الى الاخوة شعراء المنتدى

[عبدالله ال معيض]

استأذن الأدارة في طرح هذه المحاوره

البدع
يسلامي سلامن فرض عين
غبت عنكم وزاد الشر بـــي
ياهل المعرفه واهــل القصيد
القصايـد لـها فـن(ن) وذوق
ماهي ابسلعةٍ في السوق تشرى
كان كل البشر يـــشـــرو نهـــا

[فيصل الساهري]

مرحبا الف ....
من طول الغيبات جاب الغنايم ... وشكل هذي المحاوره اول الغنايم
الله يقوي الشعار

ابيات رائعه وغير مستغربه منكـ

[الحــــــــــوت]

مرحبا مليوون يا بو عابد

ولا عليك أمر ابدع ورد

مرحبا عدّ ما في الأرض عين
عنـد قـوم (ن) طـوال الشرّبي
أعطنا الكاش وأبعد ع القصيد
قــرّب البـن وأبشـر بالعــذوق
كنّ في مقدمك يالشيخ بشرى
هــاتهـا والعـــرب يقــرونــها

[سيف الملـوك]

ابدع في ابدع


موفق بإذن الله ... لكم مني أجمل تحية .

تقبلوا تحيات محبكم سيف الملـوك ودمتم بألف خير

[عبدالله ال معيض]

[align=center]
حياك الله يالحوت وابشر بسعدك

لبدع
ارحب يالحوت وابشربالسمين
وابعدي يا لبخا لــه واغـــربي
نصرف الشيك من عالي الرصيد
كان لك في مدار العــز شــو ق
عندنا للحكم حصن(ن)وقصرى
يوم طـلا بــنا يـــجـــنونـــــها

الرد

ناس متعصــبــه بــا ليا سمين
الي من مصر وارض المغربي
صدت في البحر وفي البراصيد
ام نيمس لها رمـي اورشــوق
من يهاب المعارك صلى قصرى
خاف من دوســها وجنو نهــا

[abo assaf]

حياك الله يا ابومحمد
والحمدلله على السلامه
وحيا الله عودة الشاعر الحوت


واصلو بارك الله فيكم

[سعيد بن منجية]

الله الله ياسلام ياسلام

عاشوا عاشوا

حيا الله الشاعر بن معيض بعد غياب طويل جدا واهلا بك مجددا وان شاء الله عودا حميدا

ونرحب بالقبيل والجار والحليف الشاعر الحوت ووجودك يسعدنا

عملاقان هنا وهنا الابداع والابيات والفرش والغطى

بيض الله وجيهكم ولا هنتوا

تحياتي يا ابطال

[الحــــــــــوت]

الله يبقيكم ويسلمكم




البدع

عشــت يــا راعـي المعنـى الدفيـن
مقصــدك نفهمـــه يـــا صــاحبــي
قـــدّر الضيـــف والجـــار الحــديـد
بينكـــم لا إختــــلاف ولا فـــــروق
نــاس(ن) يعالجــون الجـرح يبرى
ونــاس صـــار البلــى بعيــونهـــا

الرد

لا تســل غيــر قــوم(ن) عـارفـين
ما أندرق عـن رفيـق(ن) صاحبي
وإنــت مــن قــوّتك تثنـي الحـديد
الذخــيــرة نفــرقهـــــا فــــــروق
والخنــادق تصيــر اليـوم قبـــرا
والحســـا غـــارقـــة بعيـــونهـا

[عبدالله ال معيض]

طيب طيب
البدع
انـتــم احــبابــنا ومحالــفـــين
انو ضح مقصدي لك شي غبي
ملبسي غـالين لـبسي جـديـــد
علمنا واضح(ن) مثل الشروق
ريت سمحان بحمولـه يهـدرى
شـفـت عينـه تـرف اجـفـونـها
الرد

قــد قـطعـنا يمـين واحـالفين
يوم صـوت المعـا بـر شيغبي
الله ياكــم فــزعـنا وننجـد ايـد
انشد اهل اليمن واهل الشروق
وانت يارعي المعنى به ادرى
شـلـفـا بـو زيـد لا تـجفـونـهـا

