فرعون عمه / بقلم نجم حرب

[نجم حرب]

الناس هم بالناس ماذا يقولون
قالوا كثيرٍ والسوالف طويله

الناس كل الناس بالناس يحكون
وكلٍ يحدد كلمته مع زميله

احدٍ يقول الحق وابليس ملعون
يازن كلامه ماحصل منه ميله

واحدٍ هو راس ابليس آذان وقرون
وفرعون عمه والخميني عميله

الله امر ناسه من ناسه يعوذون
حتى النبي رب الخلايق دخيله

تلقى الوفي وراه ناسٍ يحسدون
اما الغبطه والا النفوس الغليله

وتلقى الردي وراه ناسٍ يهرجون
تفضفض مجالسهم ومامن حصيله

هذي اطباع الناس والناس يدرون
ماعاد للعاقل على الناس حيله

ويالعاقل المذكور سلام مليون
اجلس معي والكل عقله دليله

نجم حرب

[شبح الشمال]

شاعرنا القدير ابو فهد


بارك الله فيك علـى البيات الشعريه ولجمـيله والطـرح الممـيز
أفـدتنا بمـعلومات قـيمة ومفيدة جـزاك الله خـيرا
نحـن في انتظـار قصائدك الجديـدة والرائـعة
لـك مـني أجمـل التحـايا ودمـت فـي أمـان الله وحفـظه
تحيـاتي الحـارة

[نجم حرب]

لاهنت استاذي الكريم شبح الشمال وصح بدنك
تحياتي
لمقام سموكم الكريم :

[روح الجروح]

سلمت وسلمت اناملك
ودمت ودام نبض قلبك
وقلمك واحساسك
لروحك سعادة لا تفنى ابدآ

[نوال الشمراني]

مساكم الله بالخيرات



ياكريم السجايا

ينبوع الشعر الذي
لاينضب-
قدوتنا عندما نريد إقتفاء أثر الإبداع-
وقفت إجلالاً في حضرة هذة المنظومة-

سلم اليراع
بوركت يا وارف الظلال-


لاهنت
@جاهله@

[نجم حرب]

روح الروح صح بدنك ولاهنتي اقف اجلالاً امام شخصك الكريم واحلا تحية /

نجم حرب

[نجم حرب]

نوال الشمراني صح بدنك ولاهنتي امام كل حرف كتبتيه شكر واحترام وتقدير لمقام سموك الكريم /

نجم حرب

[حسن بن عبدالله]

اخي نجم حرب
حياك الله وحي نبضك
رائع ماتقدمه فصح لسانك

[نجم حرب]

(اخوي حسن صح بدنك ولاهنت)