المساعد الشخصي الرقمي

مشاهدة النسخة كاملة : سلام يا شمران


ابو معاذ الغضنفر الأكلبي
11-26-2007, 09:48 PM
سلام يا شمران من رأس رجال=يعرف حقوق الطيبين ويجي بها
نقولها وكم واحد(ن) قبلنا قال=شمران عز وحظ من يعتزي بها
أهل الكرم والجود وكبار الافعال=صعب(ن) على الشعار تعداد طيبها
جبال ياشمران في قمة جبال=الا نجوم في السما تعتلي بها
كل أبلج(ن)منكم على الطايلة طال=والطايلة ما كل واحد يصيبها
وصميدع(ن) (دعوة) على كل عيّال=يخشى منه نمر القبايل وذيبها
بيوتكم للجار والضيف مدهال=كل الكرم فيها ومنها وقريبها
جيراننا شمران ذربين الافعال=هل فزعة(ن)يوم اللقا يندري بها
يوم القبايل كانت حروب واهوال=قليبنا تشرب ونشرب قليبها
وكم واحد(ن) منّا وله عندكم خال=وانتم قبيلتكم تشرف نسيبها
وأنا من أكلب، وأكلب زحول وثقال=أجدادنا زحول(ن) وحن نقتدي بها
حنا بني تغلب على روس الامثال=هل قالة كليب التي نعتزي بها
أول عيال تحط للخيل خيّال=وشبانها تمشي على درب شيبها
مجد(ن) قديم ومجد حاضر ولازال=المجد في مستقبله من نصيبها
حنا لنا بين السماكين منزال=ودعوة بني خثعم ترانا نجيبها
وحنا هل الوديان والغرس والمال=يوم كانت الغرثان يسمع نحيبها
وحنا هل البل لاتقولون ما قال=بالخيل نحميها ونشرب حليبها
وحنا سوالفنا لها ذوق وجلال=من قال منّا كلمته يعتني بها
هل أرحبوا لاشافوا الضيف في الجال=حفاوة(ن)بالضيف منا حضي بها
ولنا معاميل وفناجيل ودلال=ولاباحت الدلة دفقنا سريبها
قد قالها القناص شاعر وهيال=له كلمة في الكيف ياطيب طيبها
يمنى عدو أكلب كذا تعود شمال=أكلب هل الردات يتعب طليبها
واليوم كل(ن) في ذرا طيب الفال=ابن الامام اللي علومه حكي بها
من الكويت أعمل لها هجنه اعمال=تسمع مع جرد البلاقع خبيبها
ومدت له الجزيرة يمينها ونال=حبيبة فرحت بمقدم حبيبها
وتوحدت في ظل عدله ولا زال=العدل فيها والملك يرتقي بها
هذا هو الواقع وهذا هو الحال=والله يكفينا الليالي وغيبها

طيوف
11-26-2007, 10:03 PM
يعطيك الف عافية

بن حمدان
11-26-2007, 10:33 PM
الأخ ابو معاذ الغضنفر الأكلبي الله يحييك تحية المطر

بين الرجال اللي ترحب بضيفها وانت لست ضيف

انت صاحب محل اكرر تحياتي لك

((وانا من اكلب واكلب زحول وثقال

واجدادنا زحول (ن) وحن نقتديبها))

كفو انت وربعك

علي بن محمد
11-26-2007, 11:09 PM
ياهلا وغلا فيك

ومرحبا مليوون بين اخوانك وانت صاحب محل


احترامي للجميعـ

ابونايف الشمراني
11-26-2007, 11:15 PM
الاخ الكريم ابومعاذ الغضنفر الاكلبي

هلا وغلا اخ عزيز ومن قبيلة عزيزه علينا لها كل الاحترام والتقدير
ولك انت اخي الكريم على حظورك بيننا ثق بأنك بين اخوان لك في منتدى قبيلة شمران
يحبون من يحبهم ويقدرون من يقدرهم ونيابه عن الجميع ارحب بك في منتدانا واشكرك على
ماذكرته في قصيدتك من مدح في قبيلة شمران وقبيلتك اكلب تستاهلون الطيب

