مطلوب شاعر للمحاورة هيا بنا

[سعيد بن منجية]

السلام عليكم ورحمة الله وبركاتة

حقيقة ودنا نجدد منبر الشعر والمحاورات

ثنائية او ربعاية حسب تلايم الربع

البدع

جابني هاجسي ذالوقت يومي سعيد
ماهوب إنِّي خذيت إفلوس والاَّ قروش
ولاهوب إنِّي حصلْت إعْلى علاوة سنه
السعادة تجي خمَّات واكثر تغيب
فقلت يلزم علي أنقاد خلف المشاعر
كانها خير والا شر من خلفها
الرد

لا لقيت الجمل باعقلْه وانا سعيد
اعقل العيس وإمَّا البحْر لاهل القروش
ما عليَّه خلاف وما علاوه سِنه
نيب الاملح لو إيعَضّ السواعد تغيب
مابياتي ورى عشره وخلف المشاعر
البلا من فحَايلها على خلْفها

[شيهان شمران]

ما قصرت


الشيهااااان

[محمـد ع الرشيـدي]

صحت ألسنتكم وقواكم الله
مبدع ياشيهان واتمنى تواصل

[محمد آل حزمي]

إذا فضي وروق أبو هديــل جآك ونزل موضوع
من يحــآورني .. !!




شدوآ حيــلكم
ووآصلوا هذا الإبدآع ..





تبريـــــ د

[حوفان بن عبدالله]

صح لسانك.
أبوهديل
واصل ونحن متابعين
وننتظر الشاعر الآخر
حفظك الله ورعاك

[رافع الهامة]

جيتك يادماوي عندنا اليوم عيد

ونتظر الشاعر اللي بجاريك تسلم

بدع رائع ورد أحلى لاهنت يالغالي..

[حسن بن عبدالله]

ابو هديل سعدنا بهذا الحضور
اسعدك الله وصح لسانك بدع مميز
وننتظر الشاعر المقابل

[abo assaf]

صح لسانك يا ابو هديل

وفي انتظر الشاعر القادم

[يوسف الشمراني]

السلام عليكم ورحمة والله وبركاته
البدع:

مرحبا والنخل ثابت ومال الجريد
والعظم بين ناب الذيب يلقى العروش
وبيرق النصر بالميدان ابغى اضمنه
جات بالسيف ولا شور راسن صليب
واسمع العيس من وقت العشيه تهادر
ويل من صارت دروبه تحت خفها

الرد:

علم ياصل هل التلفاز واهل الجريد
الملوك الظليمه سلمت بالعروش
ومات صدام وجانا مجرم ابغض منه
يوم بشار حالف عابدين الصليب
ومن فعوله دمي المسلمين اتهادر
والعرب ثقلها عود كما خفها

[سعيد بن منجية]

مرحبا هيل بالجميع

والله لا يهينكم واشكركم على حضوركم المطلوب والمشرف

ومرحبا الف بإبن العم يوسف وكفو

البدع

ياللي جا من ولاية شيخنا بن جريد
جيّتك تطرب الهاجوس وإلها يشوش
كيف وانته من الّي بوي واهلك منه
عصبتي وعصبتك شمران سقم الحريب
يوم قطع الطريق ويوم لكد الضماير
تعجب الناس لا سمْعو بميقافها

الرد

الله ماكثر من اولاد الهمج والجريد
وما يجي منه كود الدبي والاَّ الوشوش
والنوادر طيور الكون تهلك منه
بالمخالب تقول إنْها سيوف وحريب
يابن عمّي به إعلومٍ بوسط الضماير
تقعر الّي يزوم الخشم ميقافها

[يوسف الشمراني]

البدع
البقى واانت منا ما انت قيفن حديد
فعلكم مثل قصرن زاهيته النقوش
غن قافي وقافك واتبع الهيجنه
وكان تخفى المعاني قلت انت اللبيب
باكي العين حار وضاحك السن حاير
كانه الروس طاحت هلكت اطرافها
الرد
مايحل الحديد الا صليب الحديد
وساق يبلاه شوك اليوم جته النقوش
واركب الخيل واركب ضامر الهيجنه
وارفع الصوت زلزل من سكن تل ابيب
وسل سيفك وخل الكفر ذبح ونحاير
هبية القوم تبقى في حمى اطرافها

[abo assaf]

واصلو بارك الله فيكم

[سعيد بن منجية]

