الحمدان
11-03-2018, 06:51 AM
توكلنا على الله والله اللي يقضي الحاجات
ليا صرت قفول أبواب غيره ما أنقفل بابه
بديع الصنع جبار الخواطر واقي العثرات
عزيز الجاه ما غيره الآه ولا كفرنابه
على ارض من منى نلقى ملكنا وابرك الحزات
عسى عمره طويل وعطر الله قبر من جابه
تجمعنا على الراي الرشيد وعاشت الرايات
ولا نرفع شعار الا بشرع الله وكتابه
ولا نخطي و لانرضى الخطى بين من الحالات
ومن يخطي ولو هو من حدينا ما حسبنا به
ولا نخدع ولا نخدع ولو راحت علوم وجات
ولا يهزم بنا الجمع الكبير إذا حضر نابه
اليا منا بطشنا بطشنا ما هو من السهلات
اليا شفنا البطوش امباطشي يبطش بطشنا به
واعلام العالم المسموم مهما اشتدت الحملات
ما ينقص من البحر قطره ولايرفع و جابه
تهذبنا من الاسلام والجهل المركب فات
نحدث من حديث اللي هدانا واهتدينا به
وبعد ما قلت اقول ويستفيض القول بالأبيات
على هذا الزعيم اللي تعود العرب لأنسابه
عريب الأصل حر الفصل والمنشأ رفيع الذات
غريب الوصف ما مثله ولا وصف يحلابه
على وجهه ملائكة الرضى ترسم لنا البسمات
بعد صبح تبسم وابتسم له وابتسمنا به
صليب الراي حلال المشاكل مخلف الهقوات
يكيل الصاع بالصاعين لأخصامه وحرابه
يحايل بالحيل ومحايلي ويحلحل الحيلات
بحل من الحلول تحال من حله ومنسا به
يوقت للحدث قبل العبث عقارب الساعات
ولا يضغط زناد الا يدقق وين مضرابه
صميدع من مرفعة الخشوم ينزل النعرات
ولا قد ضاع حق عن الفهد والفهد طلابه
مخضرم والسياسه مخ راسه مثبته بثبات
عرفناها من الأحداث والتاريخ نقرا به
يغيث المستغيث وينقل المسلم من النكبات
ما هو بمقامري يفرض الجزيه على أحزابه
يجينا المستجير بيوم تتغير به اللهجات
لغة مدفع وما يدفع وطياره ودبابه
يجازف ما يساوم ينهي البيعات والشريات
ما عاد يباع في سوقه وابد ما عاد يشرا به
فهد يا فزعة العاجز فهد يا راعي العادات
فهد يا عزوة الشعب السعودي ومن تعزوا به
فهد يا صادق النخوة فهد يا صامل الوقفات
قدمه مكرسه من أوتاد الحجاز ونجد واهضابه
تحيزم لثعلب حزام أسد وخذ الحذر مرات
ترى المحسود عدوانه تصير اكثر من أصحابه
حكيم ولا توصى منتبه وتعدل الغلطات
وتلقى الراي مع راعي الغنم لو هو بمشعابه
صديقك من يقاسمك الهموم بساعة الضيقات
يصيبه هم من همك وعنك الهم ينتابه
ولا ينفع مع الخاين سعة بال وصبر وسكات
قليل أحسان حلو لسان دود الحقد يرعابه
ولا تامن من النجس القريب يدور الفرصات
ولو حطك بعينه واقتنعت انك من احبابه
ولا تامن مبيعة العهود وهم اهل البوقات
إذا اصبح واحد منهم بعهد اصبح ولا امسا به
ولا تامن منقبة القبور بكشفة العورات
يشيلون الكفن ويدمدمون القبر بترابه
ولا تامن سحابة صيف يلقح باسرع الأوقات
أديار عامره بشعوبها راحت من اسبابه
ولا تامن لفروخ الداب لو عاشن وابوها مات
يجن الصبح بانياب تنسل كنها انيابه
ترى ما حل في بعض الدول تنبيه وانذارات
ومن لا ينتبه معك يا التيار يغدا به
صحيح اهل القرى ماياخذون الا على الغفلات