مره اخرى ارحب بك اجمل ترحيب
اتمنى ان تسعد معنا في هذا المنتدى فنحن سعداء بوجودك

تقبل تحيات اخوك: ابونايف الشمراني

ضيف الله العامري
11-26-2007, 11:50 PM
مرحبا مليون يابو معاذ الله يحييك واسمحلي بالهبيتين ولو انها لاتصل الى مستوى قصيدتك ولكنها كانت على عجل حيث لايسعفني الوقت في التكميل



يامرحبا واقولها دون الابطال
شمران ربعي كل واحد دريبها
افعالهم تحكيبها اجيال وجيال
نارا على الحراب يكثر لهيبها
وكلب جبالا جالها طول وظلال
والناس بفعال اكلبي تلتغيبها
انا عن اكلب كم تنشدت واسال
قالولي اكلب قوم تمن غريبها
والضيف يلقاعندكم هيل وزلال
قبيلةً وا لمضتهد يلتجيبها
اقولها ونا من ازروب حلحال
العزوه اللي دمها يغتلي بها
لمعقدات الوقت لو طال حلال
لاكشرت اســـوودة الغاب نيبها
انتو وحنا ما ربا بيننا انذال
يشهدلنا فوق المنابرخطـيبها
شمران لاجارة ثقيلات الاحمال
شمران فزعه والعرب تنتخيبها

بن حمدان
11-27-2007, 01:34 AM
الأخ ضيف الله العامري بيض الله وجهك على هذه القصيده

الجميله وانت وفيت وكفيت عن

الجميع ويستاهل صبي

اكلب الطيب والتقدير

اكرر لك الشكر

اخوك بن حمدان

ابو معاذ الغضنفر الأكلبي
11-27-2007, 12:24 PM
أختي طيوف
أقدر مرورك

الأخ ابن حمدان
أنت شاعر ومبدع وشكرا على الحفاوة والاطراء

الأخ/رحال الجنوب
أبيض وجهيارجل ومشكور

أبو نايف الشمراني
عزيز وغالي وأنا سعيد بتواجدي في منتداكم ياشمران وردت الفعل على حذف مواضيعي من قبل بعض الاخوان لن تؤثر أبدا على حبي وتقديري لشمران القبيلة فأنا من ناس يعزونكم وأكيد انكم تعزونهم
شعورك يا بو نايف نحوي ونحو قبيلتي أسعدني وهذا يدل على سعة افقك

الأخ/ضيف الله العامري
كفو يازرب حلحال
قصيدة جميلة ولا استغربها من شاعر مثلك
وافي أنت وربعك شمران وثنائك على أكلب محل تقديري

BO BO
11-27-2007, 03:39 PM
((وانا من اكلب واكلب زحول وثقال

واجدادنا زحول (ن) وحن نقتديبها))




كفو انت وربعك.....

والله ونعمممممم مليوووووووووووووووووووووووووووون في أكلب

صـوت شمران
11-27-2007, 07:51 PM
صح لسانك اخوي وياهلا وغلا فيك وجمال الله حالك

وصح لسان الشاعر ضيف الله العامري على الرد

وتقبلوا فائق احترامي وتقديري

ابو معاذ الغضنفر الأكلبي
11-27-2007, 08:33 PM
بوبو
عايض بن شنيف

شكرا على المرور وجمل الله حالكم

حہہہسہہہہآيہہف!!
11-27-2007, 11:58 PM
http://www.al-wed.com/pic-vb/135.gif
http://www.al-wed.com/pic-vb/873.gif

