يافهد ياعزوتي باوصيك من علم وتجارب

[ابن شليه]

الوصية



يافهد يا عزوتـي باوصيـك مـن علـم وتجـارب



والحـذر يابـوك طـول الدهـر ينسـيـك الوصـيـة



احفظ الله يحفظك واصبر على الطاعة وحارب



يعصمك ربي من اهل الشـر واصحـاب الرديـة



والحذر تمشي مع الي عن دروب الخير هارب



لا صـــلاة ولا صـيــام ولا يـعــرف الـمـقـدريـة



واعرف ان الكبر ينه الرجل مثل النجم غـارب



بالتـواضـع تـرضـي الرحـمـن وتـسـود البـريـة



واجعـل السانـك لذكـر الله وقــول الـحـق دارب



واحكـم ابعقـلـك وخــل العاطـفـة لاهــل الدنـيـة



لاتـلـيـن ولاتـشــد وســــدد الـرمـيــة وقــــارب



واحسـن النيـة مــع العـالـم تــرا النـيـة مطـيـة



وان شكالك واحد ٍ دعـواه مـن قاصـي وقـارب



لاتعـجـل وانتـظـر حـتـى تبـيـن الـــك القـضـيـة



والنصائـح بعضهـا ماهـي بلعـيـون وشــوارب



ميـز اهـداف النصائـح قبـل مـا تصبـح ضحيـة



والحيـاة الـي يجـي مـن دونهـا تنـزيـل غــارب



يـكـرم الـرجـال نفـسـه لــو عـلـى ورد المـنـيـة


ابن شليه

[الساهري 1]

اسمعوا نصايح اللي عل من كل المشارب

شاعر ماحط من ذكــر اسمه الا بن شليه

بيض الله وجهك على هذه النصائح القيمه

[فـزع المصعبي]

بيض الله وجهك على هذه النصائح القيمه

[ابن شليه]

اسمعوا نصايح اللي عل من كل المشارب

شاعر ماحط من ذكــر اسمه الا بن شليه

بيض الله وجهك على هذه النصائح القيمه


شقتني يالساهري والقلب لشجعان طارب
مثل كيف البدو لاقدم في دلة شاذلية

لاهنت يالذيب الله يسعدك

[ابن شليه]

بيض الله وجهك على هذه النصائح القيمه
ووجهك أبيض يالمصعبي
معجبني بقوة على شأن ما أنتحر
هههههههههههههههههه
أمزح