المساعد الشخصي الرقمي

مشاهدة النسخة كاملة : داي وعلاجي


عبدالله ابوراكان
09-17-2011, 11:30 PM
يابدر خمسة عشر يانور وهــــــاجي

ياعود موز تمايل في بساتينه

في عتمة الليل لي مضواح وسراجي

واسري الغداري على نور من اجبينه

يابو عيون هواها داي وعـــــلاجي

يرمي سهوم المنايا من طرف عينه

ماحط في وجنته حمره ومـكيــاجي

طبيعته تسحر العشاق من زينه

نهبت قلبي وصاليته على الصاجي

وقلب تولع بمثلك يالله اتعينه

وخليتني في الفلا هايم ودواجــي

ومريت رجم الغلا واشتقت لسنينه

وقفت حوله امثيل الميس الراجي

ارجو من الله يجمع بيني وبينه

أسعد بشوفه وقربه فلة احجاجي

ومن اجله الساق ماتشكي عناوينه

وفرقاه في ناظري ظلمات وعجاجي

رمل ذرته السوافي لا تذرينه

ارجوك ياشوق لاتتعمد إحراجي

أرض غزاها الوحل لاتزيدها طينه
وسلامة الجميع

سعيد بن منجية
09-18-2011, 10:46 AM
صح لسانك يابو راكنا

وصراحه بوجودك بينا اكتمل العقد المنظوم

ووجودك كنز واثراء للمنتدى

فلا فض فوك

ودمت سالما

محمدابوعبدالله
09-18-2011, 04:40 PM
صحت لسانك أبوراكان

أأبوفيصل
09-18-2011, 06:17 PM
يابو عيون هواها داي وعـــــلاجي

يرمي سهوم المنايا من طرف عينه

الشاعر أبو راكان صح لسانك على هذة القصيدة الرائعه

والجميله بحق .... تقبل تحياتي ولا تحرمنا من ابداعك

عبدالله ابوراكان
09-19-2011, 09:11 PM
الأخوان (الشاعر المبدع أبوهديل (دماوي حيل) ــ أأبوفيصل ـ محمد أبوعبدالله )أشكر مروركم وحسن الإطراء وشرفتوا صفحتنا

صالح عبدالله بوغريب
03-19-2013, 02:07 PM
صح لسانك يابو راكان...ابدعت