نزيه العرض والسمعه

[يوسف الشمراني]

الاحي الورق وتلاحيني الدمعه
وتلعب على جال خدي لعب رقاصه
على وليفن نزهيه العرضه والسمعه
في ثومة القلب مرباعه ومقناصه
يازين بين الملا زوله مع طبعه
وشفاته اللي لعذب الريق مصاصه
والخد يضوي مع شمس الضحى لمعه
والرمش جيشن يفج القلب برصاصه
والعين بحرن زرت عيني على شرعه
والله رسم حاجبه من دون نماصه
ويفرق جديله ولايقوى على جمعه
ماعمره لحقه مع اهل القص قصاصه
والبطن جايع ويوحي ردفه بشبعه
مافيه بحرن بكون الحسن ماغاصه
عليه روحي لها وسط الحشا نزعه
والقلب كنه مابين اطباق حماصه
يوسف الشمراني

[حسن بن عبدالله]

وعليكم السلام ورحمة الله وبركاته

يوسف الشمراني
حياك الله وهلا وغلا ومرحب فيك
وشكرا على هذا الحضور المميز قصيده رائعه فصح لسانك