يقول عبدالله العنزي

[الحمدان]

بالناس تلقى البوم والصقر والديــك
والثعـلب المحتـال والذيـب سرحـان
وأبعد عن اللي ما يحبون طـاريــــك
لازم يـعـيـبـونـك لــو إنــك كحـيلان
وراعي الهدف كنه رفيق أمصافيــك
إلى بـدت لـه لازمـه جاك شـفـقـان
مهما سعيت بحاجته حين يأتيـــــــك
حـزت قـضى من لازمه قال جحدان
لو قلت وش داعي الجفا قال مابيـك
وإلــى ذكـرت السـابـقـه قـال مـنـان
قـلـه تـقـلـع لا تـجــيـنـي ولا أجـيـك
وش عـاد لـو كنتـم رفـاقـه وجيـران
خـلٍ تـقـيـرب لـه وهـو دوم يقصيـك
خلـه يـولـي رفـقـتـه فـود عــوجـان
وأعرف ترى الثرثار هرجه تماتيـك
كـأن فـي جـوفـه مسجـل وشـرطـان
لو تزهمه بالصوت ما تقـل يـوحيـك
وإلى نصحته صد غاضب وزعـلان
يــدرد ولا عـنـده عــلـوم تـسـلـيــك
يــفـرا الـكـلام بـلا دلايــل وبـرهــان
والفـاهـم الـمـدرك بـرايـه ايـقـديـك
وأهل الجهل دايم عـن الحق عميان
وإلى ظهر علمك ترى الناس توذيك
أحفـظ كرامـة سمعتـك قـدر الأمكان


عبدالله العبارالعنزي

[سعد عبدالرحمن]

والفـاهـم الـمـدرك بـرايـه ايـقـديـك
وأهل الجهل دايم عـن الحق عميان



كلام رائع

لاهنت

[شيهان شمران]

كﻻم رائع وفي محله

[حسن بن عبدالله]

ابيات رائعه احسنت الاختيار
فشكرا لك اخي الحمدان عى روعة اخيارك

[الحمدان]

اشكركم لمروركم واهلا وسهلاً بكم

[عطر الورد]

مشكور ع الموضوع

[الحمدان]

شكراً لك اخي عطر الورد لمرورك
وفقك الله لكل خير
وبارك الله فيك