المساعد الشخصي الرقمي

مشاهدة النسخة كاملة : فتاة تعرض جسمها الغض بفلوس ** ويبيعها فاليوم عشرين زاني


طارق آل مزهود
01-31-2012, 04:40 PM
الفيلسوف سعد علوش وإبداع متجدد




العقل بيت شيوخ والحلم جاسوس
للنفس يقطع من تركها ثواني


خذني وطلعني ولو الهوا كوس
ابااتنفس شي..صافي وهاني


داخل تصادم فكر ومزاحم نفوس
على فتافيت الغوى والغواني


في هاللوبي كل شي ضايع ومعكوس
ماكن في هالكون رب واماني


اثاثه الغامق وتصفيفه الكوس
تدل على ذوق راقي....وداني


شفهم وشف كيف الفشل يجعل الروس
اشيا....كماليه مبين الاذاني


وشف كيف هذا ثمل ويعتثر ويدوس
على مسمى جده الأولاني


وشف كيف هالشايب برغبته محبوس
تحت شعار ان اخر العمر فاني


احس عنده عيله......وبنت عروس
تخجل من ابوها كثير وتعاني


وشف الاثنين هناك؟ ترهم ((ج..))
رجال بس رجال من نوع ثاني


ضحايا نفط وقل طاعه وناموس
والام كانت طيش والاب اناني


وشف هالجمال اللي مدثر ومحيوس
مثل الكلام اللي بليا معاني


فتاة تعرض جسمها الغض بفلوس
ويبيعها فاليوم عشرين زاني


كل الزوايا طافحه قبح ونجوس
تسبح وفالركن الاخير المواني


واحد يغني وعنده حثالة جلوس
كأن مافي هالحياة الا اغاني


ياوخز قلبي وخزة الجرح بالموس
ياعالم(ن) مافيه حلم وتفاني


في هاللبي مافيه ريس ومريوس
الكل بايع نفس والكل جاني


والكل عنده عذر واهي ومدروس
لو قلت ليه انت كذا؟ قال اعاني


انا اللي اعاني من القوس للقوس
هذا مهب جوي ولاهو بمكاني


بركض وابي اركض معي الف فانوس
اللي صباحات الغلا والتهاني


روح معي والواقع احيان كابوس
وانا ماحط اللوم على زماني


احمد ربي كل ما دق ناقوس
واعرف حدودي واستحي من كياني


وأصمت ليا جا للحكي روس وعسوس
واضحك ولو وجهي من البكي حاني


لو كل شي محسوس ياخوك ملموس
شليت اخر جرح بين المحاني

احلاهم وتسواهم
01-31-2012, 06:30 PM
ابدااااااااااااااااع
الله يعطييك الف الف عااافية ع الطرح الرائع
تقبل مرووري
احلاهم وتسواهم

emotion
02-01-2012, 03:34 AM
قصيده رووووعه يسسسلمووو بن مزهود

طارق آل مزهود
02-01-2012, 08:54 PM
الشكر لكم على المرور