آلصمت له عندي معزّه ومقدار ....

[تركي العمري]

آلصمت له عندي معزّه ومقدار .... (http://www.333z.com/vb/t349921.html).آلصمت له عندي معزّه ومقدار .... (http://www.333z.com/vb/t349921.html).آلصمت له عندي معزّه ومقدار .... (http://www.333z.com/vb/t349921.html)


http://www12.0zz0.com/2010/01/21/10/261217233.jpg




http://www12.0zz0.com/2010/01/21/10/913808171.jpg


في زحمة الافواه .. يا مزين الصمت !!

لا صار بعض البوح عند البشر عار
لو يشتعل جوفي حشى ما تكلّمت



http://www12.0zz0.com/2010/01/21/10/179393467.jpg


تعبت من قولة : (علامك) و وش صار ؟
وان طحت ما ألقى سوى كلمة (سلمت)

واعذار اخلقها ولو مالي اعذار
مشّيتها مره .. ومرات ما رمت !!

كذبة صباح الخير/ يا صبح الانوار
عذري ليا عدّت ليالي ولا نمت


http://www12.0zz0.com/2010/01/21/10/959075796.jpg

اسهر طوال الليل وضْيوفي افكار
واقول لاْصحابي : نعم توّني قمت !!

ما عاد فيني ألفت عْيون واْنظار
يكفي بأني من زماني تعلّمت

ان الصدر بيتــ ٍ.. وسكّانه اسرار
نيّام .. بس يصحون لامن تألّمت

يصحون ويناظرهم الجار والمار
وش عاد ينفع سترهم لو تكتّمت ؟!!

http://www12.0zz0.com/2010/01/21/10/532908271.jpg


آقدّم اقدامي على درب الاصرار
امشي ولكن للأسف ما تقدّمت

النار قدامي .. ومن خلفي النار !!
والعمر يمضي بي وانا ما تولّمت

الين ذاك الحلم في لحظه انهار
وانا مع لحظة سقوطه تحطّمت

جروحي كثار..وتناهيدي كثار
لكن على كثر المواجع .. تبسّمت !!

ثم أْلتزمت الصمت وعزومي اكبار
ولو يشتعل جوفي حشى ما تكلّمت

http://www12.0zz0.com/2010/01/21/10/261217233.jpg


••●•تحياتي وأشواقي ●•●•
تركي العمري

[محمد مزهر]

ثم أْلتزمت الصمت وعزومي اكبار
ولو يشتعل جوفي حشى ما تكلّمت
طروحاتك اخي تركي في غاية الاهميه ولاابداع وفقك الله ورفع شانك