تعال ياخالد ويادماوي ويابهاوي

[سيف الشعر]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
محاوره رباعيه انا وخالد ودماوي وبهاوي طبعا هذا البدع ويرد خالد ننتظر حتى يجي لاحد يرد

البدع
بسم الله قدام بدع المعاني والهجوس
والتحيه للمطاليق من قلب(ن)نظيف
مايجيني الهم مادام خــــالدعـاليمين
ودنا نظهر بمظهر يليق بمنتدانـــــا
اشهدوا ياناس والله خير الشاهـدين

[صوت المنتدى]

الله يقويكم ننتظر الشاعر خالد التنظيم حلو
اول متابع

[محمـد ع الرشيـدي]

بيض الله وجيهكم على التنظيم
عساكم على القوه

[خالد محمد حسن]

االله الله صح لسانك ياسيف فاتحت خير ان شاء الله اتمنى من اخواننا الشعار التواجد والالتزام بالتنظيم ولايستعجلون في قصايدهم وطرحها المهم الأبداع وصيغ الجمل بشكل ممتاز ومرضي للاستفاده من المحاوره لشخص نفسه أولا كدروس تقويه ولأرضاء الجمهور ثانيا لأن في ناس بتابع وذواقين لشعر من ربعنا وغيرهم فأتمنى أن نظهر بالمظهر اللائق كعادتنا وشكرا

الــــــــــــرد
قل هاجس لا يهوجس بنا خل الهجوس
وإنت ضيف القول ياسيف وأبدع وبنضيف
مستعد أعاهدك عهد وأحلف عاليمين
أقطف الغصن الذي مايلن لمن تدانا
وأجمع الصافي بشمع العسل والشاهدين

[احمد الكثيري]

ماذا اقول سوى بارك الله فيكم واصلوا المشووووار
واتابع بصمت رائعه هذه المحاوره ولو ان الشعراء الباقين
لم نشاهد لهم اي نص لكم تقديري

[صالح عسكر]

متابعين متابعين ومخيله

واصلوا الإبداع ..

[(ابهاااوي)]

صبحكم الله بالخير واشكركم على التنضيم
والبدع مني والرد من اخوي دماوي:

اسمع:

الله الي يهدي الناس ويغير نفوس
مرحبا ياصحابنا واسمعوا الشعر الوصيف
واسمعوا احلى قصايد مع هرج سمين
والخوي يبشر بسعده الامنه دعانا
جيت انا ودماوي سيدي وسيد العارفين

[فيصل الساهري]

جعلكم على القوه ... متابعين وبقوه

[عايض حامد الشمراني]

بالتوفيق لكم ونتمنى محاوره قويه

[بلقاسم الشمراني]

يالله حيهم متابعين بقوة ومعجبين

عساكم عالقوة

[abo assaf]

بيض الله وجهيكم

متابعين لكم

[سعيد بن منجية]

يا هلا وياغلا

الرد

فالهدد ما يمدي الطير ياخذ له نفــــــــــوس
وإن شرَد منْه اسمن الطير يعْدي بالوصيف
يختطفها فالسما ويْخَطِفها منسميـــــــــــــن
كُنِّي لا منِّي دعيت الله إيلبِّي دعانـــــــــــــا
والعقيد إليا تقدَّم تبعْه العارفيــــــــــــــــــن

الله الله

[سعيد بن منجية]

الله الله

يا سلام يا سلام

[(ابهاااوي)]

اسلم اسلم
وينكم شعارنا

[خالد محمد حسن]

تسلمون انا في انتظار سيف الشعر ماني بعيد

[حكيم البادية]

كم هو إبداع شعركم ,,, الله يقويكم

[عايض حامد الشمراني]

سيف الشعر سيحضر وقد كان يعاني من صعوبه في الاتصال
حيث هاتفني بقوله الليله الليله

[(ابهاااوي)]

الليلة الليلة
والله يكفينا شررررررررررره
القوة

[سيف الشعر]

