الرخوم رخوم حتى لو تباهـوا بالبشـوت

[معقل العصاه]

الفرص ماتنتفوت كـان جتلـك لاتفـوت
اغتنم فرصة حياتك قبـل ميعـاد الممـات

ماعلى الدنيا مخلد كل مـن فيهـا يمـوت
طاعة الله مع رسوله هي ثمر كل الحيـات

خلها ملبوس نفسك خلهـا مركـب وقـوت
تنفعك ساعة وقوفـك قـدم رب الكاينـات

كان فات الفوت قالوا مايفيد تجـر صـوت
قبل اجل ينبح صوتك بالندم اخذ الوصـات

لايضيع العمر كله فى المقاهـي والبلـوت
عمرك اغلى ماملكته وش تفيـد الملهيـات

العمر شجره ورقها لاذبل صـار محتـوت
لو سقيته ماتناما لـو نمـاء كـل النبـات

ماعلى الدنيا مقام ولاعلـى الدنيـا ثبـوت
ننزل ونرحل وينزل غيرنا خلـقٍ شتـات

نبني بيوت ونموت وغيرنا يـرث البيـوت
وان رحل جاء من ورثها هكذا خذها وهات

نوت ماتنفع عقاب ولايفيـد عقـاب نـوت
والغني لو فاض مالـه ماتنجيـه الغنـات

كان ما أنفق من حلاله في شحيحات الوقوت
واستغل المال فى اللي ينفعه عقب الوفـات

ارج ربك وابتهله لادعيتـه فـى القنـوت
يرزقك طيب الختام ويرزقك حسن الثبـات

فالاصل دنياك هاذي مثل عش العنكبـوت
مايدوم الها قـرار ولايـدوم الهـا ثبـات

البنادم دام ما احفى لاجل مـولاه السبـوت
والله انه والله انه ماعلـى عمـره طـرات

المراجـل ماتهيـا بالمراكـب والبخـوت
ولاتهيـا بالمناصـب والبنـي المترفـات

الرخوم رخوم حتى لو تباهـوا بالبشـوت
والرجال رجال حتى لو مشوا فقراء حفـات

المراجل شبه دره فى البحر في بطن حوت
مايجيها كـود رجـلٍ ماحسـب للكايـدات

لو حمى حر الهجير يدوس حره دون بوت
ماحسب حر الهجيـر ولاعطـاه الالتفـات

وان طراء للبرد طاري ماحتسى للبرد كوت
زمهرير البرد دونـه ماتلحـف بالعبـات

خير من بعض الكلام اوقات ميلك للسكوت
والكلام اوقات خيرٍ لك من اظهار السكـات

كلمةٍ تنفعك قلها ماعليـك مـن الشمـوت
والكلام اللـي يعيبـك لاتكلـم بـه بتـات

لاتكون بكل وضع وحال رجالٍ صمـوت
وان هرجت يكون هرجك مايلحقك الشمات

شوت هرجٍ مايفيدك بالقدم لاجـاك شـوت
لاتسمع له لو أنه جاك مـن كـل الجهـات

عشت ياوقت المطايا قبل ميـراد الفـروت
والله إنا نفتخربـك لـو سنينـك قاسيـات

فيك تجمعنا المحبه والحسـد مالـه نعـوت
كل كلمه من رفيقك احلى من نهر الفـرات

بس صار اليوم هرجه ياصلك هرج معفوت
يمكن لحضرة جنابك يهرج بسبـع اللغـات

شجرة الحنظل ثمرها مايجي خوخٍ وتـوت
وكل شجرة توت ماتثمر طلع حنظل وقات

عش عزيز النفس حتى لو تهاجر للخبـوت
لاتذل النفـس مهمـا تعتريـك النايبـات

لو بجيبك ماتحصل غير كوم اوراق نـوت
عزة النفـس وكرمهـا ماتقـدر بالميـات

رـأقـــت لــي http://www.s0dfh.com/vb/images/icons/2a.png...
أتمنى ترتقي لذوائقكم ..http://www.s0dfh.com/vb/images/icons/2a.png

[بن شهوان]

روووعه سلمت يدك وصح لسانك

[شيهان شمران]

قصيدة رائعة لا هنت

[ابو ريناد]

الفرص ماتنتفوت كـان جتلـك لاتفـوت
اغتنم فرصة حياتك قبـل ميعـاد الممـات

ماعلى الدنيا مخلد كل مـن فيهـا يمـوت
طاعة الله مع رسوله هي ثمر كل الحيـات

قصيده ررررررررررررررررروعه تسلم

يا غالي على هذه الذائقه الجميله في الاختيار

اعجبتني كثيراً شكرا لك من اعماق القلب

[سعد عبدالرحمن]

تسلم يمينك

لاعدمناك

[مبارك عثمان ثواب]

الفرص ماتنتفوت كان جاتك لاتفوت

طرح جميل فيه الكثير من المواعظ الطيبه شكرآ لك اخي معقل العصاه

[المحروم]

مشكوور . . على طرحك

ابداع .

[معقل العصاه]

روووعه سلمت يدك وصح لسانك
بن شهوان
لك كل الود والاحترام على مرورك الرائع

[معقل العصاه]

قصيدة رائعة لا هنت
شيهان شمران
لك كل الود والاحترام على مرورك الرائع

[معقل العصاه]

الفرص ماتنتفوت كـان جتلـك لاتفـوت
اغتنم فرصة حياتك قبـل ميعـاد الممـات

ماعلى الدنيا مخلد كل مـن فيهـا يمـوت
طاعة الله مع رسوله هي ثمر كل الحيـات

قصيده ررررررررررررررررروعه تسلم

يا غالي على هذه الذائقه الجميله في الاختيار

اعجبتني كثيراً شكرا لك من اعماق القلب


ابو ريناد
لك كل الود والاحترام على مرورك الرائع

[معقل العصاه]

تسلم يمينك

لاعدمناك
سعد عبدالرحمن الشمراني
لك كل الود والاحترام على مرورك الرائع

[معقل العصاه]

الفرص ماتنتفوت كان جاتك لاتفوت

طرح جميل فيه الكثير من المواعظ الطيبه شكرآ لك اخي معقل العصاه
مبارك عثمان ثواب
لك كل الود والاحترام على مرورك الرائع

[معقل العصاه]

مشكوور . . على طرحك

ابداع .

المحروم
لك كل الود والاحترام على مرورك الرائع