المساعد الشخصي الرقمي

مشاهدة النسخة كاملة : من شاعر تهامي الى البادية - سلام الله على روس البوادي بادية شمران


ابوحوالة الشمراني
02-12-2014, 02:26 AM
سلام الله على روس البوادي بادية شمران
وباسم تهامي اللابة تسطهرها جمايلها

على ذكر الخوي والمحلف اللي ماوطا له شان
نجي ونمجد اللابة ونسعى في زمايلها

احب اهلي وربعي يامخالف ملتي غلطان
واحب البادية وانا تهامي كيف اخايلها

وانا ولد الحوالي ذا بنى بيته على روحان
وشمران العريبة منزلي وانا حمايلها

تجي مع ريحة البارود ذكر الحرب والحدان
وهيّات الحروب الغايرة سوّت عمايلها

ولكن الشموخ اللي تورثناه ماينهان
ولاحنا من اذناب الرجال ولا ذلايلها

شمارين الذراع وشبلنا في غزوته سكران
وكملته التي بالصدر هو باليد قايلها

ورايتنا المهيبة من ذرى بيشة الى خيطان
والى سبت العصاة اللي تعزوينا سلايلها

ومن خالف كلامي ينوي التفربق والعصيان
ولو قال الحقايق من لسانه مع دلايلها

وكلن له جدوده لكن الميثاق والحلفان
ولحمتنا على العادي تهيّب في صمايلها

ولا باس الفخر بالجد والتعريف والعنوان
وتوثيق المواقف يوم كانت في طوايلها

وتعريف النسب والحال والجدان والاخوان
معاريف الرجال وفخرها تحكي عوايلها

وديرة قد وطوا فيها وماتوا دونها فرسان
لزوم الراوي اللي قصها يطري رحايلها

ورحلتهم تعلمنا قساوة قلبهم ما لان
ويالين القلوب اللي تروّيها جزايلها

ودمعات المفارق والمهاجر تحزن الشيبان
وحب الدار والاطلال قلب الطفل شايلها

واذا جينا على ذكر المهاجر شاقني انسان
ترحمنا عليه بذكرياته من فعايلها

ابو جعيدي وجدّه هاجر لغامد وذكره زان
وفك الحرب بين الناس في تجديدها يلهى

قصايده التي نسلى بها نسمع لها الحان
وتمسح محقرة اقوام وتطري شفّ سائلها

عن التاريخ اتكلم يسطّر بيتي الوجدان
واحساس المهاجر من جدودي ما يحايلها

وانا من طبع ابياتي لزوم اطرّي البدوان
بهم يهنى ضميري لا تكدر ياقبايلها

فانتم يالفزع ربعي وانا من داهية شمران
تهامة محزمي سبتان لا ذكْروا هوايلها

ومن ينوي على سبتان شرّه ينتهي خسران
وكيده رد في نحره وحاله زاد مايلها

وتمت كلمتي في مسمع اللي لا سمع لي صان
ويدعي يالله انك تحمي الدولة وعايلها

سعد عبدالرحمن
02-12-2014, 03:41 AM
صح الله لسانك يابو حواله

وألف ونعم بك وبأسرتك وبأهل تهامة جميعكم تأج راس

لاهنت

ابوحوالة الشمراني
02-12-2014, 05:24 PM
ماعليك زود
ويستاهلون بادية شمران

شيهان شمران
02-13-2014, 12:12 AM
صح الله لسانك لحدود رضاك ونعم بك وربعنا الفزع بيض الله وجهك وكان بودي لوتستبدل كلمة سكران بكلمه بطران او صنيان مع تحياتي لك

ابوحوالة الشمراني
02-13-2014, 02:07 AM
ماعليك زود و أهلا بك اخي شيهان

استخدمت سكران اقصد بها يخبط هذا وذاك كأنه سكران

واستخدمتها لان السكران على حرب يسكر اذا خاض الحرب
ولا شك انه مدمن عليها
ولا شك ان له نديم يجالسه في سكرته
ولا شك انه يدمن دماء الاعداء
أما بطر : فتعني تبختر وتعني زياده فلا أراها أبلغ من سكران

و أما كلمة صنيان : فأنا حقيقة لا أعرف معناها إشرح لي معناها لو تكررمت

احترم رأيك واشكر انتقادك
واتمنى من الشعار والمخضرمين ان يقيموني
والتواجد والتفاعل معنا

شيهان شمران
02-13-2014, 07:08 AM
صباح الخير أخي الكريم أبو حوالة......
السكران ﻻ يدرك ما يفعل ولربما قتل صاحبه
واللغة العربية مليئة بالكلمات الشعرية غيرها
وتمنيت عليك تغيير الكلمة فقط ولك أن تقبل أو ترفض
وكلمة صنيان تؤخذ بمعناها في سياق جملة....
أما النقد فبابه واسع أن فتحناه.. قادنا إلى فضاءات واسعة

أحيي فيك شاعريتك وسعة صدرك. ....


الشيهاااان

ابوحوالة الشمراني
02-13-2014, 04:18 PM
أشكر إثرائي بمعلومة كنت أجهلها

وأشكر تفاعلكم والنقد البناء مطلوب ويجب علي قبولة لكي نبني تلك الصروح

عايض حامد الشمراني
02-13-2014, 04:46 PM
صح الله لسانك ولاهنت على هذه القصيدة
تقبل مروري

Abdullah 2010
02-13-2014, 11:24 PM
صح الله لسانك على هذه الابيات
لا جف لك حبر
ودمت لنا بكل خير وود
تقبل مروري العطر
تحياتي لك ،،،