الله الله

البدع

يابن الاجواد ما يخفى علاك الجديد
كانت الناس باسمانا تعبِّي الكروش
وتإمن إعوالها وطبوعها المسكنه
وكان تِحْكَم بحاكمنا بغصبٍ وطيب
إبن ساهر يوم إن الحكم له والعذاير
ما تمرّ الجمال الاَّ خذا نصفها

الرد

الشبا فاللزوم إيجمّل وينجد ايد
فوق مهرٍ حميداني ومهرٍ كروش
يكسر القوم ما يرجع على مسكنه
طيب من علمٍ إينومس عربنا واطيب
الكفو لاعتذر عن شي يعطا العذاير
والعرب لو بتنصف يبشر إبنصفها

[الساهري 1]

الله يعطيكم العافيه
عليكم الشعر وعلينا الاستمتاع والمتابعه

[محمـد ع الرشيـدي]

صحت السنتكم وبيض الله وجيهكم
متابعين

[يوسف الشمراني]

البدع
العرب يالدماوي بين حل وشديد
وكان حشت المدايح سرت جنبك واحوش
مجدنا مثل نهرن ينبع المي منه
مالحق حاضري شكه ولا الماض ريب
والمبشر في وجهه قد عرفنا البشاير
قوم بالخير تحلف صدق احلافها
الرد
ماتشال الحمول الا بحيل الشديد
وانت ياوحش ف الاضلاع جتك الوحوش
من عداها يسار ودربها الميمنه
للكفو عونها وانا جار سيفن ضريب
ربعنا من تهامه لين ضلع البشاير
العناصي على المقياف واحلافها

[عبدالله علي بركي]

انتما رايئعين بما تعني الكلمه000
متابعين بكل اعجاب0

[مبارك عثمان ثواب]

صحت ألسنكم وواصلوا وحنا مستمتعين
ولاكن يايوسف ليش قصرتها على تهامه والبشائر

[abo assaf]

عاش أبو هديل و أبومحمد

متابعين واصلو

[يوسف الشمراني]

حياك يا الشاعر مبارك وشمران من بيشه لين ساحل البحر كفو ولابتي واعتز فيهم والمعذره على القصور

[عايض الشمراني]

الله يعطيكم العافيه
متابعين

[حسن بن عبدالله]

صحت السنتكم وبيض الله وجيهكم
واصلوا فقد سعدنا بهذه المحاوره

[سعد عبدالرحمن]

صحت ألسنتكم وبيض الله وجيهكم

[مبارك عثمان ثواب]

ابقاك الله ياشعرنا يوسف واشدعوى القصور مايجي من شرواك واعرف ان السبب من القافيه

من ناحية ثانيه بدون مجامله اجد في هذه المحاوره ابداع رائع جدآ من ابو هديل ومنك والحقيقه انا سعيد بانه يوجد بيننا من يجيد هذا التوليف وترابط المعني الذي من خلالها يستمتع الجمهور

[سعيد بن منجية]

الله الله

الله لايهينكم جميع واشكر كل من شرفنا بالحضور وشارك

والله لايهينك يابن ثواب على اطلالتك المتكرره ولاهنت

البدع

ودّي اخذ معك درجه واسيّد واسيد
في خطوط المدن والاّ خبوت الطروش
ولا تخلوا ترا به حنشل وقرصنه
خلّك إمْعي ولا عندك خلاف وقريب
رفقتي تمِّن الخايف ولا انته بقاصر
مير دون الضلايع ضلع في حرفها

الرد

فالبشر خادم وقنَّه وسيّد وسيد
وفالقبايل حلوف وفالقبايل طروش
وقوَّة الداب ما تعْرَف بلا قرصنه
في بطونه زعاف إتقول ماء فالقريب
لا يغرَّك ليا شفته في مشيه تقاصر
البلا راسها والموت في حرفها

[شمس الحقيقة]

يعطيكم العافيه

[سعيد بن منجية]

تنسيق للمحاورة

دماوي حيل

البدع
جابني هاجسي ذالوقت يومي سعيد
ماهوب إنِّي خذيت إفلوس والاَّ قروش
ولاهوب إنِّي حصلْت إعْلى علاوة سنه
السعادة تجي خمَّات واكثر تغيب
فقلت يلزم علي أنقاد خلف المشاعر
كانها خير والا شر من خلفها
الرد
لا لقيت الجمل باعقلْه وانا سعيد
اعقل العيس وإمَّا البحْر لاهل القروش
ما عليَّه خلاف وما علاوه سِنه
نيب الاملح لو إيعَضّ السواعد تغيب
مابياتي ورى عشره وخلف المشاعر
البلا من فحَايلها على خلْفها

