المساعد الشخصي الرقمي

مشاهدة النسخة كاملة : ماطاحت الشيمه


يوسف الشمراني
01-16-2017, 10:24 PM
ماطاحت الشيمه ولو طاحت الروس
ياللي تدور للخطا حيل عنا
انفوسنا ماهي بحي الله نفوس
ياما عشان المجد صلنا وجلنا
نصبر ولو وجهه المقادير معبوس
وعظامنا بالحمل ماهي تثنا
الله خلق فينا نما الطيب مغروس
فينا خصال الطيب منا ومنا
قومن مع الفزعه ندوس الخطر دوس
عزي لحال اللي يحوفه زعلنا
مانلبس الا بردة العز ملبوس
والا ترانا لبسنا من كفنا
والضيف لاجانا لقى الزاد متروس
ياكل ويشبع ما نقص من صحنا
ودخيلنا يامن على الارض محروس
دونه بحد السيف ياما طعنا
نضحك ودمع الضيق بالعين محبوس
ونزبن لعطف الله لا من زبنا
يوسف الشمراني

بكرعلي
01-17-2017, 09:57 AM
صح لسانك وعلى شانك

عابر القارات
01-17-2017, 09:37 PM
صح لسانك يابو محمد وعساك على القوه
تحياتي لك

د/عبدالله
01-17-2017, 10:10 PM
الله خلق فينا نما الطيب مغروس .. فينا خصال الطيب منا ومنا
-----------
عز الله انك ابدعت اخي يوسف , رائعة بحق

أميرة الورد
01-18-2017, 09:24 AM
صح لسآنك

مشآركة رآآئعة

لك خآلص آلشكر وآلتقدير


:

أميرة آلورد