اعتذر على التاخير وذلك بسبب اني لااستطيع الدخول للمنتدى
الليل الليل
في النهايه تطمع الناس في نيل الكوؤس
ونتنافس والتنافس على المقصد شريف
والنتايج دايم(ن) فـــــي يديين الحاكمين
حــــــن بلينا وابتلينا وندري وش بــــلانا
كــم عيونن فــــــي ظلم(ن) وحنا شايفين

[حسن بن عبدالله]

بيض الله وجهيكم على حسن التنظيم والترتيب

متابعين لكم ولأبداعكم

[خالد محمد حسن]

الله يحييك ما أبطا من جاء

الليل الليل

المرق في القدر مايغرفه غير الكووس
والصقر حوم على الصيد من راس الشريف
مايطب المصيده لاهوى وأوحى كمين
كان تقدر يابطل قوم وتقدم بلانا
الجمر مايشعله نار غير الشايفين (بمعنى اللي يشوف او يهوي)

الله الله بفرش الابيات ياشعار هنا يكمن الابداع

[(ابهاااوي)]

يالاوووووووووول يالاووووووووول

اسمع:
ياسعيد نبغى نتمشى على ذيك الطعوس
مانبي فرة شوارع وتكوة ع الرصيف
نبغى مجلاس(ن) في البر وموال حزين
خالد يصب القهاوي وسيف يطبخ غدانا :hammer:
خدمة الشيخان واجب عسانا سالمين
:18::18::18:

[عايض الشمراني]

الله يعطيكم العافيه محاوره جميلة من بديتها
متابعين للمبدعين

[ابوحاتم الشمراني]

تسلمون ،،،،،،،، فعلا إبداع ولي ملاحظة بسيطة لو تعدل قافية أحد البيتين الثالث أو الأخير ليصبح كل بيت على قافية مختلفة ،، والسلام،،
:hammer:يا الأول:hammer:

[سيف الشعر]

اشكر كل من مر وين دماوي مر اكثر من 24ساعه
الشاعر بوحاتم تشرفنا بمرورك وابشر بغير

[خالد محمد حسن]

سبقتني يابوحاتم كان ودي أقولها من اول لكن خشيت من زعل رفاقتي لان البيت الثالث والاخير مردوفه وهذا مايجعل القاف يشيب قبل وقته الحقيقه انك شاعر كبير وملاحظه الاساتذه دائمن تكون بنائه وصائبه

[محمـد ع الرشيـدي]

بيض الله وجيهكم
تسجيل حظور

[(ابهاااوي)]

اتمنى من يعرف رقم ابوهديل يتصل عليه
تحياتي

[سيف الشعر]

يابهاوي رد يارجال يبدو ان دماوي عنده ضروف حتى يجي ان شاء الله الزير برد

[(ابهاااوي)]

اللي ودك ابشروا به
والرد عندي

وانا ماابي ارد ويلحقني لوم من الادارة او المشرفين او من الاستاذ دماوي

[(ابهاااوي)]

الاخوة ارسلو لي ع الخاص يقولون رد المحاورة بردت
ودماوي ممكن عنده ضروف فقالوا الاخ
نكمل واذا جاء يدخل المحاورة
وهو ماغاب الابوجهه
فاسمعوا يالااووووووووووول
اسمع الرد:
غاب دماوي بضرفه وانا دمي محموس
اتقي الفتنة وفي الحرب مامثلي وصيف
اشكرك ياسيف طبخك حلو والملح زين
ودي اعلنها تحدي بمسراح وغدانا
ودكم بالحرب ولاانتو ناس مسالمين؟؟؟:a9:

[سيف الشعر]

طيب طيب نكمل وانت فيك الكفايه

استلم ياخالد
والله مـــاحب المهايط ولاحب البسوس
يالطيف ان كان هذي القصايد يالطيف
والعقول انواع فيها الخيف وفي رزين
في علوم المرجلة يابن عمي منت وانا
نخدم الطيب والأعداء ندوس ارقابهـا






غيرت البيت الاخير حسب اقتراح الشاعر القدير سعد الرشيدي

[خالد محمد حسن]

