ياطير في عشك

[يوسف الشمراني]

ياطير في عشك تزيد التغاريد
ماحدن حرمك اليوم خلن توده
وانا على خلي لقيت المناقيد
وسبحت بحرن يطمر الضلع مده
كنت احسب ان الحب قطف العناقيد
واثر الهوا والحب ملعون جده
مايبتلى بالحب غير المقاريد
تمضي لياليهم بضيقه وشده
من قبلهم قيس الملوح طوى البيد
الين جن وتالي الموت مده
الحب دون الوصل ذله وتعقيد
شين يذل القرم ويبيح سده
وانا لصوت الحب وسطي تراديد
والشوق طيره في سما الفكر هده
على خليلن بالحشا له مواريد
يرشف من عروق الضماير بيده
لمن ذكرته اصفق الراس بالحيد
واعن صبري للنوايب واعده
عذرن نحيلة خصر منتوقة الجيد
وجديلها فوق المناكب تكده
وعيونها ترمي مثل بندق الصيد
ياويل من صوبه نضرها تلدهه
اقفت ولالي عقب ماروحت عيد
وسيف العنى يشهر على الحال حده
يوسف الشمراني

[حسن بن عبدالله]

يوسف الشمراني قصيده رائعه
فصح لسانك