يا سامع اسمع من كلامي وش اقول ! ! !

[راجي الوصل]

ياسامع اسمع من كلامي وش اقول
لاتحسب اني لو تبسمت طربان
.
ترى بجوفي حزن ماهو بمعقول
تضيق به كل العواصم والاوطان
.
القلب جاه الويل والفكر مشغول
على الذي فرقاه . . لي همّ واحزان
.
اقفى وخلاني من الصد معلول
من عقب ما كنا وريد وشريان
.
احاول اواصله والباب مقفول
ولاعاد له عندي طريق وعنوان
.
والظاهر ان الامر ماهو بمحلول
الا بعلم يكشف الستر ويبان
.
لكنّ يا خوفي يقولون مهبول
ويصير علمي سلوة فلان وفلان
.
يا الله يا خلاق يا اعز مسئول
اصرف خفوقي عنه يا عالي الشان
.
ما عاد لي قدرة ولا عاد لي حول
لاني ضعيف وحيلتي حيلة انسان !
. . .
. .
.
شعر /
راجي الوصل

[فيصل الساهري]

كمـ انت رائع بمطروحاتكـ وبمفرداتكـ

انا فعلا ياراجي اكررها واقول اني من اشد المتابعين لما تطرحه في المنتدى
لكـ جل احترامي

اخوكـ .. فيصل الساهري

[أميرة الورد]

صح لسآنك ع هذي القصيدة الرآئعة

كلمآت جميلة من قلم أجمل

أشكرك جزيل الشكر ,,

تقبل مروري مع بآقة ورد جوري



http://dl3.glitter-graphics.net/pub/1454/1454583ng4euc3mnl.gif (http://www.shmran.net/vb/t29018.html)

أميرة الورد

[بنت رجال]

رباااه رباااه على ماقرأته هنا ..

كلمات رائــعه أعدت قراتها لجمال حروفها ,,

سيدي الكريم

صح لسانك وسلم بنانك ولاتحرمنا جديدك ,,

لقلبك كل السعادهـ,,

[الكمنت]

رعد الخفوق من العنوان
ثم بدأ وصف الهجران
كم هي ممتعة عزيزي
دمت ودام لنا نبضك
رعاك الله
وفي أمان الله