اسمع ياسيف اسمع

حرب داحس تحسبوها كما حرب البسوس
ياحليلك ياولد ياحليلك يالطيف
لابرق برقن نشا ما ورعادن رزين
يمكن أقهويك وأسري عشيه إنت وأنا
أما تبرك من حمولتك ولا أرقى بها

[(ابهاااوي)]

الله الله
اسمع:
انا باعلنها تحدي ونا قطاع رووس
نادوا العربان من نجد الى وادي ثقيف
الله من ليل(ن)بيسري على ذولا الثنين
المداعيس تصايح وتسعى في ثرانا
وانا ذيب في المراجل وانا كسابها

[حكيم البادية]

الله على القصيد ,,,,, والله كلكم خبرهـ
ما شاء الله

[(ابهاااوي)]

الرد:
كنت اداري ناس(ن)صغار واعطيهم دروس
واكبروا صاروا يلالون وانا ماني ضعيف
لامسكت عقالي حاسوا السبت مع الثنين
صاحوا في الكهلة عسى الله لايبحث مدانا
واختبوا ورى امهم والعبوا بحسابها

[سيف الشعر]

الليل الليل
طحت بين الناب ياصاحبي وبين الضروس
لاتخاوي يـــــــــابهاوي ابوقلب(ن) رهيف
مـــــــايفيدك بعد ذا اليوم لاصوت اوحنين
انا فـــــــرضت القوانين واصدرت البيانا
ليه ترمي الروح فــــــي ملعبه تشقى بها

[محمـد ع الرشيـدي]

طيب طيب
بيض الله وجيهكم
واصلوا هذا الإبداع
تسجيل حظور

[سعيد بن منجية]

صح السنتكم جميع والله لايهينكم

ماقصرتو وكفيتو ووفيتو

وانا اعتذر عن التأخير لسفري المفاجئ

وحقيقة يالربع الشفافيه مطلوبه

حنا نبغى مشرف الصفحه ذي يكون مشارك ويتخذ قرارات بشأن ضبط الوزن والكسور او ان يكون معه مشرف مساعد ولا بد ان يكون شاعر او ناقد لكي يدلي بدوره
لان صراحه اكثر الابيات اراها مكسوره او انا غلطان وابياتي مكسوره واعتذر وادع الشعر لاهل الشعر او على الاقل ادع النظم لاهل النظم

نبغى شفافيه من الاخوه والشعراء

الاخ والصديق ابهاوي اكثر ابياتك في اختلاف في الوزن يبدو انك على طاروقين او لا علم بالضبط

والقبيل سيف الشعر عندك كم بيت سيم كلام فوق

هذي محاوره ولابد يكون بها شد وجذب ونقاش عالابيات والوزن والقوافي والي طاف والي ماطاف

والا مستحين من بعض ؟؟؟؟؟؟

اقبلو كلامي بصدر رحب وليس اكثر من شفافيه وحب وااخوه وانا شبطه وعله ونشبه خخخخخخ والا اقولكم لا خلووووووووها

ياويلكم مافي الا كشف اوراق وشرشحه وانا اولكم ابتدوبي


ابغى حكم وحكام


الجزيره الراي والراي الاخر

[(ابهاااوي)]

بيض الله وجهك دماوي واقلقتنا عليك يارجل
كلامك على العين والراس وانا قلت لكم اصلا ماني شاعر محاورات لكن منكم تنعلم
عموما بيض الله وجهك ووجيه الجميع
والي تبونه ابشروا به
وانا اعتذر من الجميع وبشدة
تحياتي لكم
ابهاوي

[سيف الشعر]

الله يحييك يادماوي بعد الغياب جلسنا ندور عليك بالكشاشيف والله جابك
الطاروق مافيه شى هناك بعض الشى البسيط عند الاخ ابهاوي والشخص ذكر انه اول مره وحنا ناخوك مكملين لبعض وهو شاعر ويجب ان نسانده حتى
ياخذ الخبره التى تنقصه فقط وهو بهالمستوى واول مره يحاور اعتبره انجاز وشاعر له مستقبل رهيب 0
المهم الميدان ياحميدان ولاعاد تتاخرون وينك ياخالد عجل علينا دماوي في الميدان قلبي ضامي ودي ارويه

