من تخلى عن رفيقة فلا هو بعربي

[سعد عبدالرحمن]

المدى للمنتظر صعب والرفقه وجوب
من تخلى عن رفيقة فلا هو بعربي

أشهد أني ما ترددت في كل الدروب
لكن الأيام عرجا وانا ماني غبي

شفت في لون القصايد من اللوعه شحوب
واعتبرت أن المسافات مردود أطلبي

والمطالب ردها الصلف وقّاد الشبوب
والوفا تكتبه الأفعال والغش يهبي

والرحيل أستر من الليل لأصحاب الذنوب
لو عناه أكبر من الصبر لو ضاع تعبي

ذنبي اللي كل ما قلت عنه أرجع وأتوب
زاد في قلبي حلاه ورجعت أقول أبي

والحنين أحيان يوجع وجارح للقلوب
والرسايل بعض الأحيان معناها أش تبي

[شيهان شمران]

صح لسانك يابو مجبر وافية بيض الله وجهك ..

[سعد عبدالرحمن]

صح بدنك يابوصالح وشكرا لك لاهنت

[رافع الهامة]

صح لسانك يابوعبدالرحمن مليون
قصده رائعه بروعتك لاعدمناك