يوسف الشمراني

البدع:
مرحبا والنخل ثابت ومال الجريد
والعظم بين ناب الذيب يلقى العروش
وبيرق النصر بالميدان ابغى اضمنه
جات بالسيف ولا شور راسن صليب
واسمع العيس من وقت العشيه تهادر
ويل من صارت دروبه تحت خفها


الرد:
علم ياصل هل التلفاز واهل الجريد
الملوك الظليمه سلمت بالعروش
ومات صدام وجانا مجرم ابغض منه
يوم بشار حالف عابدين الصليب
ومن فعوله دمي المسلمين اتهادر
والعرب ثقلها عود كما خفها

دماوي حيل

البدع
ياللي جا من ولاية شيخنا بن جريد
جيّتك تطرب الهاجوس وإلها يشوش
كيف وانته من الّي بوي واهلك منه
عصبتي وعصبتك شمران سقم الحريب
يوم قطع الطريق ويوم لكد الضماير
تعجب الناس لا سمْعو بميقافها

الرد
الله ماكثر من اولاد الهمج والجريد
وما يجي منه كود الدبي والاَّ الوشوش
والنوادر طيور الكون تهلك منه
بالمخالب تقول إنْها سيوف وحريب
يابن عمّي به إعلومٍ بوسط الضماير
تقعر الّي يزوم الخشم ميقافها

يوسف الشمراني
البدع
البقى واانت منا ما انت قيفن حديد
فعلكم مثل قصرن زاهيته النقوش
غن قافي وقافك واتبع الهيجنه
وكان تخفى المعاني قلت انت اللبيب
باكي العين حار وضاحك السن حاير
كانه الروس طاحت هلكت اطرافها
الرد
مايحل الحديد الا صليب الحديد
وساق يبلاه شوك اليوم جته النقوش
واركب الخيل واركب ضامر الهيجنه
وارفع الصوت زلزل من سكن تل ابيب
وسل سيفك وخل الكفر ذبح ونحاير
هبية القوم تبقى في حمى اطرافها

دماوي حيل
البدع
يابن الاجواد ما يخفى علاك الجديد
كانت الناس باسمانا تعبِّي الكروش
وتإمن إعوالها وطبوعها المسكنه
وكان تِحْكَم بحاكمنا بغصبٍ وطيب
إبن ساهر يوم إن الحكم له والعذاير
ما تمرّ الجمال الاَّ خذا نصفها

الرد
الشبا فاللزوم إيجمّل وينجد ايد
فوق مهرٍ حميداني ومهرٍ كروش
يكسر القوم ما يرجع على مسكنه
طيب من علمٍ إينومس عربنا واطيب
الكفو لاعتذر عن شي يعطا العذاير
والعرب لو بتنصف يبشر إبنصفها

يوسف الشمراني
البدع
العرب يالدماوي بين حل وشديد
وكان حشت المدايح سرت جنبك واحوش
مجدنا مثل نهرن ينبع المي منه
مالحق حاضري شكه ولا الماض ريب
والمبشر في وجهه قد عرفنا البشاير
قوم بالخير تحلف صدق احلافها
الرد
ماتشال الحمول الا بحيل الشديد
وانت ياوحش ف الاضلاع جتك الوحوش
من عداها يسار ودربها الميمنه
للكفو عونها وانا جار سيفن ضريب
ربعنا من تهامه لين ضلع البشاير
العناصي على المقياف واحلافها

دماوي حيل
البدع
ودّي اخذ معك درجه واسيّد واسيد
في خطوط المدن والاّ خبوت الطروش
ولا تخلوا ترا به حنشل وقرصنه
خلّك إمْعي ولا عندك خلاف وقريب
رفقتي تمِّن الخايف ولا انته بقاصر
مير دون الضلايع ضلع في حرفها

الرد
فالبشر خادم وقنَّه وسيّد وسيد
وفالقبايل حلوف وفالقبايل طروش
وقوَّة الداب ما تعْرَف بلا قرصنه
في بطونه زعاف إتقول ماء فالقريب
لا يغرَّك ليا شفته في مشيه تقاصر
البلا راسها والموت في حرفها

[يوسف الشمراني]