[سعيد بن منجية]

ارحبو

هلا بابهاوي وسيف الشعر من جديد

وانا ما اعرف ابهاوي هو صديق وغالي ولكن معرفتي فيه جديده وصراحه انا لا اعرف ابهاوي ولا سيف الشعر ولست متقيد بشروط الاداره لان الشي ذا مايهمني
فالشعر فالشعر ليس في شاعر الشعر

واكيد انا يهمني اعرف من هو خصمي وصديقي ولكن احترم رغبة زملائي في التكتم على اسمائهم

ومن اراد الافصاح فحياه الله عالعام او الخاص

ونحن معك يا اخي ابهاوي وانت قدها وقدود واذا فعلا هذا النزال الثاني لك فنعم البدايه

تحياتي

وينك يالاول وينك ياخالد رد وهاتك يا ابهاوي ابدع بعد رد خالد

ياسلام ياسلام

[سيف الشعر]

الليل الليل
طحت بين الناب ياصاحبي وبين الضروس
لاتخاوي يـــــــــابهاوي ابوقلب(ن) رهيف
مـــــــايفيدك بعد ذا اليوم لاصوت اوحنين
انا فـــــــرضت القوانين واصدرت البيانا
ليه ترمي الروح فــــــي ملعبه تشقى بها

استلم الرد حتى يجي خالدالله يخارجنا مره دماوي ومره خالد
ان تبي سلام ولاتبـــي حـــــرب(ن) ضروس
وانا ماطرفت عمري على جــــال(ن) رهيف
في ميادين الشرف مــــــانبي طيف اوحنين
خل عنك الشعر واعزف على صوت البيانا
حرفتن يمكـــــن تناسبك مـــاتشقـــابــهـــــا

[(ابهاااوي)]

اسمع:
ناد فرقتكم ودقوا لنا ونتوا جلوس
المريض الي بقلبه مرض ولاخفيف
فانا صيدلي وصحي وداوي المدمنين
من يبي يسلم ويامن فيشرب من دوانا
ومن بغى الفتنة فمسكين شخص(ن)جابها




ان شاءالله الامور ماشية تمام؟؟؟؟:11istling:

[سعيد بن منجية]

يا مسهللي

الرد

مُقدمي فوجٍ والى حدّتكم للفوج لـــــــوس
شامكم فوجي وخلفك جنوب إشموخ فيف
المدَد ياتي وما قلت جاي المدْ منيـــــــــن
ما تنام إلاَّ وحنَّا هنا تسمع دوانــــــــــــــا
نُخفُر ونِعْفِي ولا حيلةٍ ينجى بهــــــــــــــا

الله الله
اسلمو وزيدو

[سيف الشعر]

مرحبا بك يادماوي عـــــدد نبت الغروس
حـــان وقت القطع عند المزارع والقطيف
وانا قلبي مشفين لك وضامي مـــن سنين
تحسب انك لوالي وانت تاتي مــــن بعدنا
تشتري الاخـــلاق بالـــزور تتحلابـــهـــا
الرد
قيدو في دفتر المجد روس(ن) ولغ روس
مــاعترفنا مـــاعترفنا بكم يــاهل القطيف
لاهبط السوق بختار مــــن جــذع وسنين
جابك الله جابك الله على الموعـــد وعدنا
نعرف الفارس مع الذود مـــن حـــــلابها

[سعيد بن منجية]

ارحب ارحب
يعذرانا الاخوان ابهاوي وخالد اذا اكملنا المحاوره انا وسيف

البدع

انا قلبي في دَمَه لو تجِسَّه بالمجــــــــــــوس
بيْحَكِي إنِّي من هل الشان والمعدن نظيـــف
بالخبَر معْروف ماهوب فالشكل الحَسِيـــــن
وانت نجمك ما شعَق من حضرت إليا بلدنا
ويش وقعَك بين روس العرب واذنابهــــــا

الرد

حن على التوحيد ما غرَّنا هل المجوس
وإن بغينا نسرد الدين قلنا ما نظيـــــف
وإن دعينا ندعي الله ما ندعي الحسين
القرامه ماليه روسنا ولا بلدنــــــــــــــا
والفلق والناس والملك عوَّذنا بهـــــــا