[عايض حامد الشمراني]

عبدالله الله يحييك ياغالي وييحي هذه العوده بعد طول غياب

كما نرحب بالأخ الغالي الحوت وردوده الموفقه

سنظل نتردد على هذه الصفحه.
وفالكم التوفيق

[بوحمزه]

الله يخارجنا محاوره شكلها قوي
الله يعافيكم

[ذوالفقار]

حي الله الشاعرين الكبيرين (( نتمنى لكم محاورة موفقة))

[الحــــــــــوت]

البدع

لا تـــزيــد الحلــــوف ولا يميــن
كـــل حـــق(ن) وراه مطــالبـــي
أسمــع الهـــرج والعلــم الوكيــد
مــا بــدا الغيـث من غير البروق
ماتـت الغــاليــة بكـر(ن) وعذرا
وأقبـــروهـــا وهــــم يبكــونهــا

الرد

لـــو بدتنــــي مــلامــة لايميــن
أنبســط لــو تفــوّق طـــالبـــي
غيـر كنــه معـه كـره(ن) وكيـد
وإحنا ما نشهر السيف البروق
مال شيخ الشمل ذا اليوم عذرا
سالفــة مــوتهـــا يحكــونهـــا

[عبدالله ال معيض]

البدع
تـعـرف السالفه ولها سنين
لـونسـيته فـســال الشـايبـي
يوم رمي الجماجم بالف حيد
الطناخه لها رجل(ن)سبوق
وانت يالحوت لك طلعه وندرا
جـرعـة السـم تــتـحـسـونـهـا
الرد
عندنا الرمح للمخطي سنين
خـل عنـك الفـتن ونـشا يبي
واحفظ الدرس يا عبدالوحيد
فيه قومن تبوق الناس بوق
واني اعرف مخافيكم واناادرا
سـورة الحـشــر لا تنسونـهـا

[abo assaf]

متابعين بارك الله فيكم

[عبدالعزيز المعاوي]

الشاعر المبدع / عبدالله آل معيض

الشاعر الرائع/ الحوت

صحت السنتكم جميع

محاورة جميله

وآصلووو

بارك الله فيكم

[عبدالله علي بركي]

الاخ الشاعر عبد الله .
الاخ الشاعر الحوت .

اسعد الله اوقاتكم بكل خير .....
شيء رائع وجميل الذي نراه هنا , بارك الله فيكما .

[حسن بن عبدالله]

الاخوه الشاعر عبد الله - والشاعر الحوت

سعدنا بكم وبهذه المحاوره الرائعه
واصلوا بارك الله فيكم

[أبـو رفـيــع]

تسجيل اعجاب بكم

صحت السنتكم جميع

اتمنى من الله محاورة موفقة لكم

تقبل مروري وجزيل شكري

ودمتم في رعاية الله

[سعيد بن منجية]

يا سلام يا سلام

عاشوا

صحة السنتكم ملايين

ابيات قوية وابداع لا نلتفت لغيره

الله لا يهينكم واسلمو وزيدو

وينك يالحوت اسلم اسلم

تحياتي

[عبدالله ال معيض]

اشكركل من مر على هذه الصفحه
ولا اعلم اين الشاعر الحوت

[الحــــــــــوت]

أعتذر ع التأخير لظرف طاريء خارج عن إرادتي






البدع

يابــن معيض اصطبر والصبر زين
دامــك تحــــرّى رفيــــع المنصــبي
لقيـــاك يـــا صــاحبـي لي يوم عيد
مــن بعـد صار الشعر في كل سوق
وإنـــت لا تجـبـــر الأبــيــات جبـرا
المـعــــانـــــي بتـتعــــب دونــهـــا

الرد

كـان إعتقـادي معك عقل(ن) رزين
السـالفــة مــا تجينــا مـــن صبـي
المعــذرة مــا أقــدر أكــرر وأعيــد
الشيـخ نشمي يسوق الخيل سوق
مـا ينفع العظم لا ربط(ن) وجبـرا
جبــتــم الخــــيــل وتعـبـــدونهــا