البدع
انت مناع بحر والا انت مناع بيد
وكيف من ينبش الاجداث يرضى النبوش
وجاك خصام يعدي زيد في العدونه
يخلط السم في ماي الغدير العذيب
الكفوف اتراعش كل ماحن غاير
والفوارس على الميدان باسيافها
الرد
قد نكحنا الحراير من نتمنى عبيد
والعراق انتصر ثم اختلف ضن بوش
والذي فيه عله جاك بالعدونه
واسفل الضلع جرو وعالي الضلع ذيب
عهدنا للمنيه دوم ما انحن نغاير
نتحتمي ضلع لابتنا مع اسيافها

[سعيد بن منجية]

الله الله

البدع

ادري انَّك شلي والعلم نبغى الصعيد
إنزل من راس ضلعك وأنزل اليا الفروش
سهلةٍ خير من حصيان تعثربنه
وين نجمك ليا ضعت اهتديبه واجيب
والاّ نور المدينة من شعقها يجاهر
ما تشاف النجوم الاّ من افيافها

الرد

تدري الناس ماثقل من عقول الصعيد
يصعب إنْها تفرّق بين صعو وفروش
لو بتعثر على كنزٍ بتعثربنه
ومن يودّي علومٍ لازم إنّه يجيب
الشقي من عمل سيّه وفيها يجاهر
لو بتفتح علاك ابوابك إفيافها

[يوسف الشمراني]

البدع
بعض الشعر مايحسب لجزل القصيد
في دروبه تحني مثل درب الحنوش
جاكم السيل جارف غير فضوا عنه
وانت قولك ميسر غير فعلك نشيب
احمي الفذا ماني في حمى الفذ اخاير
واهل الجود تلقى الشبع باصحافها
الرد
ويل ضلع المعنى من كثير القصيد
جاه باليل نوش وجاه بالصبح نوش
وعادت الذيب يسري لاخفى الضو عنه
وفي دروب الجماله لانكل ونشيب
والبنادق رخيصه لولا قدح الذخاير
منها الموت يطوي القوم باصحافها

[صالح عسكر]

صحت السنتكم شعارنا الافاضل محاورة جميلة نستمتع بها

بيض الله وجيهكم وعساكم على القوة .. متآبعين

[abo assaf]

صحت السنتكم

وبارك الله فيكم

[سعيد بن منجية]

الله الله

واستسمحكم في تغيير القاف الثالث احسن بواحد سهل

البدع

للجزاله وقيفان المعاني نشيد
مثل شيد القصور الّي بباب ودروش
والمجالس بلّيا بوب ملفى عرب
والله يحمى شناباتي وزندي عطيب
إنشد الّي لقيناهم وسال العشاير
تاب من من كذبة أبريله ومن صرفها

الرد

فالملاقا بفوز وفي مجال النشيد
كوني بين البوازل ماني بين الدروش
ومن لساني فصيح القول قال وعرَب
وعودي ازرق يفوح إبريح مسكٍ وطيب
ماتروع الخفا خلفٍ وحيل وعشاير
والبوازل خطيره لا بدا صرفها

[يوسف الشمراني]

البدع
مال قصر الدماوي كل ماراغ ميد
وانتعش صدر خصمه قبل يلقى النعوش
صار ضامي ولو متنه يشيل القرب
ما درى انا جبلنا في لزوم الصعيب
نذبح العيس ضيفه كل ما جاع زاير
الرسايل تكاشف لانقطع ضرفها
الرد
سيفنا طول عمر ه مابقى بالغميد
من فعوله نسوق الخصم وسط النعوش
ما نحسب بعيد ولا حسبنا القرب
وعيشت الذيب في سجن بالاقفاص عيب
نفزع بمالنا والروح لجا عزاير
والقلوب الصليبه خايفن ضرفها
[/size]

[سعيد بن منجية]

الله الله

البدع

انا قصري على سطح الثريَّا بعيد
ياصله من معه سلطان يمكن ينوش
والغشيم إيتحمَّل راجمات الشهب
فيالأفندي قضا زادك وطال الشعيب
ما معك غير تتشيغل في دكَّان تاجِر
ربَّك المنجنيق إتمرّ من قصفها

الرد

انا لا قلت كلمه واحده ما بعيد
وكل ما زاد وزنه يستوي فالونوش
والمجاهيم خير إمن الصفر والشهب
فصلّ على النبي طه وهود وشعيب
على ذكر النبي لا قمت صلّيت تاجَر
من يجي بالصفا فاكيد يلقا اصفها

[يوسف الشمراني]

