المساعد الشخصي الرقمي

مشاهدة النسخة كاملة : وادور على الجزله .. لو انها برأس طويق **ضعاف النفوس الله من الارض.. يسخطها


طارق آل مزهود
03-04-2010, 02:54 PM
بسم الله الرحمن الرحيم


السلام عليكم ورحمة الله وبركاته


تحية طيبة ،،،



أقدم لكم إحدى القصائد التي أعجبتني كثيراً خصوصاً الشيلة التي قام بها محمد السليس


والقصيدة من كلمات الشاعر الجماهيري القطري محمد بن الذيب العجمي






على خط جسر بقيق.. مريت جسر بقيـق
وانا غترتي من فـوق راسي...ورابطهـا



دوي الرعد ف أذني دوي طايرات الميـق
ابـي ديـرة مانيـب جاهـل خرايطهـا



عشان من يحلـم بزولـي قبـل مايفيـق
والى فاق ذاكرتـه علـى الحلـم سلطهـا



معاه العذارى لو تهايط ..مساء واشريـق
عليم أن غـلاه ان قـد يوقـف مهايطهـا



عليه الوصوف النـادرة راكبـه ..وتليـق
تحوطه مـن زود الميانـه .. وحوطهـا



كساير ذهبه اللي لها في النحر ..تبريـق
تغبط على منحـره .. والنحـر غابطهـا



ياغصن الغلا .. يا الله بالخير..والتوفيـق
تبا تغنم الفرصـه معـاى ..او تفرطهـا



جدايله ماتدري وش المشط ..يا ابن رزيق
تعرض على على شهب الهبوب وتمشطها



ابسمعـك بيتـيـن ماهـيـب للتلفـيـق
وبيتيـن تصلـح لـك وبيتيـن سافطهـا



وبيتين يلحقهـا مـن المنتقـد ..تحقيـق
وبيتيـن ماتعجـبـك .. ولا تعابطـهـا



الذ الوصال .. مواصلك الا ياحلى ما ذيق
عسل نحلته شفتـك.. والثغـر مسقطهـا



غرامك غضى الجمرة ..يفوح عليه ابريق
ترفق على كبدي..ترى البعـد شاحطهـا



تخبر الدموع اللي سرت من عيونك ضيق
لقاها هـدب عينـي حزينـه ..وقلطهـا



وقامت تجمع من على محجري ..وتويـق
والى حولـت ماعـاد يمديـه ..يلقطهـا



ولكن ماعليها خوف ..خل الدموع تريـق
خـدودي لدمـع مـن سبايبك..باسطهـا



صغاير الأمور اشيلها..والكتـوف تطيـق
وعظيم الامـور تهزنـي .. واتباسطهـا



وانا ماعلى من شلة الضحـك.. والتعليـق
اعرف الخيـول النـادرة مـن مرابطهـا



وادور على الجزله .. لو انها برأس طويق
ضعاف النفوس الله من الارض.. يسخطها



ابي شوفتك من دون موعـد..ولا تنسيـق
لو انك مابين ابو الرجاجيل .. وانشطهـا



عذاب الممات امن التوجـاد.. والتفريـق
ولذيذه مابين اطراف كبـدك .. وباسطهـا



لو احملك ذنبـي ..خطـا يالذيـذ الريـق
انا قبل اعرفك ..رايـح فـي خرايطهـا




YouTube - ‫ظ…ط*ظ…ط¯ ط¨ظ† ط§ظ„ط°ظٹط¨-ط´ظٹظ„ظ‡ ط؛طµظ† ط§ظ„ط؛ظ„ط§طŒط¬ط³ط± ط¨ظ‚ظٹظ‚-ظ…ظ†طھط¯ظ‰ ط§ظ„ط¨ط¯ظˆط§ظ†‬‎ (http://www.youtube.com/watch?v=BLt7twZ407g)






طارق أل مزهود

فيصل الساهري
03-04-2010, 03:59 PM
اشكرك عزيزي بن مزهود على الطرح الرائع و الجميل

وصح لسان الشاعر القطري

طارق آل مزهود
03-05-2010, 09:02 PM
اشكرك يافيصل

لا هنت على المرور

محمد مزهر
03-05-2010, 10:15 PM
اشكرك اخي بن مزهود على النقل الرايع
بارك الله فيك

عايض حامد الشمراني
03-06-2010, 01:07 AM
ابن مزهود

بيض الله وجهك على جميل ما إخترته لنا
تقبل مروري وجزيل شكري

طارق آل مزهود
03-08-2010, 07:34 PM
محمد

أبو حامد


الشكر لكما على المرور