إلى دماوي حيل

[وجهة نظر]

يا دماوي كيف حالك ,الخبر قرر وصاله ؟
كيف عززمنا على بيت الشعر قام وتبدل !

والحقيقة شفت ما عكر عليَه في فعاله
شفت حرق البيت واهل البيت يبكون المجندل

قلت لك واخفيت عنك الشاعر اللي هام باله
عن حوالة واتوجد وجده اللي ما تعدل

قمت بعد غياب وارسلك على المخفي رسالة
واتمنى الرد بالمخفي ولا قلل ولا دلّ

[وجهة نظر]

,,,,,,,,,,,,,,,,,

[سعيد بن منجية]

نحمد الله والخبر خيره وشره حن قباله
وكل عزم إبن ادمي مهما ارتفع لازم يحول

والحقيقه حكمة المومن يطاردها لحاله
لو درج عنها البشر يبقى على نفس المعدل

من نشد عني فانا موجود ومسنتر هنا له
انا ماتالي من إيتالي ومع الاول فالاول

ما وصلني من حدن هرجه ولا طرد ومقاله
والتواصل سهل من يبغى يواصل ما يطول

تحياتي

[وجهة نظر]

الوصل يبن الاشاوس قام والصملات فاله
والعزوم من اهلها والوقت في السرعة مهول

ارتضينا بالقدر لكن ما نرضى بعاله
والمعدل في تغير والزمان بنا يداول

من تعينه الضروف الصايرة معروف واله
والكلام يخص من حاول وفي العليا يقوّل

خذها من شاعر تورده القصايد بالعدا له
غير مايبرح على هب النسيم الا تجول

[سعيد بن منجية]

من دعانا حزة الصمله ترى فينا الصماله
اعتصم مثل الجبل فالقاع ميقاف ن يهول

والرضا للزاهد الي ما لبس حتى عقاله
والشلي مايعجبه يقعد على الدنيا معول

يبذل اقصى قوته حتى المنى ياصل محاله
ما هناه العيش والخافق على الدعوه يمول

والهوى له جاذبيه مير عنز ما يطاله
ما يطاله لو تقوم الغيد من حره تشول

[شيهان شمران]

الله الله صحت السنتكم وع القوة

[abo assaf]

صحت السنتكم وبارك الله فيكم

[وجهة نظر]

مااستجديت البشر يخوك مالك والفتاله
والنصايح خيرها مسموع وشرها مؤول

حكم دكتاتور مايمشي لرواد الشكالة
حن شعوب العز مايحكم علينا الا مخوّل

انا شاعر وانت شاعر افهم المعنى حوى له
ماني اللي شاف صحنة لاش دور له تسوّل

من يدور لـ الزلل في بيتنا يلقى زلاله
واللي في باله ينوّلنا بيبطي ما ينوّل

[سعيد بن منجية]

مرحبا بك يابن عم ن فالشدايد والرخا له
يوم شفتك كاتب ن بإسم العصاه ازريت اميل
ماتحرى كود لربوعي ومن حنا خواله
لو يكن بيته بجنبي ماتحراله واخيل
وانت دامك بإسمنا فنجالكم قبل البياله
هاك فنجان ن مقانيده مسامير ومهيل
يالكثيري حن نعد اهلك هلي وانتو حماله
من حمايلنا لو الجاهل هقا المعشر محيل

[سعد عبدالرحمن]

صح الله ألسنتكم والقصيد الجزل يستحق الأشادة


لكم كامل التقدير والأحترام والشكر

[حيدره]

صح لسانك اخي الشامخ
وصح لسان اخي دماوي
وشكرا لكم على الابداع

[عايض حامد الشمراني]

صحت ألسنتكم على هذا الإبداع
وفالكم التوفيق
واصلوا لاهنتوا

[شيهان شمران]

صحت السنتكم ملايين ابداع ونتمنى الإستمرار

لا هنتم

[سعيد بن منجية]

يا محمد مدري يا عبد الله إعلوم الجهاله
بين فرسان العرب تاتي بحقران وجهايل

عيب قدام العرب تكذب على هل الزحاله
قلت زحل وعقبها ماضنك إمن اهل الزحايل

النقا ياخوك هو درب الرجاله والجماله
منطق الصادق نعده غصب من هل الجمايل

فالله الله فالعقول إحذر تغيفلها غفاله
الرياجيل إتجنَّب كل من جاب الغفايل

انتهى وصلى الله على محمد

[سعد عبدالرحمن]

لا إله إلا الله محمد رسول الله
اللهم صل على محمد وعلى آله وصحبه
ومن تبعهم بأحسان إلى يوم الدين