مرادات بيني وبين الشاعرالكبير/ سعيد بن مسفر بن حمدان(ابوشمبر)الشمراني

[ابونايف الشمراني]

بسم الله الرحمن الرحيم


بدع الشاعر / ابو شمبر

سلام يارجل(ن) قوي العزايم
................. بـالعزم يـتخطى كـبار الغرابيل
والوقت ماهو مالمقادير صايم
................ أحـيان يفطر بالرجال الحلاحيل
وأحيان فيه يحصلون الغنايم
............... وأحيان مكسبهم على سبق الخيل
والتجربه منها طريح(ن) وقايم
................ وبعد النظر يشفي القلوب المعاليل
لاصار وسط السوق بايع وسايم
................. أتـبع حكـيم الشـور كب المظالـيل
و أرزاق خلق الله تراها قسايم
................ مـاتعـترض فـيها هل القال والقيل
والكفو مثلك عن هل الشك زايم
................ يـفـداك مـن ينقـل بقـلبه غلاغـيل
و أنا لمطلاع المراقيب رايم
................. ألاعب الذكرى على مطلع سهيل
وجداه ياوقت الرخا والنعايم
................ مخصوص لهل الذوق واهل التعاليل
العالم اللي مالحقهم تهايم
................ ميـزانهـم وافـي و لايـطفح الـكــيل
تمت وجا للول غايص وعايم
.................. و أقـبل تحيـاتي بادق التـفـاصيل


*****************


رد الشاعر / ابونايف

يامرحبا و الود قايم و دايم
................ ويزيد لا جت من سعيد المراسيل
ملزوم مثل مصقلات الصرايم
................ في كف يمنى مايجي حولها الميل
والجو صافي وان غدا الجو غايم
................ لقـيت فـي دنـياي بـاب و مـداهـيل
وان قلت صايم قلت صايم وشايم
.................عن مـا يكدر مـن عـلوم المهـابيل
ناس(ن) تحوش من العلوم النمايم
................ حاشى الرجال اللي تقلط لها الحيل
اللي تلبس من جديد العمايم
................ مـاضيعـوا مـلبوسهـم و الدسـامـيل
و الواجبات الها علينا لزايم
................ و اليا زرعنا مـارجينا المحـاصيل
و الحر دايم في فضا الجو حايم
................ مـاهوب صيد لـمن يـشل الـدرابيل
وجدي على وقت(ن) مافيه الظلايم
................ عاشـوا بـه اللـي تبهجـك بالتهالـيـل
يفدونك اللي يرتضون الهزايم
................ عند الرفيق وفي المواقيف تضليل
رسمت بيت الشعر حسب القوايم
................ و لا بيني و بينك رموز و تحاليل

[سعد عبدالرحمن]

صح الله لسان ابو شمبر
و
صح الله لسانك يابو نايف



التواصل الفكري من خلال المرادات الشعرية يبهج القارئ وخصوصا حينما يلتقط بعض الابيات التي تلامس احاسيس الناس ..
وبلا شك بأننا أمام نص شعري مرسل ونص شعري يجيب وكلها من شعراء كفؤ
صح الله ألسنتكم

أعجبني جدا
و الحر دايم في فضا الجو حايم
................ مـاهوب صيد لـمن يـشل الـدرابيل

أرجوا ان تتقبلوا تواجدي

لكم الود

[معقل العصاه]

صح الله لسان ابو شمبر
و
صح الله لسانك يابو نايف



التواصل الفكري من خلال المرادات الشعرية يبهج القارئ وخصوصا حينما يلتقط بعض الابيات التي تلامس احاسيس الناس ..
وبلا شك بأننا أمام نص شعري مرسل ونص شعري يجيب وكلها من شعراء كفؤ
صح الله ألسنتكم

أعجبني جدا
و الحر دايم في فضا الجو حايم
................ مـاهوب صيد لـمن يـشل الـدرابيل

أرجوا ان تتقبلوا تواجدي

لكم كل الود وتقدير

[مبارك عثمان ثواب]

صحت لسان كل من الشاعرين ابو شنبر وابو نائف وانا لا استغرب القصائد الرائعه وما تحتويه من معاني رائعه
من مثل الشاعرين ..فلا احد يتجاهل مكانتهم الشعريه وافعالهم المطابقه .اخيرآ فليتقبلو مروري وتحياتي


*

[حسن بن عبدالله]

بدع مميز من الشاعر بن شمبر فصح لسانه
وصح لسان ابونايف على الرد المميز ايضا