مواري الطيب

[يوسف الشمراني]

مواري الطيب ف الرجال معروفه
طلق المحيا ولايزعل بني عمه
اللي من الكيف والجزلات مصروفه
ومورد الضيف من عد الكرم جمه
ويقضي ديون العرب من جملة اسلوفه
وهم الخوي يردفه لاقام مع همه
عينه لقنص المراجل تقل شاخوفه
سيلن ليا مر فوق المعتدي طمه
يم الجدي والثريا تاصل شفوفه
من يقنعه غير مشرافه على القمه
وليا ينطق يوفي المكيال بحروفه
والكلمه الطيبه ما فارقت فمه
واللي من ايات سرعه تنقز بلوفه
ومن حر غله تعيش الكبد منسمه
لو شافني من حدر والله ماشوفه
لو كان يردف على العمه مية عمه
يوسف الشمراني

[بكرعلي]

تسلم وصح لسانك

[يوسف الشمراني]

صح بدنك بكر عساك سالم

[حسن بن عبدالله]

وعليكم السلام ورحمة الله وبركاته

يوسف الشمراني
حياك الله وهلا وغلا ومرحب فيك
حضور مميز وقصيده رائعه فصح لسانك