ودي افضفض بس وين التعابير

[روح الجروح]

http://store4.up-00.com/2017-06/149884734562192.gif
ودي افضفض بس وين التعابير

ايام راحت بي وراحـت علـى خيـر

مرت على عمـري مـرور الثوانـي





ايام كانت غير .. فـي ذمتـي غيـر

احيت يباس عروق ذيـك المحانـي





قبل الوداع , قبـل طـوي المشاويـر

ماكنت احـس بقيمتـه لـو جفانـي





ويوم افترقنا والحزن جانـي امغيـر

عرفت وش معنـى ضيـاع الامانـي





ماعاد لك ياحـزن حشمـه وتقديـر

من يوم جيت وجبت لي جرح ثانـي





وماعاد بيـدي شـي.. دام المقاديـر

وفـت وعدها..وسلبتنـي زمـانـي





سيلـت بفراقـه دمـوع المعـاذيـر

حتى خشـع مـوج الغـلا للموانـي





ومديـت للقيـا كفـوف التباشـيـر

ومدت لي الفرقـا كفـوف التهانـي





ودي افضفض بس ويـن التعابيـر؟

ودي اعبـر بـس ويـن المعانـي؟





حاولت ابـرر صمتـي بـأي تبريـر

وعجزت ابرر صمتي اللـي غشانـي





ياصمتي اللـي مالقـا لـه تفاسيـر

ليـت الـذي وداه.. يمـه خـذانـي





ياحيله الله وش بقا؟ وش يبي يصير؟

دام المكـان اليـوم ماهـو مكانـي





الغيت من بعـده جميـع المحاذيـر

وارخصت عمري دام هالعمـر فانـي





بعده.. تراها تهون كـل المخاسيـر

يعني وش اكبر من خساره كيانـي؟





لوقلـت مالبعـده الـيـوم تأثـيـر

تفضحني عيوني.. ويكـذب لسانـي





لكن تركت له هالقصيده علـى خيـر

يمكـن يحـس بضيقتـي لاقرانـي
http://store4.up-00.com/2017-06/149884734562192.gif

[بكرعلي]

جميل جدا بارك الله فيييك

[الحمدان]

لوقلـت مالبعـده الـيـوم تأثـيـر
تفضحني عيوني.. ويكـذب لسانـي

جميل جدا وصح لسانك وعلا شأنك
وبانتظار جديدك وبوح قلمك
انتي رائعه جدا جدا جدا
ياروح الجروح الغاليه
تقبلي مروري وتحياتي العطره

[روح الجروح]

الاخ بكر علي منور بحضورك الراقي

اسعد الله قلبك

استاذي الحمدان سعيدة ان يكون لك بصمة هنا

حضورك الراقي زاد الموضوع جمالا

مع اطيب الامنيات

[حسن بن عبدالله]

روح الجروح
دائما متميزة في الاختيار
فسلمت يداك على روعه طرحك
ننتظر المزيد لاعدمناك