـا مـثـل سـايـر الأنــام
عبـث بنـا جـور الزمـن والزمـن يبـلـي
وقفنـا جميـع وبينـنـا حـاجـز الأعــوام
صعيب ٍ وصولي لك.. ويا صعب لـك وصلـي
وأنا اشوف في وجهك طريـق غشـاه عتـام
وذاك النخـل واشــوف دارك ودار أهـلـي
وسدره.. هي أكرم مـن أهـل بيتهـا اللـوام
وفي وجهك أصحابي.. عصى مدرسي.. وفصلي
وعـود ٍ كبيـر ودايــم ٍ فالـظـلال يـنـام
فـي ذكرياتـي لـه بـعـد ملـمـح وجـلـي
وسـور كتبنـا فيـه ذكـرى عبـث وأوهـام
ولـي فـي عيونـك صـورة زانهـا جهلـي
بثـوب تبلّـل بالمـطـر والـتـراب وشــام
وأنا حب أسيـر الْعَـب وهـي حافيـه رجلـي
أنا وانت طفل وطفـل دايـم رضـى وخصـام
بكانـا سهـل والضحكـة أمـرٍ بعـد سهلـي
دعانـي بوجهـك نــاده ٍ يـنـده الأحــلام
معه رمح مدري هو علي غاضـب.. أو لجلـي
أنا كيـف أباصـل والأمـل خلـف مـو قـدام
كثير الأسـى والسِّهـد يـا مـن فعـل فعلـي

[بحرالعلوم]

الليلة إحساسي غريب

عاشق ونا مالي حبيب

حبيت كل الناس لاموني

حبيت كل الناس باعوني

قلت أحب الحب أحسن

قلت أحب الحب أضمن

لا أحن .... ولا أتوه

ولا بعد في يوم أحزن

رضيت بأقداري ونصيبي

صرت محبوب الحبايب

وصار كل عاشق حبيبي

الليلة غير

شعوري غير

أشواقي غير

حتى الأغاني غير

صدري سما ... واحساسي طير

بس طيفك ماتركني

ظل ساكن تحت جفني

كان وافي...كان يذكر وإنت ناسي

إنت وينك ؟

كان هذا الفرق مابيني وبينك؟!

جيتني تشكي الزمن

وجيتك أبي أدفى

لقيت في قلبي وطن

ولقيت فيك منفى

[بحرالعلوم]

بيني و بينك عرفـت المـوت
تحـب و الـحـظ متجـنـي


تبي الصدق حبهـا منحـوت
و أصبحت منها و هي منـي


أفرشلهـا القلـب بالياقـوت
و أقـول يـا دلـي إتمـنّـي


صدري قصور و مدن و بيوت
و هي المليك اللـي يحكمنـي


يا ويل ويلي عليهـا صـوت
تحكـي تقـل كنهـا تغـنـي


و سكوتها غير كـل سكـوت
كـل شـي فيهـا يكلمـنـي


قد شفت شمس زرعوها توت
بشفاتهـا التـوت متثـنـي


يا حلوهـا و القلـم مبهـوت
وش يكتـب بوصفهـا عنـي


هي دنيتي و الهوى و القوت
و إن غبت عن وجهها كنـي


متغـرب و غربتـي تابـوت
ميـت و أنـا حـي مستنـي


قولو لها لو يفـوت الفـوت
هو ينفـع الصـوت متعنـي


و قولو لهـا و الله إلا مـوت
لو خـاب فـي حبهـا ظنـي

[بحرالعلوم]

يابن الحلال ان طعتني خل الاسراف
واترك جمال الغيد لاهـل البصيـره
الزين موبس في الملامح والاوصاف
الزين روح وعفـه وطيـب سيـره
مانيب من يهـوى سريـا وانصـاف
انـا هـواي وبـس بنـت الجزيـره
بنت الخليج اللي تمـاري بالاعـراف
وحنـا نمـاري باسمهـا كـل ديـره
مالي غرام بقـول وخـا وبالـزاف
اذبحتني عنـد الطرحـه المستديـره
احب قولة ياهـلا وعـل وماخـلاف
من بنت ثوبي بنت الارض النضيـره
اللي تحلاها الظبي حلـو الاطـراف
جمـال فـي عفـه ورقـه وغيـره
واللي بها سحر مهو سحـر عـراف
ياعـل عيـن ماتـراهـا ضـريـره
عطف وحنان وذوق في لين الاعطاف
والى كشفت لثامهـا شفـت أميـره
صعب على اللي بالردي شاف ماعاف
وحلوه علىاللـي سنـه الله ضميـره
شمس الى من اشرقت والدجا طـاف
غابت نجومك غصب لو هي كثيـره
السيف مايزهى سوى كـف سيـاف
والخيـل دون حصانهـا مستخيـره
بس أنت دورلك على قـدك لحـاف
وان طعتنـي دور بدلنـا عشـيـره

