المساعد الشخصي الرقمي

مشاهدة النسخة كاملة : غازي القصيبي يقول سعودة....


(ابهاااوي)
03-14-2010, 07:57 PM
السلام عليكم ورحمة الله وبركاته

احب اشارككم بقصيدة كتبتها وهي معاناة صارت لي اول ماتخرجت دورت وضيفة ماعينت قلت باشتغل بقطاع خاص
واشتغلت وذقت المر من الاجانب ورحت لمكتب(العلل) العمل
وصارت شكاوي وعلوم ولكن الضاهر انهم اخس من بعض
موضفين البلديات احيانا والله واعلم
المهم مع التعب الي جاني كتبت هالابيات الي ان شاءالله تناسبكم وانا ماني شاعر وخلف بن هذال يقول :
وانا ماني بشاعر لكن الموقف صنع شعار

فكيف اقول عن نفسي وبالتالي اقبلوها كماهي لعلي ابرد مافي خاطري بسماعكم لها


وتقييمكم اهم من اي شي

اقول

اان الاوان ياعرب انا نتحرر من قيود
ونشهر سيوف الحق على كل بطال
وبصوت واحد نرفع وننكر جحود
ننكر ضلم ننكر تسلط واحتلال
ونقهر الضالم ونقهر كل طاغي او حقود
ونصمد ونتكاتف وناقف وقفة مثل الجبال
في دولة العز والاباء وارض الصمود
انا غريب بديرتي هذا محال
انا باقاتل ياجماعة دون حرب ولاجنود
والانتفاضة والله اني لابتديها بلاقتال
باكون ارهابي ومسلح وماعندي جنود
باحمل سلاحي وارفع الراية بعزة للكمال
لا يامباحث لاتشيلوني انا مقصد جحود
مااخون حكامي وداري دونها بصدر ومال
حامي بلادي دايما واوقف لها وقفة اسود
لاجا المنادي صايح فينا نهب وبلاجدال
بالمختصر حنا تحت اشارة لبن سعود
بومتعب الي لاذكر ابني لي امال طوال
لكن انا اقصد الي خارج برا الحدود
جاي لبلادي اجنبي ويحط في يديني الحبال
حنا بلد خيرات ايدينا في عين الحسود
والاجنبي اصبح سعودي ينقصه لبس العقال
يالي تقول السعودة واجب ولا منها صدود
جالس ولاتدري تكتب لك روايات وخبال
جالس على كرسي ومكتب تحت تكييف وورود
تتبع روايات وصحافة وشاعر تعطي الجزال
بنشدك ياغازي وقلي كان اصلا لك ردود
بالله وين السعودة في ضل اجانب من حثال
يمكن تكون السعودة في نضرتك مثل اليهود
الي ربيت بارضهم واسقوك من ماهم زلال
يمكن تكون السعودة ان السعودي لايسود
وان السعودي يطيح من عالي الثريا للرمال
ولا السعودي شخص عادي زي بنقال وهنود
يبيع فصفص وبليلة ويغسل صحون ودلال
وحنا نقول ليش الجرائم في السعودية تزود
بيع الحبوب وسرقة الناس في تالي الليال
حتى البنوك وهي بنوك عن حماها ماتذود
ولا السكارى في الشوارع مالهم حلم وماال
غازي وزير وشاعر حط له خطة وبنود
للشعب واما عياله ماهم باية عيال
اسمع ياغازي كلمتين مابثنيها واعود
انا سعودي ماتجاوز راتبي الفين ريال
عندي شهادة انقليزي وصيدلة وارقى سنود
وابغى اتوضف واستقر وادور لبنت الحلال
كل مااروح اطلب وضيفة القى قدامي لدود
لا...وبعد اجنبي يطردني قبل اسال سؤال
ورحت اشتغلت بموقع ماللسعودي اي وجود
جالس غريب بينهم ياهو رح ياهو تعال
عملت معهم واحتملت الضلم ونواع النكود
وصبرت صبر ماقوته اعتل ولا اكبر جمال
مشيت نفسي لين شفت ان الوزارة في ركود
وان السعودي حالته تنزل لحد الانحلال
رحلت انا بعزة وهيبة ماادور للبرود
في يدي ملف اخضر وصورة ودعي ربي بابتهال
يالله تمحق سعودة غازي وتنصر بن سعود
وحرر بلادي من الاجانب واشباه الرجال
فلاتعتقد اني بوقف ياعريبين الجدود
انا سعودي همتي عليا ورى ذااااك الهلال
وباستعد وابذل انا الاف والاف الجهود
والي على بالي ترى ماهوب على ايات بال
انا سعودي حافظ نفسي وصاين للعهود
وباحقق احلامي ولو كانت نسيج من الخيال
خلاص يامباحث فهمتو قصدي من القيود
انا الوزير ونا المدير ونا بفك الاحتلال




اعتذر على الاطالة ونا بانتضار تقويمكم البناء











:11istling:تحياتي ابهااااااااوي

حكيم البادية
03-14-2010, 08:17 PM
صح لسانكـ وكثر الله خير

محمـد ع الرشيـدي
03-14-2010, 11:14 PM
صح لسانك
قصيده فيها من الواقعيه الشيءالكثير
أتمنى لك التوفيق في حياتك العمليه
تقديري لك

محمد مزهر
03-14-2010, 11:38 PM
اشكرك على القصيده الرايعه والجميله

أميرة الورد
03-15-2010, 12:09 AM
صح لسانك ع القصيدة الجميلة

الله يعطيك العافية

تحياتي وتقديري


http://www.r-mbd3.com/vb/uploaded/13371_11197113675.gif (http://www.r-mbd3.com/vb)

أميرة الورد

خالد محمد حسن
03-15-2010, 01:24 AM
معاناه واضحه صعب يصيغها بهذه الصيغه ألا شخص موهوب بالشعر بس يحتاج لصقل ليصبح شاعر فذ أهنيك على جمال أبياتك وواقعيه منطقك

أحمد الشمراني
03-15-2010, 02:37 AM
الله يعينا وياك والله انها صارت صعبة جداا الوظايف والله يسهل ويرزق كل شاب
اما ابياتك اشوفها اكبر من اني اقيمها لاني بصراحة معجب بالطرح واشارك الامل بتغيير الحال
صح الله لسانك