يارقيق المشاعر وين راح الحنان

[روح الجروح]

يارقيق المشاعر وين راح الحنان

http://www8.0zz0.com/2015/03/26/21/945763352.png



يارقيق المشاعر وين راح الحنان
ليه ماشلت قلب طاح قدام عينك

الزمن هو زمانك والمكان المكان
واخر الشعر كلمه تسألك عنك وينك

من تقهويت صوتك سولف الزعفران
عاد وشلون فنجالن تمده يمينــك

تذكر شلون كنا والغلا كيف كـان
يوم لاغبت عنك مااسمع الا ونينك

اشعر بخوف مدري كنت احس بامـان
يكفي ان جيت يمك طار فيني حنينك

وشكثر كنت وافي واقرب الناس خـان
بس اثق فيك حتى لو عيوني تدينــك

زان عمري بقربك يعني الوقـت زان
حتى جرد القصايد ربعت في يدينك

طول عمري وانا لاوي اذراع الهوان
شفت يومك بعيني منهو يقدر يهينك

مذكر اني نسيتك واذكرك من زمان
واذكر اني ضحيه بين قلبي وبينـك

تدري وش جابني لك لاتقول الحنان
جيت بشيل قلبن طاح قدام عينــك

[بكرعلي]

ضح لسانك بارك الله فيك

[حسن بن عبدالله]

اختنا روح الجروح
مبدعه كعادتك مواضيع مميزه
ومتنوعه حفظك الله ورعاك

[أميرة الورد]

شكراً لكِ غآليتي ,,, روح آلجروح

ع آلمشآركة آلرآآئعة

لكِ آكآليل من ورد آلجوري



:

أميرة آلورد