الله الله

[خالد محمد حسن]

ماشاء الله عليكم شعراء محكمين واموركم كلها طيبه عموما انا اسف لغيابي الأيام الماضيه كان عندي ظرف عزاء لأحد اقاربي اتمنى ان تعذروني وطبعا أترككم تستمتعوا بمحاورتكم حدها جات منكم

[سيف الشعر]

طيب طيب نظيف طافت كلاها الذيب
الله يحسن عزاك ياخالد غفر الله لميتكم
البدع
المدايح دائما للمعرس والعروس
تعرف انك ضمن ذا الجمع من ضمن اللفيف
اختلاط فالجامعه البنات مع البنين
يوم كانت بالمشاعيب والعجرى لهدنا
الرجال اللي تمدح نقص أشنابها

الـرد

من هو اللي يادمـاوي يطبل للـعرُوس
ليه ماتبدي الحقايق بلا زيـغ ولفيف
أنت مستعرب مع الناس ولا عاربين
ماحسبنا للــملاقيف والقــصى والدنا
مانـــدور للـــــهلايـم ولابلشنابـها

[(ابهاااوي)]

ماشاءالله عليكم والله مستمتعين والمعذرة فقد تغيبت لضرف
استمروا ونحن متابعين بقوووووووووووووة
ياما العافية والسلامة

[سعيد بن منجية]

الله الله
جبِّر المكسور

البدع
انا في ذالجمع معْرِس واباعاير واقــوس
واعرف الِّي قبلي إعصام والاَّ هو رهيف
والله انِّي اجلب العلم لو بأقصا يديـــــــن
كم عريف وقرم شدنا البنا معْه وقصَدنـا
وكم قصص وعلوم معهم تقاصدنا بهــــا

الرد

مهرتي تحتي وفي جنبنا بندق وقــــوس
ماخطي الشاره لو إبقاع والاَّ فوق هيف
صايدين الشارده لو تباعد صايديــــــــن
بالهدد والقلت والسهم والسلقان صدنــا
وانت بالحدْيا لو نصيدكم صدنا بهــــــــا

الله الله
اسلم اسلم

[أبـو رفـيــع]

ياسلام عليك
الله يعطيكم العافيه

[سيف الشعر]

طيب طيب رهيف راحت كلها الذيب


البدع
انت دائم يــــادماوي على راسك تحوس
وانت تدري ان المقدم يجي فوق العريف
تبغي المليون لاكـــن وينــــه وانت وين
وادي ان شفت روضه وتشفى يـــاسندنا
تعــمــي اعيونك بياديك وانت اترى بهــا
الرد
البقرمـــــــاتلبس السرج نلبسها الحلوس
مثلكم يعرف وانا حسبك رجل(ن) عريف
وين عقلك وين فكرك ومــدري كنت وين
والله انا فــــالموقف نلقي مـــــــن سندنا
فـــــي زمــان(ن) والبنادق يعج اترى بها

[سعيد بن منجية]

يا هلا ياهلا
طافت ماطافت ماكانت معي كانت معك انت وابهاوي

البدع
حن عجزنا فيك والبحْر ما يقطع بموس
كلّ سيل إليا تداقل والى أبطا له هريـف
اوله هماج وآخرْه من عجمات عيــــــن
لا تغرَّك قطرةٍ خلفها ياتي رعَدْنــــــــــا
تزلق اقدامك وتنكس علاك إركابهــــــا

الرد
كل حلفك يا ولَد والدَك حلفٍ غمـــوس
وما تتوب الاَّ ليا شفتك وقلبك يريـــف
كلّ ذو نعمه لما مات صدفه مات عين
لا بدا ميقاف نحكم ونظلم ما رعَدْنــــا
والقوافل ناخذ إحمولها وإركابهــــــــا

الله الله
ياسلام ياسلام

[سعيد بن منجية]

تنسيق

البدع
سيف الشعر
بسم الله قدام بدع المعاني والهجوس
والتحيه للمطاليق من قلب(ن)نظيف
مايجيني الهم مادام خــــالدعـاليمين
ودنا نظهر بمظهر يليق بمنتدانـــــا
اشهدوا ياناس والله خير الشاهـدين

