أتمنى تفضل أحد الشعراء بالرد ومواصلة القارعة....

[ناصر الشهراني]

الــــــــــــــــــبـــــــــــــــــــــــــدع


بسم الله أبدى وأنتهي والعلوم سمان

حسب العـوارف والـعـوايــد بـشـرعنا

جــعــل الـردي ما هـوب نـدِي ولا البخيل

الله يكفينا صدوف الزمان التالي ** ما للحليف الجاير إلا ملاسنه



الــــــــــــــــــــــــــــــــــــــــــــــــ ــــــرد


الله يجير الكفو مالكسر والعسمان

ولا الردي يبشر لاجانا بــشـر عنا

ثارت عجايجها ويزهل بدهم الخيل

الكفو دايم للنواميس ذا بتَالي *** والجود من ساسه يسد الملا سنه

[خلف بن صهبان]

مساكم الله بالخير جميعا وحياك الله يا صبي شهران/

البدع


يا مرحبا وهلين في منتدى شمران
ترحيبة(ن) ترضيك منا يا ضيفنا
لفيتنا حسب السلوم ولك التهليل
تالي زمنا صورة(ن)للزمان الحالي
يبقى الحليف الجار مني وانا منه


الرد



في كل قلب(ن) ما تربى وغاشم ران
وان ضفت ما سر الخواطر مضيف انا
نلهج بذكر الله تكبير(ن) وتهليل
والشاعر الي منطقه بالكلام الحالي
القدر يعطاه ويمنا ونامنه

[بنك شمران]

بدع ورد رائعيين سلمت يداكم من كل شر وصح لسان الشاعريين

لك مني أجمل تحيه .. وأمنياتي لك بدوام التوفيق ..

[سعيد بن منجية]

صحت صحت

ولا هنتوا

والله يوفقكم انقر يا زير

[ناصر الشهراني]

الله يبقيك ويطول مهاليك وصح لسانك واستلم...

الـــــــــــــبــــــــدع

تبقا وتسلم يارفيع القدر والشان

والهينة ما هيب عندك وعندنا

ياربعنا ياحلفنا يااا هل الجميل

يامكرمين الضيف ويا مزبِنين الجالي*** وقفاتكم على دليل (ن) وبرهنه


الـــــــــــــــــرد

لا والله إلا ولع الليل والـنـيــشــان

عارفك مطلق تبعد الزين عن دنا

ما بغيبها ميله ولا بغي بلـنـج ميل

الله يجـمـلـني لا مــنــَه بـدا مـجــالـي *** و شاربي لا جل المطاليق برهنه

[ناصر الشهراني]

ويـــــــــــــــــــــــــــــــــن الـــــــــــــــــــــــــــــشـــــــــــــعــــ ــــــــــار

[خلف بن صهبان]

البدع

لك القدر والمكرمه يا صبي شهران
ولا نتغير عن نهجنا وسلمنا
اميز الصايب من المعرفه وآخيل
تاريخكم ما سطر الا فعول رجال
كل(ن) تعالم به وكل(ن) مثمنه

الرد

الوقت مثل البرق فالشهر كالشهران
متلمس آمالي ومتلمس المنى
والبيد تعرفني وخط القلم والخيل
والشعر حكمة كم ترجا له ويرجا لي
لاني بمستعجل ولا ريث منه

[محمـد ع الرشيـدي]

بداية أرحب بالشاعر:ناصر الشهراني..
فحياك الله في منتدى شمران وشرفنا تواجدك..
ونشكر الشاعر:خلف بن صهبان على الإستجابة
وفقكم الله جميعا

[حسن بن عبدالله]

نرحب بالأخ ناصر الشهراني
سعدنا بتواجدك في منتدى شمران
كل الشكر لأخونا الشاعر / خلف بن صهبان على تجاوبه

[(بن هزاع)]

صحت السنتكم


للهـ دركم


شكرا


بن هزاع

[ناصر الشهراني]

الله يبقيكم ولي الشرف بالإنضمام إلى منتديات شمران

وإن شاء الله تشوفون مني كل مايرضي ويبهج الخاطر

ولكم مني أجمل تحية...