[بحرالعلوم]

خذَوْ في طاري الحلوه و جابوا

مسيكينه

بسيرتها تنابوا

و ذي صدق لشفاهي أبد ماهو قريب

بشر يا مصعب ارضاهم

و انا ماني حسيب

أنا سايق عليك الله لجل الله يا شامت

خلي الشوك من يدّك

و لا تطرف عيوني كحلت بالزين

لانام .. انا افداها اذا ودّك

يا هل ترى انتي وين يا بنت الشفاة؟

انا ادوّر عليك بصورتك

وينك ؟؟

أنا كني لمست رداك و ايدينك

ما شفتك بكلّ الكلام

شفتك على سجادتك

كنك تصلين القيام

و ليلك سرى بعبادتك

ما اصدقه ..

و الهرج ابد ما هو دليل

ما اصدقه ..

يعلّ يفداك الذليل

الله يستر خوافيها



اللي حكو فيها

[بحرالعلوم]

هلا بك .. هي هلا اللّي قالها الصايـم ليـوم العيـد
هلا بك .. هي هلا اللّـي قالهـا للغيـث هالـوادي
هلا بك .. هي هلا اللّـي قالهـا يعقـوب بالتنهيـد
ليوسف يوم عاد..و عاد شوفه.. و أنكـف الغـادي
هلا بك .. كثر ما أمّنت خايف .. أو رعبـت مكيـد
هلا بك يـا عـدو همومنـا .. وهـلال الأعيـادي
تصاغرت الهلا .. من كبر قدرك .. و اعذر الترديد
لأنك شامخ مثـل الجبـل .. لـه بالصـدى حـادي
حسدت الشعر .. يوم إنه طليق لك .. و أنا في قيـد
وجبته يوم جاك .. و شفـت فيـه مـراة حسـادي
مهوب إنت المريض .. إنت الشفا .. يا قريّبٍ و بعيد
وانا أقول المريض اللـي .. فقـد طلّتـك فبـلادي
سلمت إنت .. و سلمنا من سلاماتـك عـن التنكيـد
أهنّيك .. أو أهنّي الناس .. أو نفسي و أنـا البـادي
يابو كل اليتامـى و الضعـوف و معسـر ومريـد
غديت الشمـس وقلـوب الخلايـق زهـر عبّـادي
عليك نخاف منك .. إلى رقدنا و إنـت فـي تسهيـد
تقل من كثر حب الخير .. صرت لنفسـك معـادي
تطلّبك المرض نفسك .. و قلت أبشـر بـلا تحديـد
فـلا والله أرد اللـي طلبنـي .. لـو يـبـي زادي
هذاك إنت الضليل الضافـي الوافـي منـاة الغيـد
هـذاك إنـت الكبيـر المنـور المنثـور بالكـادي
هذاك إنت الأصيل الماجـد الناجـد سليـل الصيـد
هـذاك إنـت الرفيـع المشـرق البـراق والهـادي
هذاك إنت الوفي العـارف الـوارف ربيـع البيـد
هذاك إنت العظيم الشامـخ اللّـي فـوق الأشهـادي
هلا بك .. و القدر بالصدر .. لا عجز القصيد يصيد
قصيدٍ لا درى إنّه فيـك .. سمـى شـارده عـادي

[بحرالعلوم]