الرد
خالد محمد حسن
قل هاجس لا يهوجس بنا خل الهجوس
وإنت ضيف القول ياسيف وأبدع وبنضيف
مستعد أعاهدك عهد وأحلف عاليمين
أقطف الغصن الذي مايلن لمن تدانا
وأجمع الصافي بشمع العسل والشاهدين


**************************************************
البدع
ابهاوي
الله الي يهدي الناس ويغير نفوس
مرحبا ياصحابنا واسمعوا الشعر الوصيف
واسمعوا احلى قصايد مع هرج سمين
والخوي يبشر بسعده الامنه دعانا
جيت انا ودماوي سيدي وسيد العارفين
الرد
دماوي حيل
فالهدد ما يمدي الطير ياخذ له نفــــــــــوس
وإن شرَد منْه اسمن الطير يعْدي بالوصيف
يختطفها فالسما ويْخَطِفها منسميـــــــــــــن
كُنِّي لا منِّي دعيت الله إيلبِّي دعانـــــــــــــا
والعقيد إليا تقدَّم تبعْه العارفيــــــــــــــــــن


**********************************************
البدع
سيف الشعر
في النهايه تطمع الناس في نيل الكوؤس
ونتنافس والتنافس على المقصد شريف
والنتايج دايم(ن) فـــــي يديين الحاكمين
حــــــن بلينا وابتلينا وندري وش بــــلانا
كــم عيونن فــــــي ظلم(ن) وحنا شايفين
الرد
خالد محمد حسن
المرق في القدر مايغرفه غير الكووس
والصقر حوم على الصيد من راس الشريف
مايطب المصيده لاهوى وأوحى كمين
كان تقدر يابطل قوم وتقدم بلانا
الجمر مايشعله نار غير الشايفين


*************************************************
البدع
ابهاوي
ياسعيد نبغى نتمشى على ذيك الطعوس
مانبي فرة شوارع وتكوة ع الرصيف
نبغى مجلاس(ن) في البر وموال حزين
خالد يصب القهاوي وسيف يطبخ غدانا
خدمة الشيخان واجب عسانا سالمين
الرد
ابهاوي
غاب دماوي بضرفه وانا دمي محموس
اتقي الفتنة وفي الحرب مامثلي وصيف
اشكرك ياسيف طبخك حلو والملح زين
ودي اعلنها تحدي بمسراح وغدانا
ودكم بالحرب ولاانتو ناس مسالمين


*************************************************
البدع
سيف الشعر
والله مـــاحب المهايط ولاحب البسوس
يالطيف ان كان هذي القصايد يالطيف
والعقول انواع فيها الخيف وفي رزين
في علوم المرجلة يابن عمي منت وانا
نخدم الطيب والأعداء ندوس ارقابهـا
الرد
خالد محمد حسن
حرب داحس تحسبوها كما حرب البسوس
ياحليلك ياولد ياحليلك يالطيف
لابرق برقن نشا ما ورعادن رزين
يمكن أقهويك وأسري عشيه إنت وأنا
أما تبرك من حمولتك ولا أرقى بها


************************************************** *
البدع
ابهاوي
انا باعلنها تحدي ونا قطاع رووس
نادوا العربان من نجد الى وادي ثقيف
الله من ليل(ن)بيسري على ذولا الثنين
المداعيس تصايح وتسعى في ثرانا
وانا ذيب في المراجل وانا كسابها
الرد
ابهاوي
كنت اداري ناس(ن)صغار واعطيهم دروس
واكبروا صاروا يلالون وانا ماني ضعيف
لامسكت عقالي حاسوا السبت مع الثنين
صاحوا في الكهلة عسى الله لايبحث مدانا
واختبوا ورى امهم والعبوا بحسابها