البدع
رمحنا من عشيه بين ضلعك سديد
قد شوينا جلودك مثل شوي الحبوش
وراس سرحان مايرجع يزم الذنب
ولا سمعنا لساق العنز حس وطبيب
مانكل ونمل ولو تجف الحباير
اردفوا بالمعاني ونفرق ارداافها
الرد
لو معمر مع عقلن وراين سديد
مااقنلوه الفطاحل واحنكوه الحبوش
غير نب الغشيم اليا لقى الفذ نب
ماتدواى الحماقه لو دعينا الطبيب
قيس وسط الفيافي مات مجروح باير
يوم ليلى لغيره تفرق اردافها

[abo assaf]

كفو يا شباب

حماس بكل صراحه ما شاء الله تبارك الله

[سعيد بن منجية]

الله اكبر لا اله الا الله

تقديري لكل من شارك من كل الزملاء الغالين

واشكر قبلي الشاعر وابن العم يوسف الشمراني

والى لقاء اخر ان شاء الله

تحاتي للجميع

[يوسف الشمراني]

العفو اخي الشاعر دماوي حيل وشكرا لك على هذي المحاوره الجميله واستمتعنا واستفدنا ونرجو ان نكون حزنا على رضا الجميع

[عبدالله علي بركي]

بيض الله وجهيكما ..... اشهد انها محاوره من الوزن الثقيل .

[محمد مزهر]

لكم الشكر محاوره رايعه جدأ وفقكم ربي

[مبارك عثمان ثواب]

شكرآ لشاعرين على هذه المحاوره المحسوبه بالفعل من العيار الثقيل وتقييمي بالكفائة العاليه لهما
مع تمنياتي للجميع بالتوفيق وزيادة الرفقه الطيبه

[عايض الشمراني]

بيض الله وجيهكم

[عبدالله ال معيض]

إبن ساهر يوم إن الحكم له والعذاير
ما تمرّ الجمال الاَّ خذا نصفها؟؟؟؟؟؟؟؟؟؟؟
تحياتي يابو هديل وكثر من ها المعاني المدفونه
كلنا شمران تهم وسراه تقبل مروري

[الشيخ سعودبن شباط]

ابن ساهر كب عنك التغطرس والكباير ::::::::::::::::::::: الجمال محمله ونذر أيدك كفها ::::::::::::::::::
::: تقبل مروري :::: اخوك :::: رعد الجزيره :::::::::::::::::::::::::::::::::::::::::::::::::: :

[سعيد بن منجية]

الجميع لا هنتوا

ويا الشيخ سعود بن شباط اول مره اسمع فيك من تكون؟ هذا اولا

ثانيا انا والعياذ بالله من انا شخص من ال حارثية شمران عشان اذا كنت تحسبني اني من شيوخ شمران قاطبه ال ساهر

يعني قاعد اطري امجاد تبطي الاخرين صنع مثلها

ثانيا اذا انك تدري اني من ال حارثية وجالس توجه بيت لابن ساهر فعيب علاك رح وجهه له في وجهه او وجهه لي بإسمي انا اعتقد اسمي موجود فالتوقيع

واي تغطرس تتكلم عنة وكبر واذا انها موجوده فيحق لابن ساهر التغطرس حاكم البلاد واميرها من حوالة الى باشوت ومن ال كثير وتهامه قاطبه الى تباله

فعيب وانا خوك بعدين كلنا ابناء عم ياخي كلنا نفخر ببعض وبشيوخ بعض وبفرسان بعض يعني عيب وشرهه نتعصب ضد بعض اكبر وخلك مع صف القبيلة من تهامه لتباله وعن انشقاقات الحريم


والا انا لك ولامثالك بالمرصاد بقصيدي والا بذراعي يا مال العافية

[الشيخ سعودبن شباط]

ونعم ببن ساهروالكريم مايجحد كريم ::::::::::::: وليتغطرس ابن ساهر فأعلم أنه قدهآ ::::::::::::::::::::::::::