الــــــــــــــف شكرا وتقدير لك يا اخي العزيز

ياهلا والله بأهلنا اكلب انستونا وشرفتونا

اشكرك على القصيده الاكثر من ررررررررررررررررائعه

http://mloookah.jeeran.com/3roos27.gif

بحرالعلوم
11-28-2007, 02:43 AM
مشكوووووووووووووووووووووووور يالغالي



شمراني يستاهلوووووووووووووون كل من يشيد بهم بين القبايل

النديم
11-28-2007, 02:46 AM
صح لسانك يابو معاذ

وصح لسان ضيف الله

عايض الشمراني
11-28-2007, 10:47 AM
صح لسانك يابو معاذ وجمل الله حالك ماعليكم زود

تقبل خالص الشكر والتقدير على هذه الرائعه

وتقبل تحياتي

بن طهيفان
11-28-2007, 12:16 PM
مرحب(ن) الف يابومعاذ بين اهلك واخوانك وابشر بلي يسرك ويرضيك والله لوانك عندي لحب راسك وخشمك لين ترضى واعتذر منك ومن كل اكلبي اذا حصل قصور مني او من اي شخص في منتدى شمران والف شكر على هذه القصيده الجزله من شاعر جزل اشتهرت قبيلة بفحول الشعراء كما اشكر الأخ الشاعر ضيف الله العامري ولايستغرب الطيب من صبيان العوامر.
مع تحياتي للجميع
بن طهيفان

ابو معاذ الغضنفر الأكلبي
11-28-2007, 01:26 PM
بنت شمران

أسعدني مرورك وعبارتك يابنت الكرام

بحر العلوم

تسلم يالغالي

النديم

لاهنت

عايض الشمراني

حياك عزيز ومن قبيلة عزيزة وان كان لي عليك عتب فهو عتب أخ على أخيه لا أكثر
وسؤالي لك ليه مافيه في المنتدى تنسيق للقصايد وألوان؟

ابن طهيفان

اعتذارك مقبول وصدري رحب والاختلاف في الراي لايفسد للود قضية

وانت حصان يعج وينثني

واللي ذكرته فيكم يا شمران في القصيدة قليل في حقكم

وعلى قولكم أنا بين أهل

سلطان آل وافي
11-28-2007, 02:54 PM
ونعم فيك وفي أكلب كلهم
تقبل تحياتي

ابو معاذ الغضنفر الأكلبي
11-28-2007, 10:08 PM
الشمراني 07

ماعليك زود أنت وربعك

غمرتوني بالحب

شكراً

ناظم الهمسات
11-29-2007, 01:46 AM
ابو معاذ الغضنفر الاكلبي
السلام عليكم ورحمة الله وبركاته
اهلا وسهلا بشاعرنا الفحل شاعر من شعراء قبيلة اكلب تلك القبيله التي تحتظن بين ثناياها فحول الشعراء وخير مثال على ذلك الشاعر سعد ابن جذلان الاكلبي الذي اجله واقدره على مايكتب من قصيد فلااخفيك ان لي مع ابناء قبيلة اكلب علاقات كثيره في محافظة بيشه ونجتمع دائما ونعتبر بعضنا كأسره واحده
وليس بمستغرب ان يكتب احد ابناء قبيلة اكلب في شمران ولايستغرب العكس
اخي العزيز قصيدتك اسمح لي ان اقلدها وسام التقدير والعرفان مني ومن زملائي اعضاء المنتدى لما لها من اثر في قلوبنا جميعا وما تحمله من ابداع ومعاني جميله
تقبل تحياتي وننتظر جميلك ايها الغضنفر
اخوك
ناظم الهمسات

ابو معاذ الغضنفر الأكلبي
11-29-2007, 10:56 AM
الأخ الكريم/ناظم الهمسات

وسام الشرف معرفتكم ومشاركتكم

ومشامج الطيب والتراقي في الطيب والأخوة بين أكلب وشمران والوقوف سوياً ليس بجديد بل كان عبر العصور

ونحن على خطى الأجداد

وثنائك على شعر وشعراء أكلب نعتز به والفحل سعد بن جدلان ليس شاعرنا وحدنا بل شاعرنا وشاعركم أولاَ ثم شاعر الخليج الأول كله كما لقب

و اختلاطك وعلاقتك باخوانك أكلب في بيشةلايستغرب نحن أهل كما سبق وان ذكر الاخوان وحلفاء وجيران وأنساب سابقاً ثم في ظل هذه الوحدة العظيمة المملكة العربية السعودية
ناظم الهمسات :ارجو أن تبلغ سلامي شاعر العرضة الكبير/ محمد بن ظافر الشمراني