*********************************************
البدع
سيف الشعر
طحت بين الناب ياصاحبي وبين الضروس
لاتخاوي يـــــــــابهاوي ابوقلب(ن) رهيف
مـــــــايفيدك بعد ذا اليوم لاصوت اوحنين
انا فـــــــرضت القوانين واصدرت البيانا
ليه ترمي الروح فــــــي ملعبه تشقى بها
الرد
سيف الشعر
ان تبي سلام ولاتبـــي حـــــرب(ن) ضروس
وانا ماطرفت عمري على جــــال(ن) رهيف
في ميادين الشرف مــــــانبي طيف اوحنين
خل عنك الشعر واعزف على صوت البيانا
حرفتن يمكـــــن تناسبك مـــاتشقـــابــهـــــا


**********************************************
البدع
ابهاوي
ناد فرقتكم ودقوا لنا ونتوا جلوس
المريض الي بقلبه مرض ولاخفيف
فانا صيدلي وصحي وداوي المدمنين
من يبي يسلم ويامن فيشرب من دوانا
ومن بغى الفتنة فمسكين شخص(ن)جابها
الرد
دماوي حيل
مُقدمي فوجٍ والى حدّتكم للفوج لـــــــوس
شامكم فوجي وخلفك جنوب إشموخ فيف
المدَد ياتي وما قلت جاي المدْ منيـــــــــن
ما تنام إلاَّ وحنَّا هنا تسمع دوانــــــــــــــا
نُخفُر ونِعْفِي ولا حيلةٍ ينجى بهــــــــــــــا

************************************************** ******

البدع


سيف الشعر


مرحبا بك يادماوي عـــــدد نبت الغروس

حـــان وقت القطع عند المزارع والقطيف

وانا قلبي مشفين لك وضامي مـــن سنين
تحسب انك لوالي وانت تاتي مــــن بعدنا
تشتري الاخـــلاق بالـــزور تتحلابـــهـــا
الرد
سيف الشعر







قيدو في دفتر المجد روس(ن) ولغ روس

مــاعترفنا مـــاعترفنا بكم يــاهل القطيف

لاهبط السوق بختار مــــن جــذع وسنين
جابك الله جابك الله على الموعـــد وعدنا
نعرف الفارس مع الذود مـــن حـــــلابها








************************************************** ******
البدع
دماوي حيل
انا قلبي في دَمَه لو تجِسَّه بالمجــــــــــــوس
بيْحَكِي إنِّي من هل الشان والمعدن نظيـــف
بالخبَر معْروف ماهوب فالشكل الحَسِيـــــن
وانت نجمك ما شعَق من حضرت إليا بلدنا
ويش وقعَك بين روس العرب واذنابهــــــا
الرد
دماوي حيل
حن على التوحيد ما غرَّنا هل المجوس
وإن بغينا نسرد الدين قلنا ما نظيـــــف
وإن دعينا ندعي الله ما ندعي الحسين
القرامه ماليه روسنا ولا بلدنــــــــــــــا
والفلق والناس والملْك عوَّذنا بهـــــــا

*************************************************

البدع


سيف الشعر

المدايح دائما للمعرس والعروس

تعرف انك ضمن ذا الجمع من ضمن اللفيف
اختلاط فالجامعه البنات مع البنين
يوم كانت بالمشاعيب والعجرى لهدنا
الرجال اللي تمدح نقص أشنابها






الـرد




سيف الشعر


من هو اللي يادمـاوي يطبل


للـعرُوس

ليه ماتبدي الحقايق بلا زيـغ ولفيف

أنت مستعرب مع الناس ولا عاربين
ماحسبنا للــملاقيف والقــصى والدنا



مانـــدور للـــــهلايـم ولابلشنابـها

************************************************





البدع
دماوي حيل
انا في ذالجمع معْرِس واباعاير واقــوس
واعرف الِّي قبلي إعصام والاَّ هو رهيف
والله انِّي اجلب العلم لو بأقصا يديـــــــن
كم عريف وقرم شدنا البنا معْه وقصَدنـا
وكم قصص وعلوم معهم تقاصدنا بهــــا

الرد
دماوي حيل

مهرتي تحتي وفي جنبنا بندق وقــــوس
ماخطي الشاره لو إبقاع والاَّ فوق هيف
صايدين الشارده لو تباعد صايديــــــــن
بالهدد والقلت والسهم والسلقان صدنــا
وانت بالحدْيا لو نصيدكم صدنا بهــــــــا



