السلام عليكم ورحمة الله وبركاته

[محمدعدلان الخثعمي]

الــبـــدع

ياسـلام الله على من لهـم فـي القلب كـون
كـون غالي مـن غلى ماحصل منه الغبون
وانـا جـار وعـانـيـه وابـن عـم وصـاحبي
ومـنـصـبـك ياجـار انا آعـدّ شـانه منصبي
واحمد الله ربع واخوان وانساب وعواني
حــالـنــا واحــد بـخـســران والاّ فــايـــده

[سعد عبدالرحمن]

أرحب يابن عدلان

مرحبا ألف

[سعد عبدالرحمن]

مرحبا ترحيب صفطان والمعنى يكون
وألغ برلين النوازي بسرعه وألغ بون
أنت جار وجاري أرضيه يومه صاح بي
منكم اللي شايب ٍ نحترمه ومن صبي
والذي يحتاج منكم نعينه له عواني
والغشيم أن مدّ كفّه نقل تنفا يده

[محمد مزهر]

ارحب وحياك ربي يابن عدلان
وصح لسانك ولسان لاخ سعد

[حسن بن عبدالله]

محمد الخثعمي هلا وغلا ومرحب فيك
وصح لسانك

سعد عبد الرحمن شكرا لك على الرد وصح لسانك

[فيصل الساهري]

اهلا ومرحبا بالشاعر بن عدلان بين اهله واخوانه
وسعد مايقصر وسديد

تمو الله يقويكم
محاوره رائعه وجميله من بدايتها
نتمنى ان يستمر الابداع

[(بن هزاع)]

صح لسانك يا محمد عدلان عالبدع الله يعطيك العافية

ولاهنت يا سعد عالرد

[خلف بن صهبان]

صحت السن الشعار والله يعطيهم العافية ،

واصلوا ونحن متابعين بشغف واعجاب ،

اطربونا بالشقر والمعنى وطيبَ الكلام ،

عساكم عالقوة.

[عايض حامد الشمراني]

وعليكم السلام ورحمة الله

الله يحييك يابن عدلان .. ولايهون ابوعبدالرحمن على الرد

[محمدعدلان الخثعمي]

الله يبقيكم جميع واشكر كل من اكرمنا بكرم مروره في هذا المتصفح واشكر الشاعر سعد على الرد
واعذروني على التأخير ,,


الــبـــــدع

الـبقـا بـك يـاسـعـد عــدّ هـلاّل الـمـزون
والخـوارج رخص عمـلاتها لو ينقـدون
وانـا كـفـي نجـدتـه معـصمـه والمنكـبي
والـلـّغـم قـد ثار في من وطى بالمحنبي
والسفن في بحر الاهوال ماتلقى مواني
عـلـّـم الـربــان لا يـنـخـدع بـرصـايـــده

[سعد عبدالرحمن]

يا محمد نقونا ما بهم من يلمزون
والخوارج رأسهم ماأعتلى لو ينق دون
أبتدى من عهد ابوبكر طاح المنكبي
يوم قال الشر ماعاد أبد بلمح نبي
وأنت يوم تمون فالملتقا تلقى مواني
علم راسي صيد حاضر وفالبر صايده

[(بن هزاع)]

صح لسانك

[محمدعدلان الخثعمي]

الـــبــــدع

وسّــم الـرّاعي الـرّعـيه وهـم يتلافـتون
ويـن منـدوب الـرّعـيـه يـدلّ التـايـهـون
بعـد بـكره نـشـر الاعـلام يلقـى مطـلبـي
والعـتـب والـلّـوم يلحـق مـدير المكـتبـي
ما خبرنا العسكري يا معسكر فيك واني
والمجنّـد عـسكـري والجـزاء من قايـده

[سعد عبدالرحمن]

راعي البندق عليه القنص يتلا فتون
والذي هانت عليه الألف والتا يهون
ضحكته تحلى وهوا تاه في المشمط لبي
والنوايا قايمه وأنت من علمك تبي
والصويب يصيح ويقول جرحي والكواني
والله يستر لا تطول أزمته ونقايده

[محمـد ع الرشيـدي]

محاورة رائعة بارك الله فيكم..
وأبدعت يابوعبدالرحمن..

[محمدعدلان الخثعمي]

تنويه/ أخي الشاعر سعد الله يمسيك بالخير واود ان الفت انتباهك لبيت زليته في القصيده الفايته فربما صقط منك سهواً ولك مني الاحترام ,,,


الـــبـــدع


وشوش الارسال والشك فيد المنشبـون
والهـلالـي يـابـن غـانـم يـرد الـلاّيـمـون
والمعـانـي يـاسعـد بحـر ويـن الشاربـي
فانت شاعر قوم واسنان سيف امجربي
النخيـل اطـلع وطـلعه بعـد مـابه لوانـي
يـامـتـى نحضى بجـنيـه وطيب انضايـده

[سعد عبدالرحمن]

ضيفنا ونقدّرك مالنا فالمن شبون
والهلالي قبله أهل أبرهه يتلايمون
والله أني عاقل البيت وأفتل شاربي
الغنايم ن طيب ماهي بمغنم جربي
لاتخفً اللحن ويصير لحنك بهلواني
ضدّ ولاّ ندّ ولاّ جبال ن ضايده