كنت من أشد المعجبين بشعره وانا صغير وكان له في بيشة شعبية كبيرة
ويسجل له أنه أول من أدخل (الجناس) أو الشقر كما يسمى شعبيا في شعر العرضة ببيشة
قبله كان شعراء العرضة عندنا في بيشة لايلتزمون الا بالقافية أما الجناس فلا يلتزمون به الا أن يأتي صدفة مواتياَ

أعتز بوسام التقدير وشكرا

سيف شمران
11-29-2007, 03:39 PM
بيض الله وجهك ياأخي الكريم على هذه القصيده الرائعه

والله يحييك عداد ماخطت الاقلام وعداد مهاـــــــــــــــــــــــــــت الامطار

ونعم فيك انت واكلب اهل الكرم والجود واهل الشجاعه والابطال

ابو معاذ الغضنفر الأكلبي
11-30-2007, 01:36 AM
سيف شمران

تبقا يا مرحب

ولا عليكم زود ياشمران

والقصيدة أقل الواجب اللي نقدمه لكم

احمد عذقان
11-30-2007, 02:09 AM
كفو انت وربعك.....

ابو معاذ الغضنفر الأكلبي
12-02-2007, 12:59 AM
الاخوان في ادارة منتدى شمران المحترمين

اعتقد ان كنت غير واهم انه فيه عضو أو عضوبن أو أكثر ردوا على قصيدتي ورددت علبهم

وتفاجأت بحذف هذي الردود من الصفحة الثالثة

والسؤال لو تكرمتوا ماهو السبب؟؟

واعتقد ان اسم أحد الاعضاء ابن حوفان

وانا رددت عليه تبادل ثناء ومحبة فقط

علي بن محمد
12-02-2007, 01:29 AM
اخي الكريم ابو معاذ

السلام عليكم ورحمه الله وبركاته


بإمكانك زياره الرابط التالي لمعرفه السبب

http://shmran.net/vb/showthread.php?p=34879#post34879

اعتذر عن ما حدث نيابة عن الإدارة

لك مني صادق الاحترام والتقدير

ابو معاذ الغضنفر الأكلبي
12-02-2007, 09:15 AM
شكرا يارحال بيض الله وحهك على التوضيح

سلطان القلوب
12-02-2007, 11:14 AM
http://www.do7a.com/up/get-12-2007-do7a_com_2kjcuzla.gif

ابو معاذ الغضنفر الأكلبي
12-03-2007, 01:13 AM
الأخ /احمد عذقان

الاخ/ سلطان القلوب شرفتوني بالمرور

لاهنتوا

ابو معاذ الغضنفر الأكلبي
12-17-2007, 03:02 PM
أعزك لانك اول حبيبه=اشوفها في منتدى شمران

ابوحيدر
12-19-2007, 05:06 PM
يعطيك العافيه يابو معاذ قصيده رائعه من مبدع وقبيلة اكلب قبيله عريقه وغاليه على قلوبنا وانت كفو ومن رجال

كفو وهذا ماهو غريب عليك تقبل تحياتي ومروري وكل عاو وانتم بخير وعيدكم مبارك

ابوحيدر

ابو معاذ الغضنفر الأكلبي
12-26-2007, 08:36 PM
ابو حيدر

ارحب يشاعر تراحيب المطر

شرفني مرورك
واسف على الرد المتاخر

ابن شبيلي الساهري
01-08-2008, 12:18 PM
كف ياوجه امحلف
وماعليك زود انت وقبايلك وكل القبايل

ابو خالد
01-28-2008, 03:33 PM
الاخ الاكلبي مرحبااااااااااااااااااااااااااااااااااااااااااااا مليون انت بين ربعك وناسك ومنت بغريب البيت بيتك

والاخ العامري مطلق كفيت ووفيت والطارف منا يسد في اللوازم وانت تسد في اكبر من هذا

بلقاسم الشمراني
01-28-2008, 04:29 PM
http://www.do7a.com/up/get-1-2008-do7a_com_q16ffnr1.jpg (http://www.do7a.com/up)


صح لسانك وياهلا وغلا فيك

وصح لسان الشاعر ضيف الله العامري على الرد

لكم فائق احترامي وتقديري