ليلة العاشق

[يوسف الشمراني]

ياليل اناافرح بك وأنا أشناك ياليل
وكلن على نفسه تخالف علومه
احدن يدورجيتك بالمعاجيل
واحدن يعاف لقاك لو طال صومه
تعافك اللي بالخلا مالها حيل
أم اليتيم ولا لقت قوت يومه
ويعافك الرحال لمن نوى الميل
صوب الفراش و ذيبك يروع نومه
ويفرح بك البواق لمن نوىالغيل
يستره سودك جعل ربي يلومه
والعشاق اللي يحبس الدمع ويطيل
صبره ودايم ضايقتن نسومه
يفرح بشوفك ثم جر المواويل
وأمست دموعه تحضن كمومه
تستر دموعه عن عيون الرجاجيل
لو انك ماتفرج ثقايل همومه
ياهيه يا اللي تقطعون المراسيل
والبعد في قلبي تباين وسومه
في قلبي من النار مايشعل النيل
وفي عيني من الدمع وابل غيومه
البعد نار وعيشت البعد تنكيل
والحب في قلبي تصاوب سهومه
ماعاد لي شف ن بشرب الفناجيل
كل الفروح اليوم عني امحرومه
يا بنت جيتك مااحسب التهاويل
رجلن تسوقه في المواقف عزومه
جيت اتفيا تحت رمشك واباقيل
من حر قيظ البعد وحامي سمومه
اشتقت لعيون ن نعاس و مكاحيل
وجيدن مثل ليل ن تخافت نجومه
ولياانرفع عن وجهك غطاك والشيل
نور البدر لبان حزت قدومه
والصوت لغنت بصوت المعاسيل
صوتن على السماع تعذب نغومه
وليا وقفت خيلت أنا وقفت الخيل
وخدود ملمساها غشته النعومه
الشوق يلحقني واناعندك ادخيل
وان ما حماه القرب خابت حلومه
وليا نشدك ليش هو مات هابيل
يوم ن ظلم اخوه بانت رسومه
والظلم لوهو يا الغلا قد فناجيل
العدل يحي جيل ويبني سلومه
والصاحب اللي قام يبخس لنا الكيل
تقل صدقانه وتكثر نقومه

[سعيد بن منجية]

صح لسانك

ولاهنت عالقصيدة الرائعة

دمت بود

[أبو الرشد]

صح الله لسانك قصيده رائعه

[محمد مزهر]

مشكور على القصيده الجميله الله يجزاك كل خير

[حكيم البادية]

لسان شمران دمت كما أحببت

[دمعة الولهان]

قيصده رائعه اخي لسان شمران قصه جميله للمعاناه وايضا لم تخلو من الحكمه والظلم لوهو يا الغلا قد فناجيل
العدل يحي جيل ويبني سلومه ونتمنى جديدك

[ابو سبعان]

رائعه نبطيه اخي لسان شمران نتمنى لك دوام التوفيق واعجبن البيت اللي تقول فيه
تستر دموعه عن عيون الرجاجيل لو انك ماترفج ثقايل همومه عجل بجديدك

[بنت رجال]

قصيده ولاأروع

سلمت يمناكـ سيدي..

[عمار العتيبي]

صح لسانك ميه على ميه قصيدك

[شيهان شمران]

صح لسانك يابو يعقوب..

مبدع لا هنت…