[ناصر الشهراني]

الــــــــــــــــــبـــــــــــــــدع

خبرت بن صهبان بعض العرب حنان

لـكن كـيــلـه ويش يــســوى بـمــدَنـا

والـغـابـة الـلـي نـمـرها غـارمِ لـلـفـيل

جـمــالـهـا تـهـدر بـشـيل الحمول ثقالي*** واسودها تزمك بسلطه وهيمنه


الــــــــــــــــــــــــرد

السيف الأشهب ع رقاب العدا حنان

ونْــعـوذ بالـلـه مـالـغـشـيشة ومالدنا

ما اسابل الحضار ع كلمة الـتـنـفـيل

ما جيت أودِي قيل قـايـل وأبـثِ قـالـي *** ملهي من الماجوب غيري لاهي منه

[خلف بن صهبان]

البدع

خبرت بعض الناس ما يعرف الشيهان
من قوَ باسه ما تقهقر ولا انثنا
وقت الهدد ما يعرف الخوف والتهويل
فرايسه لانقض من فوقها وانهالي
يحط مخالبه جساره وفرعنه

الرد

اعلامنا فوق السحايب ولا شي هان
حبل الموده ما تعقد ولا انثنا
واشوف يا درب المعافاة منته ويل
اقولها وآرد على صافي المنهالي
قدَام ما توقع معارك وفرعنه

[ناصر الشهراني]

الـــــــــــــــــــــــــبـــــــــــــــــــــد ع

لا والله إلا زان علمك وعلمي زان

يالشاعر اللي كلمته جات ع المنا

ياصـاحـبـي لا تـحـط لـيـلاً بـنـدَ ليل

السوق جيته لي مكاسب وراسمالي*** يالله تجملنا وراع الدنا دنه


الــــــــــــــــــــــــــــــــــــــــــــــرد

ميز معانيها وجبها على الميزان

والناس ما تجهل بعلمك وعلمـنا

حنا هل الناموس ولْـغـيرنا دلـيل

ما مال راسي لا من اللاش راسه مالي*** ما للمواقف غير قوماً دنادنه

[خلف بن صهبان]

البدع

الشمس ما تحجب بغربال يا فهمان
تدري بمقصدنا وتدري برمينا
فلا تزايد واحسب مسيرتك بالميل
راعِ الردى يردى وراعِ الوفا جمَالِ
والي يروَع خاطرك ما يطمنه

الرد

لا منَة(ن) والسوق ما قد يطوفه مان
روس الفتايل ما تقادح برمينا
السوق سوقك يا هلابك ولا به ميل
لكنه الجمَال حادي مع الجمَالِ
والشعر راعِ المعرفه ما يطمنه

[ناصر الشهراني]

الــــــــــــبــــــــــــــــدع

الـتـمــر يـوكـل لا تـعـكـَس وبه لوان

والحنضلة ماهيب تغرس فيَ ارضنا

جـنـبي متين الله درا مـنـهـو الـنـحـيل

ما تـوها صـادت وانـا امـسـَها بحبالي*** حتى جملهم ما تحلحل مراسنه


الـــــــــــــــــــــــــرد

بعض العرب يصلح ممثل وبهلوان

الـحـمل كايد كان بـتـْجـيـد وارضـنا

ولاَ تـنـحـى و الـعـرب مـالـها تنحيل

يشوش راسي لا قدي ذا مريِح بالي***وأيامنا تثبت بشهر (ن) وراسنه

[آل ثاعي]

مرحبا الف ياصبي شهران
واصل انت والاخ خلف
محاوره قمه في الروعه

[خلف بن صهبان]

البدع

الزرع يضمر لاحصل قحط(ن) وجدبان
نسقيه من عد الرهى من بحورنا
والراس كالنايف وطاول حدود سهيل
الداب ياكل عندما يسمع الخلخالِ
يختار خير الصيد فارعه واسمنه

الرد

بخيل قومه يعلم ان كل موجد بان
تبحر معانينا وتبصر بحورنا
والحمد لله دربنا بارح(ن) وسهيل
فكر السقيم المنجرف والمخلخل خالِ
تحنَه انك توسمه وقت وسمنه

