والا الغلا غالـي ومغليـك مـولاك

[الغفيري]

أشفق على شوفك وهرجك ولامـاك
واذكر ويمنعني لاجيـك الوداعـي
مايحتمل قلبـي وداعـك وفرقـاك
والحزن والعبره وكسـر الشعاعـي
ولايحتمـل كثـرة تنهـدك وبكـاك
اخاف يقدرنـي واجيـك متداعـي
ثم اتسبب في مشـا كلـك وابـلاك
ويضيع مستقبل حياتـك ضياعـي
ويضيق بي ثوبي وتشمت بك اعداك
واندم على تصـر فـي واندفاعـي
هذي سبايب صدتـي يـوم تخفـاك
هذي سبايـب غيبتـي وانقطاعـي
والا الغلا غالـي ومغليـك مـولاك
غلاك فـوق القـدر والمستطاعـي
سخرت لك طرفي وحرفي والابـاك
وارخصت شيٍ بالذهـب مايباعـي
قلبي واحاسيسي وماجـاك يفـداك
تستاهله وانت الحشيـم المطاعـي
ويستاهله عنقك وسمحـة محيّـاك
وتستاهله خرس العيون الوساعـي
وتستاهله من شعر راسك لماطـاك
مااشوف للتفصيل والوصف داعـي
حيث انني لو اجتهد فـي مزايـاك
لايمكن احصيها بشتـى المساعـي
لايمكن احصيها ولايمكـن انسـاك
هذي حقيقـة موقفـي وانطباعـي
ولاعاد تنشدنـي ولاعـاد يخفـاك
اسباب عنكـم غيبتـي وانقطاعـي

[احب الشعر]

صح لسانك وتسلم على هذه القصيده الجميله
وارجو توضيح فقط اسم الشاعر حفظ للحقوق
ان كان من كتابتك بين ذلك او منقول بين ذلك
لنها قصيده جميله

[الغفيري]

هذي احد قصايدي الله يحفظك
ولك تقديري

[بن طهيفان]

الله الله يالغفيري هذا الغزل العفيف ولابلاش قصيده رائعه جدا ولوانها احيت جروحن قديمه لاتحرمنا من جديدك يالغالي ارحب بك مرة ثانيه ولاهنت
تقبل مروري وتحياتي

[الغفيري]

لكم تقديري
وحبي الصادق

[محمد]

صح لسانك قصيد رائعه بحق ننتظر المزيد من هذا الابداع

[الغفيري]

مشكورين علي المرور
الكريم لكم ودي

[عايض الشمراني]

اولا حياك الله تحيه السيل

و صح لسانك على هذه الرائعه

ولاتكفينا ننتظر المزيد من هذا الابداع

تقبل تحياتي

[ضيف الله العامري]

اولا حياك الله تحيه السيل

و صح لسانك على هذه الرائعه

ولاتكفينا ننتظر المزيد من هذا الابداع

تقبل تحياتي

[علي بن محمد]

الغفيري

صح لسانك يالغالي

لا تحرمنا من جديدكـ

لك مني الاحترام والتقدير

[فارس شمران]

صح لسانك رائعه
تقبل مرورى

[شيخ عليان]

صح لسانك


تتويج للشاعر المخضرم بالشكر الجزيل

[ابو معاذ الغضنفر الأكلبي]

الغفيري

بيض الله وجهك

سجل اعجابي بهذي القصيدة