اخي ::::: دماوي ::::: اعرف ان الشاعر دايم صدره رحب ويتقبل جميع انواع الرد من اخوانه الشعرا ليش علاشان يعرف يتحكم في الخصم ويحرجه في قصايده وانت تفهم ذالك اخي الشيخ سعود بن شباط بايع الملك عبدالعزيز بسم قبايل شمران وعرفه على مشايخ شمران من ظمنهم بن ساهر اخي شكلك يجهل تاريخ الشيخ سعود ارجع لشيوخ شمران وعيان قبايل شمران وأسئلهم عن الشيخ سعود ويفيدونك وبن ساهر يعرفنا ونعرفه اعلم ان ابن ساهر ياخذ الخاوه على باقي شمرا ن الا الفزع رفضوا شيوخ الفزع وأسأل عن ذالك امابنسبه لمدت اليد فلابعد تقابلناوكلن يجرب حظه لاكن اقرا هذالبيت جيداً :::::::: انا ابن سعود السيف سيفي وذراع الذ راعي :::::::: والحمدلله بالنافعي الخصم مهزوم ::::::::::: اخي :::: دماوي :::: ترا ال حارثيه والمصعبين شين واحد فخلها بيني وبينك ان بغيتها محبه وان بغيت غيرها اخي ترا المداعبه بين الرفاقه ماتزعل احدمنهم بل منك نستفيد ومنا تستفيد اخي دمت في رعايت الله وحفظه وسلام عليكم اخووووك :::::: رعد الجزيره :::::::::

[سعيد بن منجية]

هلا برعد الجزيرة

انا اولا حاولت ارسل لك خاص وماقدرت في خلل فالنظام الخاص بالرسايل فاضطريت ارسل لك عام هذا اولا

بعدين طال عمرك بن ساهر يستاهل النعم منك ومن كل حر

وانت هنا تمدح بن ساهر وتقول من حقه يتغطرس ولكن في ردك السابق الي جرني لهذا النقاش معك تقول يابن ساهر كب التغطرس والكباير والجمال محمله واليد كفها ؟؟؟؟؟ فكيف تفهمني او اني فهمت غلط فانا اسف

وبخصوص رحابة الصدر انا ماعندي خيني ميني في شمران او اي فرد منها

وبخصوص بن ساهر طال عمرك ال ساهر من قبل السعوديات الثلاث حاكمين من عهد العثمانيين من 700 سنه
يعني من الي يزكي من؟

وبخصوص الشيخ سعود بن شباط ونعم وسبعة انعام لكن انا يوم شفت اسم اسمه دريت انه مهوب هو فليش ماتكتب معرف اسمك باسمك انت والا انت موواثق من نفسك عشان تستعين بابوك والا جدك ليس الفتى من قال ابي الفتى من قال انا , عشان وانا خوك مايصير لبس وفهم خاطئ لان الاسم له دلالات فلو كتبت ولد الشيخ سعود نعرفك , لذلك زعلت يوم شفت واحد يكتب باسم شيخ من شيوخنا ولا يحسب حساب لكلماتة الي ممكن تعرض الاذى للشيخ والشاعر بن شباط فأنا اغار على اسم ابيك اكثر منك

بخصوص الخاوه انت صاحي؟ اول مره اسمع ان بن ساهر ياخذ خاوه على شمران سوا في تهامه او الحجازاو تباله
انا الي اعرفه ان شمران بشيوخها وعلى راسهم جميعا بن ساهر ياخذون الخاوه على القبايل المجاورة كافة فالعبور وعلى راس الحول وليس العكس طال عمرك كلامك لا يسمعه احد الله يصلحك لان شمران كانت متسيده ومتزعمه منذ الجاهليه الى الان وكان بن ساهر امير البلاد والحاكم وهو شرف لكل شمران

لكن شيوخ تالي العصر عندهم كيد حريم يبغون يظهرون ويطمسون الاخرين وهم ماسوو شي
وانا اقول لشيوخ الوقت ذا واولهم شيوخ ال حارثية المشيخة كانت زمان بالسيف والرمح ولا ياخذها الا الفريس
واما ذالحين بالختوم والديرة راحت مخططات بلدية للجربان والحثلان من غير شمران
كانهم شيوخ صح يتفقون ويوزعون الديرة لاهلها لايخلونها تضيع والا ماراح نرحمهم لابالقصيد ولا بغيرها


فيا ولد سعود بن شباط وانا اخوك ظل اوزن كلامك زين واعلكة قبل ما تلثغة واعرف اني احب شمران بدون تمييز بين حضر وبدو وتهم واعرف ان شيوخ الفزع هم شيوخ لنا كلنا وفرسانهم فرساننا وكل شيوخ شمران
واتمنى ان كل بد وقبيلة لا تكبر روس شيخانها على ماش حتى يمشون ممشى الاولين والا التاريخ لايرحم والشعر لايرحم. لان صراحة حنا ياشمران طيبين وابشربنا لكن البلا فالشيوخ حسد بينهم ومتناحرين وضاعو وضيعو القبيلة وضيعو البلاد

اخيرا الله يسامحك على ماجا منك والله يسامحني على ماجا مني

تحياتي