[ناصر الشهراني]

الله يبقيك ولي الشرف

والله يقدرنا على المقديه

[ناصر الشهراني]

الــــــــــــــــــــــــــبــــــــــــــــــدع

العرف باقي وانا فارس فذا الميدان

تـعـرف فـعـايـلـنـا وتـعـرف دروبـنـا

وابْني عمر نصر ابن دوشه وللدخيل

لك عندهم وقفه قديمه وقدر(ن)عالي*** ما للأصيل إلا مراتع مواطنه


الـــــــــــــــــــــــــــــرد

ما علم أَهَلْ جود(ن) بداني وعلمي دان

وأَهَـلْ شـعـف مـعـراد وأهـلـك درو بـنـا

الــحـايـمـة بـتـْحـوم والـخـيـل نـد خـيـل

يالـلـه تـسـلـِم مـن تـجـمـَل وقـدره عالي *** واحفظ حجاز العز واحفظ مواطنه

[خلف بن صهبان]

البدع

من ضللك والعلم ساير مع العربان
شمران من عز ابن دوشه وهيمنا
تدريبنا الاشراف والجيل بعد الجيل
واحلافنا بني عمرو قاموا مقام ابطالِ
تاريخهم يشهد على مر الازمنه

الرد

ترى الميسَر بان يوم الموعَر بان
من ضل هام ولو هدي ما يهيمنا
الي حشم نفسه له القدر والتبجيل
والي تعدَى يلتقي ردعة(ن) وابطالِ
ان كان به عله قديمه ومزمنه

[ناصر الشهراني]

الـــــــــــــــــــبـــــــــــــدع

مـابــه ضــلالـه والـريـاجـيـل ع التبيان

الـصــيـد مـا يـسـوى ولا هـو بـسـوقـنا

والــقافـلـه حـتـى الـبـلـس حـمـلها ثقيل

يا فرقة (ن) تبغي تذوق الضنا والصَالي***ويش أخلف المشروك وابطل مضامنه


الـــــــــــــــــــــــــــرد

فـي خـاتـم الــطــاروق بــنــصـدِر البيان

لـلــضـيـف ضيفه والمعادي بــســوقــنــا

ما حن (ب) نهدر في الخلا وااا نبثَ قيل

الــعــلـم يـنــصالــك ولا هـوب ذا يـنصالي***الناس تجهلكم والأيام ضامنه

[خلف بن صهبان]

البدع

شوف الجمل سمحان ما جاله البركان
ما صابني وهنه ولي طيَب الجنى
القافله تمشي ولا تحسب التضويل
والديره الي محزم رجالها همَالِ
يصيبها ربي بذله ومسكنه

الرد

فالخاتمه لا تقترب ثورة البركان
اقولها يا من تعدى ومن جنا
ياللي تناهض بالخطا للمناهض ويل
كف البخيل يشح ويعيش في همَالِ
والناس ما تعرف مكانه ومسكنه

[ناصر الشهراني]

الــــــــــــــــــبــــــــــــــدع

اسمع كلاما(ن) ياخلف ينصف الحُقَان

ذي كلمة (ن) مصـدارهـا مـن سويدنا

ترْ كل زرع(ن) له خوادع ولـه عميل

لكن لقَح في النخل هي زكـاة الـمـالـي ***خيراَ لكم من حرب هرسك وبوسنه


الــــــــــــــــــــــــرد

ان ضاع حق (ن) فابشر بقاطع الحقان

ولاَ الــفـعـول الـطـيـبـة مـا سـوي دنــا

ذا الليل لك شغلاَ وبـنـشـوف لـك عميل

هيَا افتهم واعرف جنوب الديَر واشمالي**ولاَ نعيَد بك عبا عيد بوسنه

[خلف بن صهبان]

البدع

اسمع رعاك الله يا الظامي الجوعان
النار من يلعب بها تحرق البنا
وان حانت زروع البلد للثمر حصيل
نخيلكم يسرق ثمرها ومثلك سالي
وافرض عليك الحرب مني وسننه

