المساعد الشخصي الرقمي

مشاهدة النسخة كاملة : بالشعر تضرب بالردى زيف الأمثال .. وانت الذي مافيك ذرة رجوله


غـلـيـل
01-18-2010, 02:13 PM
لو كل قولً يمسـك لسـان رجـال
ماكـل مايطـري علينـا نقـولـه

ياضايعً بيـن المعانـي والاقـوال
كنت أحسبنك تفهـم اللـي تقولـه

بالشعر تضرب بالردى زيف الأمثال
وأنت الـذي مافيـك ذرة رجولـه

يامدعي قولً كسـر قلـب رجـال
نجم الثريا 00 ياثـرى ماتطولـه

يوم أنت ماتملك من الطيب مثقـال
هذاك لجل الطيـب يامـا عنولـه

الشاعر اللي ينشد الحـال بالحـال
مايجرحك بالأسئله مـن فضولـه

لولا المواقف منعرف كـل رجـال
الفـرق باللـي نـادراتٍ فعولـه

اليا زبنت أزبن على طيب الخـال
فرحة ضمير اللي من الضيم جوله

اللي معك بالجاه والحـال والمـال
وتضرب به الامثال عنـد المقولـه

قرمً مجّرب باللقـا نـادر أعيـال
لاصار حولك كـن تسنـدك دولـه

الفعل يبغى له صميـدع ليـا قـال
بالفعل يثبت واقعـه مـع مثولـه

ماهو من اللي لا تجّمـل ولا نـال
وحبل المراجـل عاليـاً مايطولـه

خله على ياليل .. ياليـل .. يـالال
نشوة نديـمً شـاع دمـه كحولـه

ذاك الذي طيبه مع النـاس بمثـال
واقع فعوله عكس ماهـو يقولـه

شاعر يغني له من الشعـر مـوال
يوم أنهـم مـن غيهـم صفقولـه

هو يدعى نبل المبـأدي ولا طـال
مثله كثيـر اللـي تعـرى ميولـه

بينه وبين الطيب أبـواب وأقفـال
ولاكـل بـابٍ ينفتـح بالسهولـه

للشعر وجهٍ لونه أسود من الشـال
لاصار يطعن بالخفـا ظـل زولـه

رجال يسوى بالمواقف لـه رجـال
ورجال مايسوى مؤاطـي نعولـه

ياصاحبي طالت على كـل منـوال
كثيـر نـاسً يدعـون البطـولـه

بس البطوله بالمواقـف للابطـال
اللي بهم طبـع الوفـا والرجولـه

ولو أنها ياصاحبـي رزة اشكـال
تساوت الانـذال وابـن الحمولـه


المصدر هــنــا (http://www.shmran1.com/vb/showthread.php?t=15923)

محمد مزهر
01-18-2010, 02:25 PM
غليل ابيات معطره باروع الكلمات والمعاني الصعبه اجدت فيها وفقك الله

فيصل الساهري
01-18-2010, 03:07 PM
ولو أنها ياصاحبـي رزة اشكـال
تساوت الانـذال وابـن الحمولـه


ابياات رائعه وجميله ,,,,, مشكوور اخوي غليل

الكايد
02-01-2010, 10:58 PM
لاصار حولك كن تسندك دوله


من قولك او منقولك عسى الله يقويك كل بيتٍ يقول الزود عندي..

تسجيل اعجاب

بنت رجال
02-02-2010, 04:27 AM
رائع

سلمت يداك ع الطرح

دمت بخير..

سيف الملـوك
04-18-2010, 11:11 PM
بالشعر تضرب بالردى زيف الأمثال .. وانت الذي مافيك ذرة رجوله

شـكــ وبارك الله فيك ـــرا لك ... لك مني أجمل تحية .

غـلـيـل
05-08-2010, 03:04 PM
محمد بن مزهر
اشكرك علىالمرور

غـلـيـل
05-08-2010, 03:05 PM
فيصل
اشكرك علىالمرور

غـلـيـل
05-08-2010, 03:05 PM
الكايد
اشكرك علىالمرور

الحيــــــــــاة
05-09-2010, 08:16 AM
رائعة هي القصيده ومن قالها اروع

مع التحية

فـزع المصعبي
08-27-2011, 09:19 AM
صح لسانك وسلم بنانك
اعذب التحايا لك