[محمدعدلان الخثعمي]

الــبـــدع

قدركـم في القلب ماهو قصيد القاصدون
واعـلم ان المنّ ماهو لدى الونعم زبـون
والعـقـول اصحابهـا دون قوت ومشربي
والغـنـايـم لـو بـتـغـنـي نهـبها المنهـبـي
الديـار الـلـي طغـى جـيـرها بالمـاروانـي
لاتـضـنْ فـرسـانهـا فـي المواقـف بـايـده

[سعد عبدالرحمن]

شيمة المطلق على الكاش عكس القاصدون
جمل الله حال من تمّ في كاشه زبون
والدقون اللي تقيصر يجيها مشربي
طاعة الله كسب والشر دوم لمن هبي
وأنت كفو أن شفتك آقول كنّ الما رواني
وأهل بيده ما يقولون حنّا بايده

[حنايا الروح..]

هلا وغلا والله

صح لسانك ياولد عدلان انت والاخ سعد

[قلب الأسد]

بدأ الموتر يعتدل ويلزم المسار الصحيح....
تقبلوا مروري ولا تشطبون تعليقي ترا كلها قصايد × سوالف × كلااااام

[عايض حامد الشمراني]

لاهنتوا وصح الله ألسنتكم على هذا البدع والرد

تقبلوا مروري

[ابونايف الشمراني]

بسم الله الرحمن الرحيم
في البدايه اود ان اعتذر للشاعر محمد بن عدلان الخثعمي
عن تاخيرنا في المتابعه لانشغالنا كما يسرني ان ارحب به اجمل ترحيب في منتديات قبائل شمران
بين اخوانه (فهو جار و اخ و نسيب) نكن له كل تقدير و احترام
و نحن سعداء بتواجده بيننا كشاعر (الشعر رساله يحمل معاني ساميه)
طموحاتنا دائماً في منتديات قبائل شمران بان تكون المشاركات تحمل عنوان الاخوه و الاحترام
بعيداً عن اي مزايدات (نريد الاستمتاع بالشعر)
و ان شاء الله ان الشاعر بن عدلان اهل لذلك
كما يسرني ان ارحب بشاعرنا الكبير القدير / سعد بن مجبر و اشكره على مبادرته وليست بغريبه على ابو عبدالرحمن فهو كفو لذلك
اكرر شكري و تقديري لكلا الشاعرين

تنويه :
ارجوا من الاخوان و خصوصاً الاخ (قلب الاسد) ان يكون التعليق في حدود ما يتظمنه الشعر

شكراً للجميع و الله يوفقكم

[محمدعدلان الخثعمي]

معذور يابو نايف ولا ابطئ من حضر والله يبقيك وعلى راسي ولا عدمناك فنحن مكملين لبعض والناموس واحد

الـــبـــــدع

آخـر الاعـلام خـيـر ورضـا يـامسـلـمـون
والله يكفـيـنـا ويـكـفـيكم الشّــرْ والمحـون
واكـثـر الله خـيـركـم يـاعــزاز المـذهـبـي
وانت وافـي ياسعـد من قـبـيـلـه واعربـي
غـالـي وقـدرك مثمّن واعـدّك من خواني
تـرفـع الـرّايـه وشـيـف الـلّـقـا مـن رايـده

[(بن هزاع)]

صح لسانك

[سعد عبدالرحمن]

آخر الأعلام ودّ .. ونقا يا مسلمون
والعيون تشوف خير المثال ويلمحون
ما يصل حدّ العتب للخنا والمذهبي
وأنت تجمل يا محمد وللنابع ربي
والله يكفينا في أهل المشاكل والخواني
من بريده جا التعاون ومنهم رايده

[محمدعدلان الخثعمي]

اشكرك جزيل الشكر ياسعد على هذه المحاوره الممتعه واشكر كل من شرفنا في هذا المتصفح واسعدنا بمروره وعلى الود نلتقي
((( والله واكبر لا اله الا الله )))

[سعد عبدالرحمن]

الشكر لك يا محمد بن عدلان والتراحيب منا تستمر بتواجدك
ولا أنسى أن أشكر أدارة الموقع
وعلى رأسهم أبوعبدالله
وأشكر كل من حضر لهذه المحاورة
أيضا الشكر يتواصل
لأخونا الكبير أبو نايف
الذي يعتبر تواجده معنا أضافة كبيرة لنا
تقديري للجميع

[سعيد بن منجية]

حياك الله يابن عدلان وصح لسانك

وصح لسان شاعرنا القدير ابو مجبر كفى ووفا ومحاورة من الشاعرين ولا اروع

اسعدتمونا بعد طول غياب فالله لا يهينكم

ودمتم سالمين

[ابونايف الشمراني]

جمل الله حالكم وبيض الله وجيهكم

الشاعر محمد بن عدلان والشاعر سعد بن مجبر

كانت محاوره جميله وانتم شعراء مبدعين لكم كل الود والاحترام

شكراً لادارة منتديات قبائل شمران والقائمين عليها

[عبدالله بن مجبر]

امتعتونا بيض الله وجوهكم

[الرآآآقي]

لله دركم من ابداع
وفقكم الله ولاتحرمونا هالحضور المشرف