الرد

ما انته بمنصور بن زايد ولا جوعان
عن قلبك الله ربي اعلم وقلبنا
والخيل فالميدان لاجا وراح اصيل
الباشه التركي تنشَد وراح وسالي
والسيف حدَه في رضاكم وسننه

[حسن بن عبدالله]

محاوره في قمة الروعه سعدنا بها
فصحت السنتكم

[ناصر الشهراني]

الـــــــــــــــــــــبـــــــــــــــدع

اســمـع رعـاك الـله يالواهي الطويان

عطنا الحقايق ما نبي الزور والبطلان

ان كــان لــك قــدره فــقــرَب لــحــدَنـا

والباشه التركي غزا الحِجْز بالتفصيل

ما خذيَت العذرى وحن مزبن الدخـيـل

والتمر محفوظ (ن) من البوق والتنشيل

غير امتنع ياخوك قبل (ن) يجي ترحيل

اعضودك قصار(ن) ولكن هرجك طالي *** ما دري تعَزفْ العود ولاَ تدندنه


الــــــــــــــــــــــــــــــــــرد

السيل داقل يــطــوي الـحـدب ذا طـويان

عـقب الشـوي لحم الفرايخ وذا البط لان

والـنـاس تـــعـــرف سـن حــدَك وحدَنا

الناس تَحْبُك وأنت تلبس على التفصيل

لا ثــارت الــهــيــَه فــعـــنْ خـيل ندَ خيل

اجــمـــااالــنـا تـهـدر و للـكـايـده بـتـْشيل

ما طــاحــت الــشـاره ولا لي بيفتر حيل

صوب الـقـرى هـيَه لها رْجالها وأبطالي*** صوله وجوله واااا شجاعه ودندنه

[خلف بن صهبان]

البدع

اذا الجميل من البشر قابله نكران
لا خير فيهم كان ما ترجح الاوزان
وحنَا حمينا الحد بالسيف والحدان
وقفاتنا مسميه وللعرب عنوان
للقيف ما نحقر ونهديه طيبنا
كل القبايل قدرها فوق روسنا
لكن من يجرى له الردع والفنا
نجعله عبره للقريَب وفوتنا
المجد شرفناه بالمقدره والحيل
ما يحتمل ظنَه وما يحتمل تحويل
انزبَن المضهود ونشيل حمله شيل
والبرق يلمع غير شاهد دقول السيل
الدندنه خليتها لك وانا كالتالي
ارفع بذكر الله في كل ميذنه

الرد

في كل قلب مخادع وكل منمك ران
كم ندمح الزله عن المنحرف لو زان
حت لو انه حدني مسلكه حدان
احاوره ما آحسَب الوقت والعنوان
والشعر يشمخ من عبقنا وطيبنا
رسالته من قام فيها يروسنا
والله حببني به وزاد ولفنا
يا من تطفف ما بمده وفوت انا
حيلوا عن دروبي وعن دربكم باحيل
المنتحي للمخطيه عاش منتح ويل
ما ودي اعطب كف عاصي عصى وآشيل
وانا اتنشد عن خبركم بعد واسيل
والشر متكتل به اهل الخطا كتَالي
يا حسبنا الله من سمح به وميذنه

[ناصر الشهراني]

