قصيده اعجبتني

[صقرشمران]

هاذي قصيده أعجبتنــي .....


حبيت اني أنقلـــــهـــــااا لــكـــم .....







والله لكتب لك بيوت الشعر من دم الفواد
*** واجعل نقطها من دموع العين فوق حروفها

هذا دليل الصدق في حبك وبرهان الوكاد
***رغم انعكاسات الحياة القاسيه وضروفها

هزيتني كما يهز النفط وضع الاقتصاد
*** بالدوله اللي مايعادل دخلها مصروفها

والفرق بافكار البشر يفوق كل الاعتقاد
*** بس الكلافه ماتصيرالا على مكلوفها

احدٍ يخطط للسياسه بالنضال وبالجهاد
*** واحدٍ يخطط بس كيف اتقابله ويشوفها

بالخير يادنيا السعاده شي قل وشي زاد
*** وانا بعيني شايفٍ بقعا تهز اكتوفها

نفخت جمر النار ابيها تشتعل وامست رماد
*** وصكيت بيبان البنايه والبلا في جوفها

من كثر ماشفت العباد اللي يعبدون العباد
*** اصرف نضر عيني وجنبها تقل مااشوفها

مات الطبيب وضاع طبه والمرض هيمن وساد
*** وانا اتمسكن في رجاها وارتعش من خوفها

وان كان راس المال ولا واصبح المربح نفاد
*** ماتنفع اليمنى مع اليسرى بخبط اكفوفها

اعمر مدينة ربما واروي رواية شهر زاد
*** ومن الشقا حتى عيوني صرت اكذب شوفها

بالليل نزرع زرعنا والصبح ياطاه الحصاد
*** واللي نبي منها تلقينا بياض اخفوفها

ماباقي(ن) غير الحضوض اتباع في سوق المزاد
*** عند الرجال اللي تزكي كذبها بحلوفها

ياما تلحفنا السما وفراشنا شوك العراد
*** ومن المعزه ماطلبنا الناس من معروفها

وتراي من غيرك سوات العين من غير السواد
*** واليا فقدتك مثل يوم العين تفقد شوفها

في داخلي كنك وزير الداخليه فالبلاد
*** لبى العيون اللي تهددنا بحد اسيوفها




وسلامتكـمـ ...


لكـــم ودي ..




منـــــــقــــــــوووووووولـــــــــه

[بن حمدان]

الأخ صقر شمران اشكرك على هذا النقل الجميل لهذه القصيده التي كل بيت بها اجمل من الأخر انها قصيده بالفعل

جميله للغايه وهذا يدل على ذوقك الراقي فشكرا لك مرة اخرى


من كثر ما أشوف العباد اللي يعبدون العباد

اصرف نظر عيني واجنبها تقل ما أشوفها


بيت قمه للأمانه من قصيده قمه تحياتي

[بوعبدالعزيز]

ذق رفيع وقصيده جميله
مشكور على النقل

[نيشان]

اشكرك على ذوقك

قصيده جميله

[صقرشمران]

الأخ صقر شمران اشكرك على هذا النقل الجميل لهذه القصيده التي كل بيت بها اجمل من الأخر انها قصيده بالفعل

جميله للغايه وهذا يدل على ذوقك الراقي فشكرا لك مرة اخرى


من كثر ما أشوف العباد اللي يعبدون العباد

اصرف نظر عيني واجنبها تقل ما أشوفها


بيت قمه للأمانه من قصيده قمه تحياتي

الاخ ابن حمدان شرفني مرورك الكريم على موضوعي وهذه شهاده منك افتخربها واعلقها وسام ومشكور وماقصرت

[صقرشمران]

ابو عبدالعزيز والاخ نيشان مروركم شرفني ومشكورين على مروركم الكريم