قال الشاعر : دلمخ مشعي السبيعي

[الحمدان]

خل حبل السانيه بين النحر والغارب
لا تقفّاها على الساقه ولا تنطحها

خلها لا سلمت اللحيه وسلم الشارب
مانت باللي تكتب السيّه ولا تمسحها

خل اهل مارب تجرّب حظها في مارب
لين تقنع من خسايرها ومن مربحها

وان لقيت جحارة الديبان والعقارب
لا تقوم تدوّر العيدان وتفتّحها

دام مالله كلفّك بالمنسدح والهارب
مر عوج الناس واتركها على مسدحها

لو يروح النوخذه والا يروح القارب
غلطة ماهيب لك من قال لك صححّها

الاوادم شرها من خيرها متقارب
من خلقنا الله وحنا ذمها وامدحها

والزمان مشمر(ن) كمه وكفه ضارب
عالم ن تحتال فيه وعالم ن يذبحها

الشاعر : دلمخ مشعي السبيعي

[أميرة الورد]

صح لسآن آلشآعر دلمخ مشعي السبيعي

ع هذه آلآبيآت ..


شكراً لك أخي آلفآضل ,,, آلحمدآن

ع آلمشآركة آلرآآئعة

الله يعطيك آلعآآفية

لك تحيآتي آلعطرهـ



:

أميرة آلورد

[بكرعلي]

صح لسانه ومشكور على النقل

[الحمدان]

الأخت الفاضلة أميرة الورد
شكرا لك لمرورك
وفقك الله لكل خير
وبارك فيك واسعدك

[الحمدان]

الأخ الفاضل بكر علي
شكرا لك لمرورك
وفقك الله لكل خير
وبارك فيك واسعدك

[حسن بن عبدالله]

صح لسان الشاعر دلمخ السبيعي
اخي الحمدان
شكرا لك على هذا التواجد الفعال
والمشاركات النافعه والمفيده
بارك الله فيك

[الحمدان]

الأخ الفاضل أبو تركي
شكرا لك لمرورك
وفقك الله لكل خير*
وبارك فيك واسعدك