كل ٍ وله بين المخاليق سيرة !!!!!!!!!!

[راجي الوصل]

كل ٍ وله بين المخاليق (http://ajras1.com/vb/showthread.php?t=431)سيرة
والرجل ما طـوّله ياكود الافعال
.
وكل ٍ له اجدادٍ بنوا له مسيرة
والابن ياخذ من عمامه والاخوال
.
كم رجل ٍ اشهر له ربوع ٍ وديرة
ولايخلّـد في الزمن غير الابطال
.
وكم رجل ٍ اصبح في قبايله عيرة
محسوبْ مابين الهلايم والانذال
.
الرجل لاصارت عزومه كبيرة
حطه على يمناك في كل الاحوال
.
ينفعك لاصابتك في الدهر حيرة
واذا اتكلت عليه في العلم رجّال
.
ويكون عونك في الامور الخطيرة
ما هوبٍ لاعوبٍ ولا هوب ميّال
.
(موسى) طلب (هارون) يصبح وزيره
يوم ٍ درى انه للثقيلات شيّال
.
وافضى اليه بحاجته والسريرة
فكان له نعم الخوي يوم الاهوال
.
خل الذي يعجز لحمل الصغيرة
خله بعيدٍ عنك يتريح البال
.
وقت السعات الله ما اقوى هديره
ووقت الشدايد جعل ما هوب لك فال
.
خيرة من اهل الكذب والغش خيرة
واهلاً بمن يمشي على الحق مازال
.
والحق من يميشه ما شيْ يضيره
ولايتوه الا كذوبٍ ومحتال
.
واللي كذب فحبال كذبه قصيرة
مؤرخ ٍ هذا بتاريخ الامثال
.
ولابد يلقى كل عبدٍ مصيره
والخاتمة دايمْ على قد الاعمال!
.
راجي الوصل
على الفيس بوك:
http://www.facebook.com/profile.php?id=1383061321&ref=tn_tnmn (http://www.facebook.com/profile.php?id=1383061321&ref=tn_tnmn)
.

[محمد مزهر]

لك مني التحيه والتقدير ابيات من ذهب
والله باني اعشق قصائدك

[شيهان شمران]

صح الله لساااانك

جزلة ووافية

لا هنت

[رافع الهامة]

خل الذي يعجز لحمل الصغيرة
خله بعيدٍ عنك يتريح البال
.
وقت السعات الله ما اقوى هديره
ووقت الشدايد جعل ما هوب لك فال
.

الله عليك وتسلم ويسلم طرحك الراقي

قصيده رائع بروعة قائلها لاهنت ياراجي وصل

[بن حمدان]

اخي راجي الوصل بيض الله وجهك على هذه القصيده الوافيه

بالعلوم اللي تنومس تقبل مروري وتقديري

اخوك بن حمدان

[abo assaf]

(موسى) طلب (هارون) يصبح وزيره

أعجبني كثيراً هذا الشطر واستشهدك فيه بقصة النبي موسى عليه السلام

واخيه هارون عليه السلام

قصيدة رائعه صح الله لسانك

انتظر جديدك بارك الله فيك

[شمس الحقيقة]

صح الله لسانك