لولاه حتى طاري الشعر مابيه.. && مير اكتبه من شان خاطر عيونه

[طارق آل مزهود]

قالوا حبيبك يسمع الشعر قلت إيه..
يقراه بعيوني قبل تسمعونه..


لولاه حتى طاري الشعر مابيه..
مير اكتبه من شان خاطر عيونه..


هو روح شعري وامنياته وماضيه..
جذع الشجر وش كان لولا غصونه..


اكتب لغيره والقصايد تجي فيه..
كن القصايد حالفه ماتخونه..


هذاك لامنة زعل قمت اهاديه..
حتى وهو مخطي تعذرت دونه..


يمكن لو انه يلمس الجرح بيديه..
يستغرب ان اللي لمسها طعونه..


ابطى وهو غايب وزلت حواريه..
وانا من العام اتحرى مزونه..


هو مادرى اني في غيابه محاتيه..
ليته نشد عن حالي اللي يجونه..


وقلبي اللي توه افلت عراويه..
كيف انسرق وضلوع صدري حصونه..


عجزت ارده كن ماني براعيه..
يوم انتثر شوقه وهاضت شجونه..


يبسن عروقه لكن اللي يعزيه..
ان اكثر العالم تردد لحونه..


خافوا من الله لاتجيبون طاريه..
لاصرت انا موجود لاتذكرونه..


لو كل غالي جابه الله لغاليه..
ماشفت لك مخلوق تبكي عيونه..






للشاعر متعب التركي

[بوحمزه]

رهيب يابن مزهود اختيار جميل

[طارق آل مزهود]

رهيب يابن مزهود اختيار جميل


ألف شكر لك على المرور يابو حمزة

[عايض حامد الشمراني]

لاهنت ومشكور على ماتختاره لنا
لك مني جل التقدير

[طارق آل مزهود]

لاهنت ومشكور على ماتختاره لنا
لك مني جل التقدير

ومن قال لا هان
الشكر لك يابو حامد

[معقل العصاه]

صح لسانك ولسان الشاعر متعب
لاهنت على النقل
تقبل مروري

[الوفاء]

http://t3.gstatic.com/images?q=tbn:ANd9GcSFUYojQoZDuFINWKlqqZewxURL3l37I THN5rS-UmxtcYokT7zr

[طارق آل مزهود]

شكراً لكم وفقكم الله