ضاعت هويتنا وضعنا .....

[غيثان الكثيري]

(( ضاعت هويتنا ))


أنا شـــــد الأمة شعـــوب وســلاطين = هيا نعـــيد أمجـــــــادنا والبطولات

تاريخنا ناصع وعــــندي البراهــــين = والكل يشـــهد بادي الأمــر غزوات

بدر وأحــد والفتح وأمجــاد حــــطين = وأبطـــالها باقـــين للحـــين بالذات

حتى وصلنا مغــرب الأرض والصين = ونســـيّر العالم برمـــز وإشـــــارات

من ينصــــر الله ينصره لو بعد حــين = وحنا تخاذلنا عـــلى مجــد قــد فات

ضاعت هـــــــويتنا وضعنا من سنين = ومات الضمير وعزة النفس هيهات

كل العرب شعـب وحـــكومات لاهـــين = تشـــتـتـو مابين جــــــوع وديانات

حــتى نسينا قــيمة العـــــلم والــــدين = وقــــــمنا نجاريهم بحكم السياسات

من بعـــد ماكــــنا على جـــال نهــرين = نهـــر العلوم ونهر صنع الحضارات

سرنا على الهامش قــــــريب وبعيدين = نشجـــب ونســتنكر ونرفع شعارات

لعب على أعصاب الضعوف المساكين = أهــل العقـــول الضايعــة بين نزوات

نبغى نقول أحــــــنا هنا ... أو مهمين = وحــنا ولاحاجة مجـــرد علامات !!؟؟

ياهيه ياعـــــالم .. كفايه على مين ؟ = اللي تشـــوفــونه مجـــرد هــــتافـــات

أول قــضايانا العـــراق وفـــــلسطين = والخــافي أعــظم ... بس قــلّة خيارات

أمـــــا معي أو ضـــد , مابين حلين = نصـــبح بهم ونقضي الليل آهــــاااااات

حسره على مجد(ن) توارى في العين = والحاظـــر اللي مابقى بـــه مســـرات

والا عـــلى مستقبل أجيالنا . وين ؟ = طـــريقهم مظــــلم ومليان كــــبوات !!


وسلامتكم..........................

[حكيم البادية]

غيثان أشكركـ على القصيدهـ ,,, وهذا حال العرب ولن يتعدل

[فيصل الساهري]

اشكرك عزيزي غيثان ... وبصراحه ابيات في قمة الروعه

وانت دقية على الوتر الحساس .. وقلبت المواجع يااخ غيثان

وانما اشكرك لجميل الكلمات

[عايض الشمراني]

لله درك اخي غيثان على هذه القصيدة الرائعه
وننتظر منك المزيد
والله يحييك تحيه السيل

[حسن بن عبدالله]

شكرا لك اخي غيثان الكثيري على روعة ماسطرت
من قصيده رائعه فصح لسانك

[محمد مزهر]

بيض الله وجهك اخي غيثان على القصيده الرايعه
ربي يعطيك الف عافيه

[سعيد بن منجية]

صح لسانك يا غيثان

قصيده رائعه بروعتك

ولاهنت يابطل

تحياتي

ودمت بود

[ابونايف الشمراني]

تحية اعجاب وتقدير لك اخي الكريم/ غيثان الكثيري

على هذه القصيده الرائعه والمعبره

وارحب بك اجمل ترحيب بين اخوانك وفي منتداك

وجودك شرف لنا والله يحييك تحية المطر

[في صمتي كلام.]

بيض الله وجهك قصيده رائعه وجزله


وانت جزل


تحياتي لك


في صمتي كلام

[غيثان الكثيري]

أحبتي الكرام

لا أملك لكم الا الشكر على هذه الخفاوة وهذا التفاعل

وجمال ردودكم التي اسعدتني

فشكراً لكم جميعاً وتقبلو تحياتي وتقديي