عبر والمعتبر يعيا الامور وياخذ احسابه
حمانا الله ونكران الجميل من اخطر الأفات
قليل العرف والحيوان طبق الأصل تتشابه
وتحييا يا ملكنا للوطن والشعب و القوات
امانك بعد امان الله يعيش بنا وعشنا به
وعلى ولي عهدك جيت بتحيات مثنيات
عدد محرم من المحرم هو كبربه ولبابه
على عبدالله اللي هامته خرت له الهامات
وكم عاقل وكم جاهل بعد يخشاه ويهابه
يعلم ما يعلم رجل سلم وحرب وخذ وهات
طوى المصحف على صدره وشد السيف بنصابه
يمينه للوطن ساحة عطا جزله واب الجزلات
يدين المفلس البائس تعلق به وتنجى به
كساه من التواضع ما يسر الصدر والنظرات
لبس للناس تاج الحلم والعدل تعصا به
ولك كف باصابعها تدير الوجه بالصفقات
قرانيس الحرار تطيح من كفه ومخلابه
فسر عن ساعده للمعتدين يسدد الضربات
على الاصحاب والاجناب يعدابه ويبدا به
شجاع بلقى يوم الجبان يبان بالاقوات
ولو خاض البحر خضناه بالرجل وعبرنا به
أبو متعب الليا حمي الوطيس ودارت الجولات
كسبها وان بلاوهبها ردي الحظ يبلابه
نوادر مهجتي في سيدي دايم تجي عذبات
شعور صادقه ثم صادقه ماهيب كذابه
وعود المدح حماي الحدود موجهه الغارات
تذود عن الحمى وتصف طماع تهقوابه
توجه من قواعد فهد بالخطه على الشاشات
حفظك الله وزين فعلك الفذ افتخرنا به
عليك البيض فوق البيض يا سلطان منشورات
على الأشهاد ينظرها العقاب براس مرقابه
كريم النفس مشهود الكرامه طيب المدات
تغيب المرجله وان حضرت عنده هي أولا به
حشا ما غيركم يا أهل الوطن لاهل الوطن قادات
ولا قد قادنا الا قايد ٍعادل ونرضى بة
ليا صرت قفول أبواب غيره ما أنقفل بابه
بديع الصنع جبار الخواطر واقي العثرات
عزيز الجاه ما غيره الآه ولا كفرنابه
على ارض من منى نلقى ملكنا وابرك الحزات
عسى عمره طويل وعطر الله قبر من جابه
تجمعنا على الراي الرشيد وعاشت الرايات
ولا نرفع شعار الا بشرع الله وكتابه
ولا نخطي و لانرضى الخطى بين من الحالات
ومن يخطي ولو هو من حدينا ما حسبنا به
ولا نخدع ولا نخدع ولو راحت علوم وجات
ولا يهزم بنا الجمع الكبير إذا حضر نابه
اليا منا بطشنا بطشنا ما هو من السهلات
اليا شفنا البطوش امباطشي يبطش بطشنا به
واعلام العالم المسموم مهما اشتدت الحملات
ما ينقص من البحر قطره ولايرفع و جابه
تهذبنا من الاسلام والجهل المركب فات
نحدث من حديث اللي هدانا واهتدينا به
وبعد ما قلت اقول ويستفيض القول بالأبيات
على هذا الزعيم اللي تعود العرب لأنسابه
عريب الأصل حر الفصل والمنشأ رفيع الذات
غريب الوصف ما مثله ولا وصف يحلابه
على وجهه ملائكة الرضى ترسم لنا البسمات
بعد صبح تبسم وابتسم له وابتسمنا به
صليب الراي حلال المشاكل مخلف الهقوات
يكيل الصاع بالصاعين لأخصامه وحرابه
يحايل بالحيل ومحايلي ويحلحل الحيلات
بحل من الحلول تحال من حله ومنسا به
يوقت للحدث قبل العبث عقارب الساعات
ولا يضغط زناد الا يدقق وين مضرابه
صميدع من مرفعة الخشوم ينزل النعرات
ولا قد ضاع حق عن الفهد والفهد طلابه
مخضرم والسياسه مخ راسه مثبته بثبات
