تدري وش اللي يجرح القلب جرحين ؟؟

[علي آل حــــازم]

تدري وش اللي يجرح القلب جرحين
..................ويمد حبـل الحـزن فيـك ويشـدة

انك تناظر طفل مـن غيـر ابويـن
.................يمشي ودمعـة سايـل فـوق خـدة

منظر صعيب ويقسم القلـب قسميـن
................لا قـام يمسـح دمعـة بكـف يـدة

يمش ولا يدري طريقة علـى ويـن
...............لين التعب من كثـر مـا تـاه هـدة

اثقل حـروف يشيلهـا فيـة حرفيـن
...............لا أب يـدريـبـة ولا أم تـــردة

في خطوته رحلـة ودمعـة وسكيـن
................وحـظ توسـد بالمراسـي مـخـدة

جيت اسألـة بالله قللـي ولـد ميـن
...............وبغي يجاوب وختنـق صـوت ردة

أنـا يتيـم ومـا لدربـي عنـاويـن
...............وجزر الحزن فينـي يسـاوي لمـدة

وطعم الطفولة ما عرفته لهـا لحيـن
.............وثوب السعادة صـرت مانيـب قـدة

ابكي إلى من شفت غيـري سعيديـن
................ليـن البكـا فينـي يوصـل لحـدة

واقفي ورحت امسح دموعي من العين
...............وعيني تناظـر دمعتـه فـوق خـدة

وهذا اللي يجـرح القلـب جرحيـن
..............ويمد حبل الحـزن غصـب ويشـدة



.

[أعشق حروفكـ]

اثقل حـروف يشيلهـا فيـة حرفيـن
...............لا أب يـدريـبـة ولا أم تـــردة


أبيآت مؤثرهـ .. ع ـــووآإفـــي ع الطـرح ..

[بنت رجال]

يالله قد ايش مؤثره الكلمات ,,

كل الشكر لروعة انتقائك سيدي,,

حفظك الباري,,

[علي آل حــــازم]

اعشق حروفك

هلا والله .. وغلا
شكرا على كرم المرور .. والتفاعل

لاخلا ولاعدم من هذا المرور الرائع كروعتك
يالغلا .. لك مني كل الغلا


وفي الختام
لك جزيل الشكر والاحترام

[علي آل حــــازم]

بنت رجال

هلا والله .. وغلا
شكرا على كرم المرور .. والتفاعل

لاخلا ولاعدم من هذا المرور الرائع كروعتك
يالغلا .. لك مني كل الغلا


وفي الختام
لك جزيل الشكر والاحترام