الحمدان
10-31-2013, 09:27 PM
••••• عواض وأبوسامي /
**** أبوسامي :
1/ ياعواض ماعلمتني بالخبر لاهنت ..
تحسَب إن هل بيشه مايدرون بالاخبار .
2/ يقولون أبوصالح تزوج بالنترنِت .
والآخر تزوج قبل عامين بالمسيار .
3/ ولا أعرف شروط الثيب ولا شروط البنت ..
والا كان رحت وخذت ثنتين مهما صار .
**** عواض :
1/ أنا لا نويت الحرب زهّبت ثم اعلنت ..
وشعشع خبرها في جنوب وشمال الدار .
2/ لك الله لو عيّنت ما أبغاه ماهونت..
لو إن البلد كله يشبّونه الثوار .
3/ والمسيار سلعة تاجر الخوف ماهو بانت ..
لايدرون شمران إنك تخاف ياالمغوار
**** ابوسامي :
1/ سمعنا العزاوي بس لليوم مابينت ..
والأيام في حرب النوايا تدق الطار .
2/ ولاخوفي ألاّ تنتهي الحرب مانيشنت ..
وتُرمى حصون الدار وتهدّم الاسوار
3/ ولو كنت تبغي الأجر صليت وتسنّنت ..
وأخذت إلك بعد الحج عمرة مع العُمار .
4/ لكن كل ماربّطت عفش السفر هيجنت ..
ألا ياحمام الدار، عذّرت في المشوار
**** عواض :
1/ الا ياحمام الدار ماتذكر إني كنت ..
أغني معك والجرح ينزف ودمعي حار.
2/ تراني هذاك اللي على عهدنا ماخنت..
لو الحذف يلحقني ، معك وافي ن صبار .
3/ وبن ظافر يلايم حطبها وانا ما أذّنت ..
طواريه بارقها يلوح ، ووراه غبار .
4/ لعل وعسى ياالوادي اللي معك حزّنت ..
يجيك الربيع ويزهر الشيح والنوار .
**** ابوسامي :
1/ يلين البلس والنظر، من قسوتك مالنت..
ولا أدري وش اللي ماكشفته من الأسرار .
2/ أشوفك يابوصالح على الذكريات أدمنت ..
وسكرت ديوانية البوح بالأعذار .
3/ مع أني طرقت الباب مرات واستأذنت ..
وحاولت أصحّي الصمت وأولّع الأنوار .
4/ لعل وعسى : دعوة محب ن عليها أمّنت ..
لو إنه تعدّى موسم الخير والامطار .
**** عواض :
1/ على أطراف موجك يابحر بالشعر دوزنت ..
لكن رهبتك كبرت بعيني وأنا بحار .
2/ وقفت بذهول النابه وبعدها آمنت ..
بأن الشراع يتوه في حومة التيار .
3/ عليك الله أكبر يابحر كل ما تَمعّنت ..
لقيت إن تجديفي بشاطيك لعب صغار .
4/ وأنا لو على لوح الخشب جيت وتشيطنت ..
دريت إن لوحي ريشه إن لفّه الإعصار .
**** أبوسامي :
1/ تركت الحجر والّلِبن والطين والإسمنت ..
وشيدت لك جنة من الحب والإكبار .
2/ وفي الما تحديت الصعوبات واستوطنت ..
وصغت المواجع تضحيه والألم إيثار
3/ ولولا سعة صبرك يابحار ماهيمنت ..
ولا جبت هذا الدر واللول والمحّار .
4/ على وجهتك شفني تياسرت وتيامنت ..
تبيني أروح إيمين والا أروح إيسار .
**** عواض :
1/ على رفقة الوافين شرواك كم لحنت ..
وغنيتها مسحوب .. ياسيفنا البتار .
2/ تواضعك من طيب اصلك ولا حشا ما شنت ..
إلى شان راعي زمّةٍ ماوراها كار .
3/ قبس ضوحنا من نارك وحولها دندنت ..
وياما وياما حولها دندن الشعار
4/ وانا صرخة ن في بيد وبداخلي كفّنت ..