الــــــــــــــــــــــبــــــــــــــــدع

اذا العوارف جات بين العرب نسيان

لا خــير فـي مـن قـفَل البيت والبيبان

لكن بن مهراس يــعـرف يرزَ الشان

ما رزَه إلا عند ســنــجــار صـــيرمان

يعرف حقوق الناس من سابق الأزمان

خلَ انت مهلاَ تــلالـي يـا ذا الــونــيــان

الــحـــمــد لـله مــالــك الـمـُلـك والثـنا

اني مــن أهــل الـطـيـب مـن عهد جدَنا

وانـشـــد ربــوعــك ياحــلـيـفــي وربعنا

والله ماســلــمــك يــشــابــه لــســلـمنا

في سلمنا نذبح سمان(ن) ونذبح حِيل

ما نذبح العجفا ســواتــك يــابـو دربـيل

الله وأكــبر كــثِر الـحــمــد والـتــهـلـيل

المدح يزهى للملوك أهل حطَ وشيل

أخــوان نــورة جـــعـل يفداهم البخيل

ابشر بقطَاع الطــلايب وبالـــزَوالـــي*** ما دام لك صوت(ن) بحيح(ن) وحنحنه


الـــــــــــــــــــــــــــــــــــــرد

ترْ شيخ قوم(ن) راعيَ(ن) عندنا سيان

وان كان ما تعرف ترى كل خابي بان

من عقبها نشوف وضعك وحالك شان

ذا زرعكم جاله ضمير(ن) وصيرمان

هون ترى مــاهــي خــصــومه وليزمان

راع الجمل يانٍ (ن) ومن جا بعون يان

هذي فــعـايلكم سِوا الــكــفــو مـــنــثــنـا

ايلا عــرفـــت الــمــزح مــنا وجِــدَنــا

ما عـــاد تــعــرف ويش رُبعك ورُبعنا

ذا شرعنا ثابت في حرب (ن) وسلمنا

مانتب على قدِي وانا ذا قوي الحيل

وديارنا ما هيب تشبه بلاد اربــيـل

البارحه ليلاً سرى اليوم منته ليل

ما حنب قطَاع الطرق نهب والتنشيل

من دون بيشة نحتمي الطارف ونخيل

بغداد محكوم(ن) عليها الى الزَوالي***من يوم ذا صدام عِلِق بحنحنه

[خلف بن صهبان]

البدع

يا صاحب العله نداويك يا الوجعان
لو انها مستعصيه فاطلب الشفيان
ولا ارتجي منَه ولا شكر(ن) وعرفان
تبقى لوجه الله واعلم بها المرضان
احسبك مثل الشاعر الشيخ ابو سلطان
شاعر علم له فالمحافل شبا وسنان
تاطى على القيفان وتعسف القيفان
امدح رجال الطيب ويزين مدحنا
يستاهله من كان قوله مثمنا
اقولها من راح شام وتيمنا
اعرف مواطي قادمي يا قبيلنا
سلمك مثل سلم العرب يا مدندنا
والضيف له قدره ويحشم خطيرنا
وكفوفنا يا كبر مدة كفوفنا
يا بودلامه هذرتك ما لها تحليل
سوى ان عقلك غاب يا الساقم العليل
تحتاج للتهذيب تحتاج للتعقيل
حتى جمال البدو فيها جمل وجميل
الصاحب الي صوبنا يجهل المنوالي
يحمل حنوطه فوق منكبه واكفنه

الرد

عان الرِدى منسوج يا كل ناسج عان
ان كنت بارض السهل والا في الشفيان
والكذب مهما شبَ مهما تسعر فان
صاحبه ما يرضى بفعله وانا ما ارضان
تقصر حباله لو تسلطن بها سلطان
ما انصت لزيد ولا لزايد ولا سنان
حتى يثمن كل كلمة مع القيفان
الزرع يثمر والثمر لاصمد حنا
يعجبك كان ارباع ولا مثمنا
وانا قصدت اهل الشكاله تيمَنا
وآزيدك من المعرفه من قبيلنا
شعر الحماسه ظل زيره مدندنا
ما اقول انا عراب وانا خطير انا
لكن اكفَ اهل الردى من كفوفنا
لا تحط ما حِرَم على نفسك بتحليل
ان كان جا جوك نسايم لها عليل
والثلب لامنهاج ما نعدم التعقيل
لو سكته فيها مخاطر ومنهج ميل
انا على الشعار في كل علم(ن) والي
يالله تزيل الغدر والزور واكفنه

[حسن بن عبدالله]

شكراً للأخوان الكرام
ضيفنا الشاعر ناصر الشهراني وشاعرنا خلف بن صهبان
بيض الله وجيهكم وجمل الله حالكم على هذه المحاوره
استمتعنا جميعا بهذه المحاوره الرائعه طيلة الفتره السابقه
ونكتفي بهذا القدر
مع امل اللقاء بكم في محاوره قادمه