وش بقى لي

[يوسف الشمراني]

عقب رحتي ياجميله وش بقى لي
غير هم وغير حزن وغير عله
والصبر مايحتمل سود الليالي
والحزن زاده وسط دمعي يبله
ويش يسوي من فقد بالناس غالي
ولا لقى غالي يوافي في محله
ماسلا لو قال عنه الناس سالي
حيلته دمعن مع الذكرى يهله
يختلي بالهم في روس الطوالي
ويعقد بحل الرجا ولا يحله
ضلع صبره من صدوف الوقت مالي
وحمل وقته ماقوى متنه يشله
وقته اللي واطيه وطي النعالي
اثر غدر الوقت للوافي جبله
صاليه من حرة الاوجاع صالي
وفاحت عروق الحشا من حر غله
مابقى ياحلم مع ذودك مفالي
الدهر جارت على مرعاك بله
يوسف الشمراني