جروح الزمان وفي رجا رحمة الغفار
••••••••• تمت ••••••••••••
**** أبوسامي :
1/ ياعواض ماعلمتني بالخبر لاهنت ..
تحسَب إن هل بيشه مايدرون بالاخبار .
2/ يقولون أبوصالح تزوج بالنترنِت .
والآخر تزوج قبل عامين بالمسيار .
3/ ولا أعرف شروط الثيب ولا شروط البنت ..
والا كان رحت وخذت ثنتين مهما صار .
**** عواض :
1/ أنا لا نويت الحرب زهّبت ثم اعلنت ..
وشعشع خبرها في جنوب وشمال الدار .
2/ لك الله لو عيّنت ما أبغاه ماهونت..
لو إن البلد كله يشبّونه الثوار .
3/ والمسيار سلعة تاجر الخوف ماهو بانت ..
لايدرون شمران إنك تخاف ياالمغوار
**** ابوسامي :
1/ سمعنا العزاوي بس لليوم مابينت ..
والأيام في حرب النوايا تدق الطار .
2/ ولاخوفي ألاّ تنتهي الحرب مانيشنت ..
وتُرمى حصون الدار وتهدّم الاسوار
3/ ولو كنت تبغي الأجر صليت وتسنّنت ..
وأخذت إلك بعد الحج عمرة مع العُمار .
4/ لكن كل ماربّطت عفش السفر هيجنت ..
ألا ياحمام الدار، عذّرت في المشوار
**** عواض :
1/ الا ياحمام الدار ماتذكر إني كنت ..
أغني معك والجرح ينزف ودمعي حار.
2/ تراني هذاك اللي على عهدنا ماخنت..
لو الحذف يلحقني ، معك وافي ن صبار .
3/ وبن ظافر يلايم حطبها وانا ما أذّنت ..
طواريه بارقها يلوح ، ووراه غبار .
4/ لعل وعسى ياالوادي اللي معك حزّنت ..
يجيك الربيع ويزهر الشيح والنوار .
**** ابوسامي :
1/ يلين البلس والنظر، من قسوتك مالنت..
ولا أدري وش اللي ماكشفته من الأسرار .
2/ أشوفك يابوصالح على الذكريات أدمنت ..
وسكرت ديوانية البوح بالأعذار .
3/ مع أني طرقت الباب مرات واستأذنت ..
وحاولت أصحّي الصمت وأولّع الأنوار .
4/ لعل وعسى : دعوة محب ن عليها أمّنت ..
لو إنه تعدّى موسم الخير والامطار .
**** عواض :
1/ على أطراف موجك يابحر بالشعر دوزنت ..
لكن رهبتك كبرت بعيني وأنا بحار .
2/ وقفت بذهول النابه وبعدها آمنت ..
بأن الشراع يتوه في حومة التيار .
3/ عليك الله أكبر يابحر كل ما تَمعّنت ..
لقيت إن تجديفي بشاطيك لعب صغار .
4/ وأنا لو على لوح الخشب جيت وتشيطنت ..
دريت إن لوحي ريشه إن لفّه الإعصار .
**** أبوسامي :
1/ تركت الحجر والّلِبن والطين والإسمنت ..
وشيدت لك جنة من الحب والإكبار .
2/ وفي الما تحديت الصعوبات واستوطنت ..
وصغت المواجع تضحيه والألم إيثار
3/ ولولا سعة صبرك يابحار ماهيمنت ..
ولا جبت هذا الدر واللول والمحّار .
4/ على وجهتك شفني تياسرت وتيامنت ..
تبيني أروح إيمين والا أروح إيسار .
**** عواض :
1/ على رفقة الوافين شرواك كم لحنت ..
وغنيتها مسحوب .. ياسيفنا البتار .
2/ تواضعك من طيب اصلك ولا حشا ما شنت ..
إلى شان راعي زمّةٍ ماوراها كار .
3/ قبس ضوحنا من نارك وحولها دندنت ..
وياما وياما حولها دندن الشعار
4/ وانا صرخة ن في بيد وبداخلي كفّنت ..
جروح الزمان وفي رجا رحمة الغفار
••••••••• تمت ••••••••••••