بشدّ لمشرق الشمـس .. و بعلّـق فوقهـا ديـوان
أمانه لا وصلتي مغرب الشمس .. انثـري قافـي
أنا بلسان نجد أرسل .. قصيدة شوق .. من ولهـان
على زهور النفل ريح الخزامـى .. تنّـده الغافـي
تنهّد بالقصيد طويـق .. سالـت دمعـة الصمـان
من أنفاس القصيدة .. انصرم طلع النخـل صافـي
نختني للقصيد أرضٍ .. من الوادي .. إلـى بابـان
ثراها يشربـك حـبٍ .. و لا يـرواك يـا وافـي
ألا يا شيخنـا حبـك .. علـيّ الله مـن الإيمـان
ما دام انت الوطن و الدار .. ستر العاري الحافـي
غلاك اللي شرب كل الجوارح .. لين صار احسان
غديت من الغلا ملجأ .. لمن حبـك معـه خافـي
لنابك هيبةٍ تفـرح صديـق .. و تجـرح العـدوان
و لك منا رجال تعـد .. مـوتٍ دونـك انصافـي
تعلمنا المراجـل منـك .. لـك بالمرجلـة ننـدان
و لا نلحق معك .. ما يلحق الإعصار مـع سافـي
كملت إلا أن عذروبك بشر .. و عن البشر شتـان
تطيـح و تمتـرض .. ليتـك مخلـد دوم متعافـي
سبقني للقصايد فيك .. من روس العـرب اخـوان
و لي بين الشموس .. سراج .. خوفي كيف ينشافي
و إذا كلٍ سبقني مدح .. اسمح لي بوصف انسـان
حنونٍ في ضلوعه .. قلب طفل .. بحـس شفافـي
تقل شمسٍ إلى من .. بان بسمـه يرجـح الميـزان
و كل الخلق عقب الشيخ .. سرج بعضهـا طافـي
ألا يا أميرنـا .. هـنّ بسلامـة حالـك الخـلان
فلا قبلـك مريـض .. يهنـي الـزوار و اللافـي
سِلِم .. من يوجع اقدامه .. و لا توجعه في ميـدان
سلم .. من له دعينا الله .. رد الشيـخ يـا شافـي
سلم .. من نار عينه تمن أهل الدار .. و الجيـران
سلم .. من ضحكته تودع مريـضٍ ميـسٍ شافـي
سلم .. من طوّع الشمس الشرود .. و عنها بعنـان
تعلـق فـي معارفهـا .. و يمـم راس مشرافـي
إلى قالوا مريض قل .. مريض اللي فقـد سلطـان
و إلى قالوا بعيـدٍ قـل .. قريـب الهـمّ لسنافـي
نخيت الشعر .. أوصف وش تحس الناس لكحيلان
و إذا خان الشعر شاعر .. عسى يكون الغلا كافي

[بحرالعلوم]

أوعدك

إن كان بعدي يسعدك

الليله أرحل

من الليله باختار الطريق

من الليله الليل الرفيق

و أوعدك

ما أعاتب أو ألوم .. إلا نفسي

و ما دام في قلبٍ معك

أوعدك

حبيبتي يا ليت

ما قولك يا ليت

و ما قد تمنيت و شكيت

حبيبتي ويلي

لا من غدى جسري

أنا لنسيانك انتي ذكريات

حبيبتي

ما أصعبه نسيان ذاتي

و إلا أقوم .. أوعدك

سريت

عن الليل اللي فـ عيونك

عن بلادك سريت

و أوعدك

إني أقول إني نسيت

بس أوعديني

لا زارني طيفك و أنا وحدي

إني ما أبكي

و أنك في قلبي تموتي

و أنك على عيوني تفوتي

و ما أعرفك

و أوعدك

إني من الليلة أموت

من يوم أقوم ..

أوعدك


أوعدك

[بحرالعلوم]

اليوم يا بنـت مـن زيـي
الشمس واردت على ضيـي


جيت انتخي بالوجيه البيض
يا عزوتي يـا بعـد حيـي


الجادل اللـي حلاهـا غيـر
ضيعت في شمسهـا فيـي


بعيونهـا سلسبيـل رمـاح
و الموت بالسـود متهيـي


موت و انا اموت انا بالموت
كثيرهـا غـرّق شـويـي


لا قلت تكفين قالـت جـاك
و ان جيتهـا فجـأة تعيـي


و لا قلت مالي و مال الغيـد
قالت وهـم بينهـم زيـي ؟


و ان قلت انا تبت مالي كار
مقفي زمانين عـن غيـي


قالت و هي تلتفـت للنـاس
طلال موتـه علـى يـدي

[صـوت شمران]

رحم الله الشاعر طلال الرشيد

والله يعطيك العافيه اخوي بحر العلوم على نقل هالقصائد

[المحروم]

الله يعافيك اخوي مشكووووور وما قصرت يالغالي

&المحروم&

[فارس شمران]

الله يجزاك باخير يالغالي على هذا النقل

تقبل مروري فارس شمران