[عايض حامد الشمراني]

بيض الله وجيهكم على هذه المحاوره
ليست مجامله فمن أجمل المحاورات
واصلوا لاهنتوا

[محمـد ع الرشيـدي]

الليل الليل
واصلو وفقكم الله

[عبدالله ال معيض]

ارحب يالحوت مجدداً
البدع
فارس القوم ماضني يلين
عاشق المرجله ولهاربي
حبها ما شي ابحبل الوريد
انا شيخ القصايديالسروق
واناناوي احط اعليك غبرا
حتى بعض العرب ينهونها
الرد
ناس في مشيهم متما يلين
مانخاوي الشرود الهاربي
أنت لك مورد وانالي وريد
واتونس مع الجلاس اروق
يوم حرب الدواحس عند غبرا
خيلهم تمشي اعلى هو نـــهـا

[سيف الشعر]

ياسلام عليكم
الله يعطيكم العافيه محاوره رائعه

[آل ثاعي]

أررررررررررررررحب يابو محمد فقدناك لاعدمناك
محاوره أجمل من رائعه أقرب يالحوت أقرب واصلوا
بيض الله وجيهكم محاوره ناريه

[ذوالفقار]

مــن بعـد صار الشعر في كل سوق
كـان إعتقـادي معك عقل(ن) رزين
المعــذرة مــا أقــدر أكــرر وأعيــد
مـا ينفع العظم لا ربط(ن) وجبـرا

نبغى حكم

[ابونايف الشمراني]

بسم الله الرحمن الرحيم

اشكر الشعراء الكرام .. الشاعر عبدالله بن معيض والشاعر الحوت ..

واعتذرلهم عن عدم مشاركتي لهم هذه الصفحه للظروف

لاحضت بأن هناك اختلاف في طول الابيات وقصرها لدى الاخ الشاعر الحوت ونوه الى ذالك احد الاعضاء الاخ الكريم ذوالفقار

كلكم شعراء كبار تستطيعون مراجعة القصائد وتعديلها ونحن هنا اخوان نكمل بعض

و واصلوا ونحن معكم والله يحفظكم

[محمد مزهر]

اريد ابيات قويه منك يا عبد الله
وفقكم الله

[الحــــــــــوت]

وأنا كذلك أريد حكم

مشكلة إذا صار الإنتقاد في طول البيت وليس في الطرق

أنا رجعت للقصايد من البداية فوجدتها على طرق واحد ولا يوجد إختلاف

عموماً بإنتظار الحكم

إذا قال الحكم إن الأبيات غير موزونة فأنا أنسحب من المحاورة وتسجل لعبدالله

وإذا قال إن الأبيات سليمة فأتمنى إن اللي في المدرج يتفرج

وإذا كان الناقد شاعر فأنا لا لم أرى أي قصيدة له في المنتدى سوى الإنتقادات

[عبدالله ال معيض]

بسم الله الرحمن الرحيم
اشكركل من شاركنا في هذه الصفحة
كما أتمنى من الأخ الشاعرالحوت اكمال المحاوره ويبدا بالبدع اذا أراد
تحياتي للجميع

[سعيد بن منجية]

صح السنة شاعرينا العملاقين

الحوت وبن معيض

وابدعتم بيض الله وجيهم

وكانت محاوره رائعة بكل المقاييس ومعاني دسمه

وبغض النضر عن الطول في بعض الابيات او اختلاف الطاروق فذا لا يهم بقدر المعاني الجميله

والشاعر الحوت وبن معيض ليس عليهما غبار وهم يعلمون مواطن الطواريق والطول والقصر

لاهنتم ودمتم بود معافين وسالمين

[خالد محمد حسن]

بيض الله وجه الشاعرين على هذا الابداع

[محمـد ع الرشيـدي]

وفقكم الله جميع وعساكم على القوه
أبدعتوا
والشاعر الحوت صل على النبي لازم تقبل الرأي الأخر وهو مجرد توضيح
بارك الله فيكم