قصيده للشاعر / عبدالله بن منجيه (ابوراكان)

[حسن بن عبدالله]

يالله في نورٍ يجلي الظلامي
وان تجبر اقلوبٍ دهتها الظليمة

وارو الكبود المسنيات الضوامي
وابدل ضماها ديمةٍ مستديمه

أمٍ عليها الهم مثل الغمامي
خيم عليها غيمةٍ عقب غيمه

واظلم عليها الكون واصبح عتامي
والفقد والحرمان تصلى جحيمه

بين الضلوع الحدب حد الحسامي
والقلب يشعل مثل نار الهشيمة

ومن توثق بالصبر مايضامي
والمبتلي يقوى بصبر وعزيمه

ومن بلي بالشك والاتهامي
ماكل تهمه نعتبرها جريمه

حنا ولانا للوطن والإمامي
على عهدنا والنوايا سليمه

نحمى العهود ولانخون الذمامي
وخشية الله في الضمائر مقيمة

نفدا الوطن لاجا نهار الزحامي
بدمينا وارواحنا مستهيمة

حب الوطن وابنا الملوك العظامي
الكل منا يحمله في صميمه

في ضل خدام البيوت الحرامي
نهنأ ونسعد في حياةٍ كريمة

( الشاعر/ عبدالله محمد بن منجيه الشمراني
(ابوراكان)

[سعد عبدالرحمن]

صح الله لسان أخونا الغالي عبدالله أبو راكان

وتسلم يمينك يابو تركي ولا هنت

[القبطان]

ماشاء الله موضوع مفيد جعلها الله في ميزان حسناتك

[نوال الشمراني]

مساكم الله بالخيرات

صح نبضك
أبو ركان
منظومتك راقية المضمون

لله درك

والشكر موصول
للفاضل- حسن بن عبدالله

لاهنتوا
@جاهله@