شيلة ياجرحي استاذنك كلمات الشاعر علي سعد ظافر الشمراني اداء الشاعر والمنشد مسفر بن شنيف الشمراني

[المنتظر مل صبره]

السلام عليكم ورحمة الله وبركاته


اقدم لكم شيلة ياجرحي استاذنك
كلمات الشاعر/ علي سعد ظافر الشمراني
اداء الشاعر والمنشد /مسفر بن شنيف الشمراني

تنفيذ / سعد الشمراني


https://www.youtube.com/watch?v=dVZGyg67IHA

الكلمات
ياجرحي استاذنك بانام لي ساعه
وارجوك وادخل على الله لاتصحّيني

لي خمسة ايام اعيش السّمع والطّاعه
ولك خمسة ايام تامرني وتنهيني

والمشكله جت عروق القلب فزّاعّه
..مايكفي انك سرقت النوم من عيني

اصبحت انا القاز وانت امسيت ولاّعه
..شبيتني يا عشيري وش يطفّيني

دكتور وممرضه وابره وسمّاعه
في كل ليله ولايدرون وش فيني

ياسيدي الجرح قلبي يشتكي راعه
لا الذنب ذنبي ولا الموضوع بيديني

حبيت واخلصت واثر الحب فقّاعه
روّح وباقي يموتني ويحييني

غيري هدر دم عشق وللاسف باعه
غيري قتل كل حب بحد سكيّني

وانا الي اصبحت للأخطاء شمّاعه
وادفع ثمن كل غلطه من محبيني

قبلي في العشق ناس وتشكي اوجاعه
قالوا متاهه وانا جيته برجليني

بدايته سلسله ..والنّفس طمّاعه
اغراني ادري ولا في شي يغريني

واليوم لو قلت يااهل الحب واطباعه
انتوا على دينكم وانا على ديني

اجبرني الجرح اعيش السّمع والطّاعه
حتى ولو قلت له ياجرحي اعفيني

من خمسة ايام وانا في رجا ساعه.
.وان جيت بانامها جرحي يصحّيني

[حسن بن عبدالله]

صح لسان علي بن سعد ابيات جميله
واداء مميز من مسفر بن شنيف

المنتظر مل صبره حياك الله
وشكرا لك على حضورك المميز حفظك الله

[بكرعلي]

يعطيك العافية شيلة جميلة

[محمد نصر]

يُعْطِيكَ العافيه ..
تَسَلُّمَ يَمَنَاكَ ..لاخلا ولا عدم
ولَا حَرَمَنَا جَدِيدَكَ ..

[سعد عبدالرحمن]

رائعة بما تحمل الكلمة
شكرا لك ولعلي سعد ولمسفر شنيف