ياكثـر مانفقـد مـن الموات خلان

[همس القوافي]

ياكثر مانفقد من الموت خـلان
تاخذهم الدنيا بغبّة بحرها

قبل أمس بيديني دفنتك يابو " فلان"
واليوم دور "فلان" في منحدرها

الله يرحمهم ويسكنهم جنان
كانوا خيار القوم .. وأطيب بشرها

ماتوا كذا .. فجأه على غير حسبان
ونفوسنا تبكي عليهم قهرها

بس البلا [ يومين ] دمعات وأحزان
وقت العزا ننعى ونشكي ضررها

وباقِ السنه .. مابين شغله وسلوان
وأحبابنا مانحتفظ في أثرها

مدري " طبيعه " في طبيعة هالإنسان؟
أو إنها "طبع الحياه" وقدرها

عجزت أفسّر ماجرى قدم الأعيان
يوماً حزن .. والضحك باقي شهرها

هل ياترى ؟ باكر ليا صرت جثمان!
كم يوم تبكيني عيون بمطرها ؟؟

[شيهان شمران]

تسلم وبارك الله فيك

[محمد مزهر]

يعطيك العافيه على الطرح

[حسن بن عبدالله]

طرح رائع فشكرآ لك اخي همس القوافي
بارك الله فيك