************************************************
البدع
سيف الشعر
انت دائم يــــادماوي على راسك تحوس
وانت تدري ان المقدم يجي فوق العريف
تبغي المليون لاكـــن وينــــه وانت وين
وادي ان شفت روضه وتشفى يـــاسندنا
تعــمــي اعيونك بياديك وانت اترى بهــا
الرد
سيف الشعر
البقرمـــــــاتلبس السرج نلبسها الحلوس
مثلكم يعرف وانا حسبك رجل(ن) عريف
وين عقلك وين فكرك ومــدري كنت وين
والله انا فــــالموقف نلقي مـــــــن سندنا
فـــــي زمــان(ن) والبنادق يعج اترى بها


************************************************
البدع
دماوي حيل
حن عجزنا فيك والبحْر ما يقطع بموس
كلّ سيل إليا تداقل والى أبطا له هريـف
اوله هماج وآخرْه من عجمات عيــــــن
لا تغرَّك قطرةٍ خلفها ياتي رعَدْنــــــــــا
تزلق اقدامك وتنكس علاك إركابهــــــا

الرد
دماوي حيل
كل حلفك يا ولَد والدَك حلفٍ غمـــوس
وما تتوب الاَّ ليا شفتك وقلبك يريـــف
كلّ ذو نعمه لما مات صدفه مات عين
لا بدا ميقاف نحكم ونظلم ما رعَدْنــــا
والقوافل ناخذ إحمولها وإركابهــــــــا
************************************************
الله الله
اسلم وزد

[الحــــــــــوت]

صحت الألسنه

واصلوا

متابع

[ابونايف الشمراني]

بسم الله الرحمن الرحيم

لاشك بأن منتدى المحاورات احد اقسام المنتدى اللذي يحضى بمتابعة من الجمهور
وله محبيه ومشجعين ومتابعين

وقد تعودنا من الاخوان الكرام (سيف الشعر ودماوي حيل) مبادراتهم في هذا القسم وفتح باب المحاوره
فلهم منا جزيل الشكر ونعتذر لهم اذا كان هناك تقصير في الحضور
ونقول صحت السنتهم وصحت ابدانهم

[سيف الشعر]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
اتقدم بالشكر الجزيل لكل من شارك في هذه المحاوره الشاعر ابهاوي الشاعر القادم بقوه والشاعر خالد فارس الميدان والشاعر الفحل دماوي
كما اشكر جميع من مر على هذه المحاوره واخص بالشكر الشاعر القدير ابوحاتم والشاعر القدير ابونايف 0
كنت سعيد بهذا القاء مع اخواني الشعراء والدعوى تحريك منتدى المحاوره ومن نتايج هذه المحاوره اننا اكتشفنا شاعر له مستقبل زاهر الشاعر ابهاوي
الذي اتحفنا بهذه المشاركه ونحن ابناء شمران اخوان ومكملين لبعضنا والى هنا استودعكم الله الذي لاتضيع ودائعه واكرر شكري لاخي وحبيبي
وصديقي الشاعر بن منجيه على رحابة صدره والى لقاء قادم ان شاء الله في محاوره جديده

[سعيد بن منجية]

لاهنتوا جميعا
ومحاوره كانت جميله بتواجدكم اخواني الشعراء
سيف الشعر وخالد بن محمد بن حسن وابهاوي
والشكر موصول لكل المشاهدين واخص بالذكر اخونا الكبير والشاعر ابو نايف

والى محاوره قادمه
والله اكبر ولا اله الا الله ونستغفره ونتوب اليه

[محمـد ع الرشيـدي]

بيض الله وجيهكم

[عايض حامد الشمراني]

لاهنتوا وبيض الله وجيهكم على هذه المحاوره

فعلا استمتعنا بها .. وأتمنى ان نراكم في محاوره قريبه

[خالد محمد حسن]

كنتم في غايه الابداع من حقي افتخر فيكم وفي كل شمراني موفقين ان شاء الله والى الامام