عرفناها من الأحداث والتاريخ نقرا به
يغيث المستغيث وينقل المسلم من النكبات
ما هو بمقامري يفرض الجزيه على أحزابه
يجينا المستجير بيوم تتغير به اللهجات
لغة مدفع وما يدفع وطياره ودبابه
يجازف ما يساوم ينهي البيعات والشريات
ما عاد يباع في سوقه وابد ما عاد يشرا به
فهد يا فزعة العاجز فهد يا راعي العادات
فهد يا عزوة الشعب السعودي ومن تعزوا به
فهد يا صادق النخوة فهد يا صامل الوقفات
قدمه مكرسه من أوتاد الحجاز ونجد واهضابه
تحيزم لثعلب حزام أسد وخذ الحذر مرات
ترى المحسود عدوانه تصير اكثر من أصحابه
حكيم ولا توصى منتبه وتعدل الغلطات
وتلقى الراي مع راعي الغنم لو هو بمشعابه
صديقك من يقاسمك الهموم بساعة الضيقات
يصيبه هم من همك وعنك الهم ينتابه
ولا ينفع مع الخاين سعة بال وصبر وسكات
قليل أحسان حلو لسان دود الحقد يرعابه
ولا تامن من النجس القريب يدور الفرصات
ولو حطك بعينه واقتنعت انك من احبابه
ولا تامن مبيعة العهود وهم اهل البوقات
إذا اصبح واحد منهم بعهد اصبح ولا امسا به
ولا تامن منقبة القبور بكشفة العورات
يشيلون الكفن ويدمدمون القبر بترابه
ولا تامن سحابة صيف يلقح باسرع الأوقات
أديار عامره بشعوبها راحت من اسبابه
ولا تامن لفروخ الداب لو عاشن وابوها مات
يجن الصبح بانياب تنسل كنها انيابه
ترى ما حل في بعض الدول تنبيه وانذارات
ومن لا ينتبه معك يا التيار يغدا به
صحيح اهل القرى ماياخذون الا على الغفلات
عبر والمعتبر يعيا الامور وياخذ احسابه
حمانا الله ونكران الجميل من اخطر الأفات
قليل العرف والحيوان طبق الأصل تتشابه
وتحييا يا ملكنا للوطن والشعب و القوات
امانك بعد امان الله يعيش بنا وعشنا به
وعلى ولي عهدك جيت بتحيات مثنيات
عدد محرم من المحرم هو كبربه ولبابه
على عبدالله اللي هامته خرت له الهامات
وكم عاقل وكم جاهل بعد يخشاه ويهابه
يعلم ما يعلم رجل سلم وحرب وخذ وهات
طوى المصحف على صدره وشد السيف بنصابه
يمينه للوطن ساحة عطا جزله واب الجزلات
يدين المفلس البائس تعلق به وتنجى به
كساه من التواضع ما يسر الصدر والنظرات
لبس للناس تاج الحلم والعدل تعصا به
ولك كف باصابعها تدير الوجه بالصفقات
قرانيس الحرار تطيح من كفه ومخلابه
فسر عن ساعده للمعتدين يسدد الضربات
على الاصحاب والاجناب يعدابه ويبدا به
شجاع بلقى يوم الجبان يبان بالاقوات
ولو خاض البحر خضناه بالرجل وعبرنا به
أبو متعب الليا حمي الوطيس ودارت الجولات
كسبها وان بلاوهبها ردي الحظ يبلابه
نوادر مهجتي في سيدي دايم تجي عذبات
شعور صادقه ثم صادقه ماهيب كذابه
وعود المدح حماي الحدود موجهه الغارات
تذود عن الحمى وتصف طماع تهقوابه
توجه من قواعد فهد بالخطه على الشاشات
حفظك الله وزين فعلك الفذ افتخرنا به
عليك البيض فوق البيض يا سلطان منشورات
على الأشهاد ينظرها العقاب براس مرقابه
كريم النفس مشهود الكرامه طيب المدات
تغيب المرجله وان حضرت عنده هي أولا به
حشا ما غيركم يا أهل الوطن لاهل الوطن قادات
ولا قد قادنا الا قايد ٍعادل ونرضى بة